Êsai 46:9 - Sơ̆p Hlabơar Nơ̆r 'Bok Kei-Dei

⁹ Lu iĕm athei 'blŏk hơdơ̆r bĕ chăl adrol sơ̆, yua kơ Inh bơih Kră Yang 'Bok Kei-Dei ưh kơ đei yang nai ôh; Inh jơ̆ 'Bok Kei-Dei ưh kơ đei bu dang Inh.

Êsai 46:9 ပူးပေါင်းရင်းမြစ်များ

Jop 10:13

Mă khan lei ră, Ih ôn hlơp tơdrong 'nâu lăm jơhngơ̆m Ih, inh băt Ih wă pơm tơdrong 'nâu.

Horiso 111:4

Sư tơ'blŏk tơdrong jang hlĭch chrơp Sư đei pơm boih. Kră Yang 'mêm păng mơnat.

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Le 8:10

Pơtao tơl khan: Năr dơning, Môis khan: Lei ăn kơ nơ̆r ih pơma noh jing thoi noh, wă kơ ih băt ưh kơ đei bơngai bu thoi Kră Yang 'Bok Kei-Dei lu nhôn.

Le 9:14

'Bơ̆t jơ 'nâu, Inh gô tuh tơdrong pơmat jĭ lăm jơhngơ̆m ih đĭch đam ih; păng kon pơlei ih, wă kơ ih băt, jơ̆p kơ teh đak ưh kơ đei bu thoi Inh.

Êsai 41:26

Bu roi pơdah bơih tơdrong noh đơ̆ng blŭng-a wă kơ lu bơ̆n băt? Bu đei roi bơih đơ̆ng adrol sơ̆, wă kơ lu bơ̆n khan: “Sư trŏ bơih!” Ưh kơ đei bu ră roi ôh, ưh kơ đei bu năm khan ôh, ưh kơ đei bu kơtơ̆ng nơ̆r đơ̆ng lu iĕm ôh.

Êsai 41:27

Inh bơih mă adrol hloh roi kơ Siôn khan: “Lăng, lu sư âu!” Inh gô wơh minh 'nu rup Yang năm roi tơdrong 'nao 'lơ̆ng tơ plei Jêrusalem.

Êsai 42:9

'Nâu tơdrong adrol đei truh 'blep trŏ bơih, dang ei Inh roi ăn kơ iĕm tơdrong 'nao dơ̆ng; adrol kơ Sư wă truh, Inh roi ăn kơ iĕm băt adrol.

Êsai 43:10

Kră Yang khan: “Lu iĕm bơih bơngai pơm kơdranh gah Inh, đĭch đam Inh mă đei rơih iŏk bơih, wă kơ lu iĕm băt păng lui kơ Inh, păng hlôh kơ Inh bơih Kră Yang iĕm noh! Ưh kơ đei 'Bok Kei-Dei ayơ mă pơjing đei adrol kơ Inh păng đơ̆ng rŏng kơ Inh kư̆m ưh kơ đei.

Êsai 45:14

Kră Yang khan thoi âu: “Lu iĕm gô iŏk đĭ Tơmam teh đak Êyiptơ, mŭk tơmam teh đak Kus păng bơngai Sabê, lu bơngai tih kơjung, lu sư gô năm tơ iĕm păng kiơ̆ gah lu iĕm. Lu sư gô yak kiơ̆ rŏng lu iĕm, lu sư gô năm tơ iĕm hăm glang oei chô̆ lu sư truh bon kơkuh 'bơ̆t anăp lu iĕm, lu sư adrĭ apinh khan: ‘Tơpă Kră Yang 'Bok Kei-Dei oei hơdai lu iĕm, ưh kơ đei yang nai ôh, ưh kơ đei Yang nai dơ̆ng.’ ”

Êsai 45:18

'Nâu Kră Yang khan: Inh bơih Tơ'ngla pơjing lu plĕnh, Sư bơih Kră Yang 'Bok Kei-Dei sư pơjing plei teh. Sư pơjing plei teh ưh kơ lê̆ hoh bơbông đĕch ôh, sư pơjing wă kơ đei kon pơlei oei, Kră Yang pơma thoi âu: Inh bơih Kră Yang, ưh kơ đei yang nai ôh.

