Êsai 47:10 - Sơ̆p Hlabơar Nơ̆r 'Bok Kei-Dei

¹⁰ Ih gơnang tơdrong ih pơm kơnê̆ ih Ih khan: ‘Ưh kơ đei bu 'bôh inh.’ Tơdrong gơh hơgei hlôh wao ih gô pơm kơ ih wơ̆l jrok. Ih pơma lăm jơhngơ̆m: ‘Inh âu, 'nguaih kơ inh ưh kơ đei bơngai bu.’

Êsai 47:10 ပူးပေါင်းရင်းမြစ်များ

Horiso 10:11

Sư khan lăm jơhngơ̆m. “Kră Yang 'Bok Kei-Dei hiơt boih, Kră Yang ôn muh măt Sư, lăng pă 'bôh boih.”

Horiso 52:7

“To, bơngai mă ưh kơ gơnang kơ Kră Yang 'Bok Kei-Dei wei sư pran kơjăp. Mă-lei gơnang kơ tơdrong sư mơdrŏng.c Wă pơm kơ sư kơjăp lăm tơdrong sư pơm kơnê̆!”

Horiso 64:5

Lu sư pơtơm băl pơm tơdrong kơnê̆ lu sư. Pơđâu băl wă hơ'năk hơđong hlơp, Na khan: “Bu 'bôh 'băi bơ̆n.”

Bôk Bơthô 8:8

Ưh kơ đei bu gơh chĕp pơgơ̆r tơdrong arih; kư̆m ưh kơ đei bu gơh weh kơ lôch; lăm tơdrong tơblah tơdrong lôch ưh kơ đei lê̆ bu; bu pơm kơnê̆, tơdrong kơnê̆ kư̆m ưh kơ gơh dŏng pơklaih sư đơ̆ng tơdrong lôch ôh.

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Êsai 29:15

Răm dêh kơ lu bơngai ôn kơ Kră Yang tơdrong lu sư pơđâu, tơdrong jang lu sư pơm oei lăm măng mu păng lu sư khan: Bu 'bôh bơ̆n? Bu băt kơ bơ̆n?

Êsai 44:20

Bơngai sa 'mui tơnuh; jơhngơ̆m đon ưh kơ ngeh ba sư jrok trong; sư ưh kơ gơh pơklaih bơhngol sư kơdih, Păng kư̆m ưh kơ băt tơmam lăm ti 'ma sư noh jơ̆ tơmam hơlĕnh đĕch?

Êsai 47:8

“Thoi noh, ơ lu bơngai 'maih hiôk đĕch. Tơchĕng khan ưh pă đei tơdrong anat kiơ đơ̆ng âu tơ anăp, mơ̆ng bĕ âu: Ih khan lăm jơhngơ̆m. ‘Inh âu, adrĕch yŏng mơng ưh pă đei bơngai bu dang inh, inh gô ưh kơ đei layơ sơ'ngon thoi yă adro kư̆m ưh kơ đei nhơ̆m hmoi thoi bơngai hiong kon hơ'lơ̆p.’

Êsai 5:21

Răm-'băm dêh kơ bơngai bu lăng kơdih akâu sư khan hơgei, pôk kơdih akâu sư khan bơngai hlôh wao!

Êsai 59:4

Chă tơkêng băl ưh kơ kiơ̆ tơdrong tơpăt. Pơjah băl kư̆m ưh kơ đei kiơ̆ tơdrong tơpăt hơnơ̆ng Đĭ-đăng tă kơ gơnang kơ tơdrong hiong răm, pơma hơlĕnh pơdăr, lu sư tơchĕng kơ tơdrong kơnê̆ păng pơm tơdrong răm.

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

Je 9:23

Kră Yang khan: “Bơngai hơgei 'nĕ pă pơang kơ sư hơgei, bơngai pran 'nĕ pă pơang kơ sư pran. Bơngai mơdrŏng kư̆m 'nĕ pă pơang kơ sư mơdrŏng;

Êsêkiên 8:12

Sư khan kơ inh: “Ơ kon bơngai, ih hăm 'bôh tơdrong kơnê̆ lu kră pơlei adrĕch Isơrael pơm lăm măng mu ưh, rim 'nu lu sư lăm anih rup yang sư kơdih? Lu sư đei khan: ‘Kră Yang ưh kơ 'bôh lu bơ̆n ôh; Kră Yang achăng lê̆ boih teh đak âu.’ ”

Êsêkiên 9:9

Kră Yang tơl inh: “Tơdrong yoch lăm adrĕch Isơrael păng Juđa tih dêh tơpă; teh 'bĕnh kơ pham pơlôch băl, lăm pơlei 'bĕnh kơ tơdrong kơnê̆ pơrăm băl. Lu sư khan: ‘Kră Yang achăng lê̆ boih teh âu, Kră Yang ưh kơ 'bôh.’

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Jêphania 2:15

To, pơlei chơt hiôk dang ei oei rơnŭk hơnơ̆ng huay pă tơtăm păng khan lăm jơhngơ̆m: “Inh âu, ưh pă đei bu boih 'nguaih kơ inh!” Ô anih lu sư đĭ juơ boih, jing pơm anih 'bĭch kơ lu sem bri, pă băt dang yơ! Thoi noh mưh đei bơngai năm rok trong ei kơđôp ti hiĕk ăr.

Rom 1:22

Đon bơ̆n tơchĕng kơdih khan bơ̆n hơgei, mă tơpă bơ̆n kơtul dêh.

I Kor 3:19

Dôm tơdrong hơgei ala teh âu 'Bok Kei-Dei lăng thoi tơdrong kơtul đĕch, kư̆m thoi sơ̆p hla bơar 'Bok Kei-Dei chih khan: “Lu bơngai 'bơ̆r đon, sư wă pơm hơgei gah tơdrong pơm kơnê̆ ră, mă-lei 'Bok Kei-Dei băt hloi.”