Êsai 47:13 - Sơ̆p Hlabơar Nơ̆r 'Bok Kei-Dei

¹³ Jơhngơ̆m ih gleh glăn yua kơ đơ̆ng iĕm chă pơđâu tơ'bôh lơ tơdrong. Iung bĕ ơ lu bơngai mă băt hlôh gah plĕnh, lăng sơnglŏng, lăng khei tơ'bang blŭng-a, na tơng khan lê̆ adrol. Lê̆ lu sư pơklaih ih đơ̆ng dôm tơdrong gô truh kơ ih 'noh.

Êsai 47:13 ပူးပေါင်းရင်းမြစ်များ

Êsai 44:25

Inh pơm pơglăi lê̆ tơdra lu bơngai khan lê̆ adrol hơlĕnh, pơm kơ lu pơjâu jing kơwao; pơm kơ lu bơngai hlôh jing kơtul pơm tơplơ̆ tơdrong hlôh băt sư jing kơtul kơwao dơ̆ng.

Êsai 47:15

Đĭ dôm lu bơngai jang gleh hrat hơdai ih jing thoi noh: Dôm lu bơngai mơdro mơchan hăm ih đơ̆ng oei 'lơ̆p. Rim 'nu jrok kiơ̆ trong kơdih, ưh kơ đei bu dŏng pơklaih ih!

Êsai 47:9

Kŭm lăm minh năr. Ih gô đei 'bar tơdrong âu truh kơ ih. Tơdrong hiong kon hơ'lơ̆p păng jing yă adro. Gô truh tôm tơdrong 'noh. Mă khan ih pơjâu pơm lơ tơdrong tơwir dah đei hĭ nơ̆r yang mơsêh pơma hơlĕnh!

Êsai 57:10

Iĕm gleh lap bơih yua kơ trong ataih; mă-lei lu iĕm ưh kơ đei khan, noh jơ̆ tơdrong kơ đei. Lu iĕm chă 'bôh bơih jơhngơ̆m pran kơ iĕm kơdih, na iĕm ưh kơ đei rơdu tơrăn.

Êsai 8:19

Tơdah đei bu khan kơ iĕm Năm apinh jet bĕ lu pơjâu pơma hăm lu bơngai lôch, lu pơma bơlăm thoi sem păng pơma ưh kơ rơđah ôh khan bĕ kơ lu sư: Ưh kơ trŏ ôh hă kon pơlei năm apinh jet Kră Yang 'Bok Kei-Dei lu sư kơdih? Wă tơgŭm ăn kơ bơngai arih, liơ năm apinh jet bơngai lôch?

Je 51:58

Kră Yang Tih Hloh khan: “Dur pơlei Babilôn hơ'bơ̆l, đe gô teh tơlơ̆ hơlih păk đĭ tơ teh, Lu 'măng jang sư kơjung ră, đe gô soh sa đĭ; kon pơlei gleh hrat mă ưh kơ yua kiơ, lu adrĕch adrung bơ̆jang gleh lap ăn kơ ŭnh sa đĕch.”

Je 51:64

Păng athei khan: Dêh char Babilôn gô huŏng môch thoi noh! Ưh pă đei layơ đông dơ̆ng, yua kơ Inh ăn tơdrong truh pơrăm sư, lu kon pơlei gô pơ̆k huŏng.’ ” Nơ̆r Jêrêmi pơma tôch 'bơ̆t dâu.

Êsêkiên 24:12

Pih pang gleh hrat đĕch; gơsang sa hơ'bơ̆l oei ưh kơ tơkloh đĭ đơ̆ng lăm gŏ, mă dan 'buh lăm ŭnh ră!

Da 5:30

Lăm măng noh hloi pơtao Belsatsar bơngai Kalđê đe pơlôch.

Habakuk 2:13

Lăng, noh hăm trŏ đơ̆ng Kră Yang mă tih hloh? Mă kon pơlei jang gô ăn đĕch kơ ŭnh sa păng mă lu dêh char gleh hrat jing tơdrong ưh kơ đei.