Êsai 46:4 - Sơ̆p Hlabơar Nơ̆r 'Bok Kei-Dei

⁴ Dĭng truh kơ iĕm kră krŭng Inh kư̆m oei Kră Yang lei-lăi. Truh tơ iĕm sŏk ko go kơdŭ Inh kư̆m oei pôk kơ'mĭn lu iĕm Inh pơjing bơih lu iĕm, na gô pŭ pôk lu iĕm, Inh gô pôk kơ'mĭn păng pơklaih lu iĕm.

Êsai 46:4 ပူးပေါင်းရင်းမြစ်များ

Horiso 48:14

Sư boih Kră Yang 'Bok Kei-Dei, 'nâu jơ̆ Kră Yang 'Bok Kei-Dei lu nhôn ling-lang hlŏng hloi. Sư gô chông anhăk nhôn ling-lang hlŏng hloi.d

Horiso 68:19

Bơnê kơkuh bĕ kơ Kră Yang 'Bok Kei-Dei tơpă, Kră Yang mă rim năr pŭ trăp yua kơ bơ̆n. Wă khan Kră Yang 'Bok Kei-Dei pơklaih lu nhôn. Sêla

Horiso 71:18

Ơ Kră Yang 'Bok Kei-Dei, mă khan inh kră, hăm sŏk ko boih. Apinh Ih 'nĕ achăng lê̆ inh, Dĭng inh đei ră roi kơ rim jơhnơr, tơdrong pran kơtang Ih. Păng tơdrong gơh kĕ mơsêh mơyang Ih kơ lu bơngai.

Horiso 71:9

Apinh Ih 'nĕ pơpuh inh kơplah inh đĭ kră, dah jơhngơ̆m inh pă kĕ.

Horiso 92:14

Mă khan truh tơ kră, lu sư oei đei pơkao plei. Sư jing păng hơdrih ling-lang,

Êsai 41:4

Bu đei pơm bơih tơdrong âu? Bu krao iŏk jơhnơr kon bơngai đơ̆ng blŭng-a? Noh Inh bơih Kră Yang blŭng-a, mă kư̆m oei dang ei truh kơ tôch. Inh bơih Kră Yang noh.

Êsai 43:13

Tơpă, adrol kơ đơ̆ng đei khei năr sơ̆, Inh bơih Kră Yang 'Bok Kei-Dei, ưh kơ đei bu gơh iŏk tơgar đơ̆ng ti Inh. Mưh Inh pơm, ưh kơ đei bu gơh pơgăn Inh.

Êsai 43:25

Noh, Inh kơdih 'mơ̆i sŭt lê̆ tơdrong iĕm pơm yoch păng Inh ưh pă 'blŏk dơ̆ng tơdrong yoch iĕm.

Êsai 48:12

Ơ adrĕch Jakôp, mơ̆ng bĕ nơ̆r Inh, ơ Isơrael kon pơlei mă Inh đei rơih. Inh bơih Tơ'ngla 'noh; Inh jơ̆ blŭng-a ala chă păng kư̆m tuch-luch ning-mônh.

Malachi 2:16

Yua kơ Kră Yang 'Bok Kei-Dei Isơrael đei khan boih thoi âu: “Inh areh dêh kơ bơngai bu mă hrĕch achăng akăn păng bơngai bu mă gom lê̆ sư kơdih hăm tơdrong khĕnh hơwĕng thoi bơngai mă gom lê̆ akâu sư hăm hơbĕn ao sư.” Kră Yang Tih Hloh khan thoi noh: Thoi noh athei wei bĕ jơhngơ̆m lu iĕm kơdih, 'nĕ pă chă hơlĕnh pơdăr băl.

Malachi 3:6

“Yua kơ Inh jơ̆ Kră Yang, Inh ưh kơ đei layơ tơplih, yua kơ thoi noh, lu iĕm jơ̆ kon drŏ-nglo Jakôp, huay kơ lôch hiong.

Rom 11:29

Yua kơ nơ̆r 'Bok Kei-Dei pơkă wă rơih iŏk đe Isơrael, tơgŭm đe Isơrael, na Sư ưh kơ hŭt ôh lu bơngai Isơrael noh.

Both 1:31

Păng lăm char glă, jơ̆ anih lu iĕm 'bôh lăm trong lu iĕm yak năm, mă truh tơ anih 'nâu, Kră Yang 'Bok Kei-Dei pôk glơng iĕm thoi minh 'nu bơngai drŏ-nglo pôk glơng kon drŏ-nglo sư kơdih.

Hêbrơ 1:12

Mă-lei Ih gơh pơih tŭk thoi đe kuă kơ hrŭk hơbĕn ao so boih. Ih tơplih plĕnh teh 'nao kư̆m lei-lăi thoi đe tơplih hrŭk hơbĕn ao 'nao; Mă sơnăm Ih hơnơ̆ng lei-lăi ưh kơ layơ tôch.”

Hêbrơ 13:8

Gah Yêsu Krist sư oei hơnơ̆ng ling-lang, mă đơ̆ng sơ̆ khơ̆ dang ei truh tơ ning-mônh.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.