Êsai 46:7 - Sơ̆p Hlabơar Nơ̆r 'Bok Kei-Dei

⁷ Lu sư tôi rup yang noh tơ hơngiĕng tung ba pơdơ̆ng 'bơ̆t anih sư, na yang noh dơ̆ng minh 'bôt 'bơ̆t doh, ưh kơ gơh weh tơ anih tơ nai. Tơdah đei bu krao khan: Yang noh ưh kơ gơh tơl tơwih păng ưh kơ gơh dŏng lu sư đơ̆ng tơdrong anat anot.

Êsai 46:7 ပူးပေါင်းရင်းမြစ်များ

I Pot 18:26

Thoi noh lu sư iŏk rơmo dui ba tơ noh, kăt hlơ-hlah pơm hơmet, Đơ̆ng noh lu sư krao apinh hăm anăn yang Baal: Ơ Baal! Apinh tơl tơwih nơ̆r nhôn. Mă-lei ưh kơ đei nơ̆r tơl tơwih; lu sư suang pơplŏng tăp dăr kơ chơnang soi lu sư pơm 'noh, đơ̆ng pơgê hrôih truh tơ 'năr dơ̆ng.

I Pot 18:29

Lăp 'năr kơsơ̆ glơh bơih lu sư krao ôr 'bơ̆r re păng truh jơ pơyơ̆r tơmam soi phe 'ba ăn kơ yang Baal 'bơ̆t jơ kơsơ̆ ei bơih, mă-lei ưh kơ kơtơ̆ng nơ̆r kiơ, kư̆m ưh kơ đei bu tơl păng ưh kơ đei bu mă hiơ̆k ăn.

I Pot 18:40

Êli khan kơ lu sư: “Rôp bĕ đĭ lu bơngai khan lê̆ adrol gah yang Baal, 'nĕ kơ ăn minh 'nu bơngai ayơ klaih.” Lu sư rôp hloi lu bơngai 'noh. Êli chông ba lu sư jur tơ thong đak Kisôn păng pơlôch đĭ lu sư tơ noh.

Êsai 37:38

Minh năr noh sư oei kơkuh lăm hnam yang sư Nisrŏk, na kon drŏ-nglo sư Adrammelek păng Sarêsar iŏk đao 'bet pơlôch sư, đang kơ noh bre sư kơdâu ôn tơ dêh Ararat, kon drŏ-nglo sư Êsarhađôn pơgơ̆r tơplih sư.

Êsai 40:20

Minh 'nu bơngai dơnuh wă pơyơ̆r tơmam soi. Sư rơih chă 'long mă ưh kơ bŭk, păng chă bơngai gơh traih hơgei. Traih pơm minh pôm rup kơjăp huay kơ păk tơkơ̆l.

Êsai 41:28

Inh chă lăng, mă-lei ưh kơ đei bu, lăm lu rup Yang kư̆m ưh kơ đei Yang kiơ gơh chă đon, wă kơ mưh Inh jet sư gơh tơl tơwih kơ Inh minh nơ̆r.

Êsai 41:29

Tơpă đĭ-đăng lu sư jơ̆ tơdrong kơ đei, tơdrong jang lu sư jing pă yua, rup lu sư man, dang kial 'biao pă đei.

Êsai 41:7

Bơngai traih 'long pơtrŭt bơngai hling maih, bơngai tơtang hăm mut pơtrŭt lu bơngai hơjơ̆m, khan kơ bơngai hang: “Noh 'lơ̆ng bơih” đơ̆ng noh Sư iŏk kơđĭnh pơ̆ng wă kơ rup 'long noh huay kơ păk.

Êsai 44:12

Bơngai hơjơ̆m iŏk bơsei 'buh lăm ngar ŭnh, iŏk mut teh hơjơ̆m pơm sư, yua ti pran kơtang sư hơjơ̆m tơtang pơm rup, sư gô pơngot păng jơhngơ̆m ưh kơ đei, sư ưh kơ nhă đak pă kĕ dang wă lôch.