Êsai 46:5

Lu iĕm pơting Inh hăm bu? Păng lăng Inh hơtŏ kơ bu? Lu iĕm wă pơtŏ pơting Inh hăm bu? Wă kơ 'bôh bơ̆n lei-lăi?

Êsai 48:3

Inh khan lê̆ đơ̆ng sơ̆ bơih gah dôm tơdrong blŭng-a, dôm tơdrong noh lĕch đơ̆ng 'bơ̆r Inh, Păng Inh wă kơ lu iĕm băt. Na Inh pơm hloi păng dôm tơdrong noh truh hloi.

Êsai 65:17

Âu Inh gô pơjing plĕnh 'nao teh 'nao; Dôm tơdrong adrol sơ̆ ưh pă đei 'blŏk dơ̆ng bơih, kư̆m ưh pă đei bu tơchĕng dơ̆ng bơih lăm kơ̆l 'ngok.

Je 49:19

'Nâu, thoi dăm-brang đơ̆ng bri brah Krong Jôrđăn năm mơ̆t lăm tơmăn 'nhĕt hơdrih 'lơ̆ng, Inh gô puh hloi lu bơngai Êđôm, Inh gô ăn yŏng pơgơ̆r sư kiơ̆ kơ Inh rơih iŏk, Bu thoi Inh? Bu pơ̆n athei Inh? Bơngai wei triu bu pơ̆n blah Inh?

Je 50:44

'Nâu, thoi dăm-brang lĕch dơng bri kơdrơ̆ng đak Krong Jôrđăn, drong blah anih tơmăn 'nhĕt 'lơ̆ng. Pă 'biơ̆, Inh gô puh lu bơngai Kalđê lĕch đơ̆ng dêh char. Ưh kơ tam băt Inh gô pôk bơngai pơm yŏng pơgơ̆r lu sư kiơ̆ thoi Inh lăp đon. Hăm đei bu thoi Inh, bu kĕ blah Inh? Bơngai wei triu ayơ pơ̆n blah Inh?

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Jôel 2:27

Kơplah noh lu iĕm gô băt kơ Inh oei hơdai hăm lu iĕm bơngai Isơrael, băt kơ Inh jing Kră Yang 'Bok Kei-Dei lu iĕm, ưh kơ đei bu nai; Đơ̆ng âu tơ anăp kon pơlei Inh đe huay pă pơ'brơh dơ̆ng.

I Kor 8:6

Gah lu bơ̆n, bơ̆n đei minh 'nu Kră Yang 'Bok Kei-Dei đĕch Tơ'ngla 'Bă tơm lu bơ̆n. Sư boih pơjing tôm tĕch tơdrong, Sư ăn lu bơ̆n arih wă jang tơdrong Sư. Păng bơ̆n đei minh 'nu Yŏng mơ̆n anăn Sư Yêsu Krist. Sơ̆ 'Bok Kei-Dei yua Sư pơjing tôm tơdrong na dang ei bơ̆n arih yua kơ đơ̆ng Sư.

Both 32:7

'Blŏk bĕ kơ năr sơ̆ ki. Tơchĕng bĕ kơ lu bơngai chăl adrol sơ̆. Jet bĕ 'bă iĕm lu sư gô tơl. Apinh bĕ lu kră iĕm, lu sư gô roi tơbăt ăn kơ iĕm.

Both 33:26

Ưh kơ đei bu thoi Kră Yang 'Bok Kei-Dei Jêsurun, Tơ'ngla, păr tơ lu tăl plĕnh, năm dŏng tơgŭm ih. Tơ lăm lu hơmơ̆l, Sư 'lơ̆ng rŏ hloh.