Êsai 46:2 - Sơ̆p Hlabơar Nơ̆r 'Bok Kei-Dei

² Lu rup yang noh kŭp kơ̆l, wang drap hơdai ưh kơ gơh pơklaih tơdrong lu sư đơ̆ng pŭ trăp. Păng kơdih lu sư đe rôp pơm bơnă.

Êsai 46:2 ပူးပေါင်းရင်းမြစ်များ

II Sam 5:21

Bơngai Philistin kơdâu achăng lê̆ lu rup yang lu sư kơtă doh; Đawit hăm lu bơngai kiơ̆ sư iŏk chĕp ba lu rup yang noh.

Êsai 30:6

Nơ̆r khan lê̆ adrol gah lu sem bri brah tơ Negeu. Lăm dêh anat anot pơmat-tat, dêh char lu dăm-brang tơno, dăm-brang akăn, 'bih bôm, 'bih ŭnh păr. Lu sư chơ mŭk tơmam lu sư tơ kơpal aseh iĕ, chơ tơmam gĭt tơ kơdŭ aseh lăk-đa, wă ăn tơ minh adrĕch adrung mă ưh kơ đei yua kiơ kơ lu sư.

Êsai 37:12

Lu yang, lu teh đak mă 'bok yă inh đei pơrăm lê̆ đĭ bơih, lu yang char Gôsan, pơlei Haran, Rêsep păng lu kon pơlei Êđen oei tơ pơlei Têl Asar hăm gơh pơklaih lu sư ưh?

Êsai 37:19

Klơ̆m lê̆ rup yang lăm ŭnh. Noh ưh kơ yang tơpă ôh, noh đơ̆ng ti kon bơngai pơm păng 'long păng tơmo, na lu sư gơh pơrăm lu yang noh.

Êsai 44:17

'Long mă oei rơkah sư iŏk pơm rup yang, rup mă pơm kơdih na drap kŭp kơ̆l 'bơ̆t anăp rup noh na sư kơkuh, krao khan apinh rup yang sư pơm noh khan: “Apinh dŏng pơklaih inh yua kơ ih jơ̆ yang inh!”

Êsai 45:20

Ơ lu kon pơlei klaih đơ̆ng anat anot đơ̆ng jơ̆p kơ dêh char. Năm tơ âu akŭm băl bĕ, đĭ-đăng wang năm jê̆. Lu bơngai tung rup yang pơm păng 'long. Lu sư ưh kơ hlôh krao khan kơ yang mă ưh kơ gơh dŏng pơklaih lu sư.

Je 48:7

Yua kơ ih gơnang kơ tơdrong jang păng mŭk tơmam lu iĕm kơdih, Đe kư̆m wă rôp ih hai pơm bơnă, Yang Kêmôs, lu 'bok soi păng lu yŏng lu sư dai năm pơm bơnă.

Je 51:47

Thoi noh, gô đei năr, Inh phak lu rup yang dêh char Babilôn; jơ̆p kơ teh đak gô mơlâu kơdơ̆; lu bơngai đe gô 'bet pơlôch pơ̆k lăm đĭ dêh char.

Da 11:8

Sư iŏk pơđĭ lu rup yang anhăk ba tơ dêh char Êyiptơ, hăm iŏk pơđĭ lu rup man păng đĭ lu maih păng đĭ lu pơnhan chhĕr pơm păng hu păng maih hai; dang 'bar pêng sơnăm sư ưh kơ blah pơtao yă-nơ̆m.

Na 1:14

Kră Yang ăn boih tơdrong pơtă trŏ kơ ih, ih ưh pă đei kon hơ'lơ̆p wă pơtrơp iŏk anăn ih. Inh gô tơhiong pơrăm lê̆ lu rup yang iĕm man păng lu rup yang iĕm hling đơ̆ng lu hnam yang ih. Inh gô sir sơlŭng bơsat 'bŭ ih yua kơ ih yoch kơnê̆ dêh.

Lu 18:24

Mika tơl: Lu iĕm tơtông iŏk ba đĭ rup yang inh pơm păng chông anhăk hloi 'bok soi inh? Liơ mă iĕm oei apinh khan, Ih đei tơdrong kiơ?

I Sam 5:3

Pơgê đơ̆ng rŏng kon pơlei Asdôt lu sư iung đơ̆ng hrôih 'bôh đơ̆ng rup yang Đagơn păk kơmŭ brum 'bơ̆t anăp Hom Pơgơ̆p Kră Yang, Pơgê đơ̆ng rŏng dơ̆ng, lu sư iung đơ̆ng hrôih kư̆m 'bôh rup yang Dagôn păk kơmŭ brum tơ teh 'bơ̆t anăp Hom Pơgơ̆p Kră Yang, mă-lei pơgê noh lăp oei 'bôh pă akâu, kơ̆l păng 'bar pah ti kơtĕch 'bôh tă tơ 'măng.