Êsai 45:20

Ơ lu kon pơlei klaih đơ̆ng anat anot đơ̆ng jơ̆p kơ dêh char. Năm tơ âu akŭm băl bĕ, đĭ-đăng wang năm jê̆. Lu bơngai tung rup yang pơm păng 'long. Lu sư ưh kơ hlôh krao khan kơ yang mă ưh kơ gơh dŏng pơklaih lu sư.

Êsai 46:1

Yang Bel kŭp kơ̆l, yang Nêbô drap, rup yang noh lu sư chơ kơpal rŏng lu sem brem, sem dơrong. Lu rup yang mă lu iĕm juăt kơ tung trăp dêh, pơm kơ lu sem brem chơ sư trăp pă kĕ.

Êsai 47:15

Đĭ dôm lu bơngai jang gleh hrat hơdai ih jing thoi noh: Dôm lu bơngai mơdro mơchan hăm ih đơ̆ng oei 'lơ̆p. Rim 'nu jrok kiơ̆ trong kơdih, ưh kơ đei bu dŏng pơklaih ih!

Je 10:5

Rup yang lu sư nhen thoi ngu hơtol kơ sem lăm pơgar pia mơkai; Ưh kơ gơh pơma; đe tung đĕch, yua kơ ưh kơ gơh nơnăm. 'Nĕ kơ hli kơ lu rup yang noh, yua kơ lu sư ưh kơ gơh pơrăm bơ̆n ôh, kư̆m ưh kơ gơh pơm 'lơ̆ng kơ bơ̆n mơ̆n.

Je 11:12

Kơplah noh jơ̆p-jang pơlei lăm dêh char Juđa păng đĭ-đăng kơ lu bơngai mă oei lăm pơlei Jêrusalem gô tŏk năm krao kơkuh kơ lu yang mă lu sư oei soh 'long 'bâu phu, mă-lei yang noh ưh kơ gơh pơklaih lu sư ôh, kơplah lu sư đei tơdrong răm truh.

Je 2:28

Thoi noh na tơ yơ yang mă lu iĕm đei pơm kơdih noh? Lê̆ lu yang noh năm pơklaih iĕm bĕ, kơplah iĕm đei tơdrong gleh, yua kơ lu yang iĕm lơ kư̆m dang dôm pơlei iĕm, ơ Juđa.

Da 3:1

Pơtao Nebukatnessar man minh pôm rup hăm maih, kơjung tơdrâu-jĭt hơgăt păng tih sư tơdrâu hơgăt; man pơdơ̆ng tơ lăm thŭng glă Dura, lăm char Babilôn.

Jôna 1:5

Lu bơngai wơ̆r duk păng lu bơngai jang lăm duk hli tơpă, rim 'nu bơngai hao lăm duk krao chă yang lu sư kơdih. Đơ̆ng noh, lu sư hŭt lê̆ đĭ tơmam đơ̆ng lăm duk tơ đak dơsĭ, wă kơ duk phiơl 'biơ̆. Mă-lei Jôna sư oei 'bĭch tep tơ anih ala lăm duk.

I Kor 12:2

Iĕm kư̆m băt mơ̆n hơtai iĕm tam mă lui kơ 'Bok Kei-Dei sơ̆, iĕm ling-lang gô mơ̆ng kơ đe dui ba iĕm kơkuh kơ rup yang mă ưh kơ gơh pơma.

I Sam 5:3

Pơgê đơ̆ng rŏng kon pơlei Asdôt lu sư iung đơ̆ng hrôih 'bôh đơ̆ng rup yang Đagơn păk kơmŭ brum 'bơ̆t anăp Hom Pơgơ̆p Kră Yang, Pơgê đơ̆ng rŏng dơ̆ng, lu sư iung đơ̆ng hrôih kư̆m 'bôh rup yang Dagôn păk kơmŭ brum tơ teh 'bơ̆t anăp Hom Pơgơ̆p Kră Yang, mă-lei pơgê noh lăp oei 'bôh pă akâu, kơ̆l păng 'bar pah ti kơtĕch 'bôh tă tơ 'măng.