Êsai 45:7 - Sơ̆p Hlabơar Nơ̆r 'Bok Kei-Dei

⁷ Inh bơih Tơ'ngla pơm đei tơdrong hơdah păng pơjing tơdrong măng mu, pơm đei tơdrong hiôk-hian păng kư̆m ăn đei tơdrong pơrăm, Inh bơih Kră Yang Tơ'ngla pơm dôm tơdrong noh.

Êsai 45:7 ပူးပေါင်းရင်းမြစ်များ

II Pot 19:25

Tơdrong noh Inh pơkă wă pơm 'nâu đunh đơ̆ng sơ̆ bơih, ih ưh kơtơ̆ng hă? Tơdrong kiơ mă Inh pơkă wă pơm đơ̆ng sơ̆ noh dang ei Inh pơm truh bơih, wă kơ ih pơm kơ lu pơlei tih kơjăp dĭng jing anih rơ̆m rek.

Jop 10:13

Mă khan lei ră, Ih ôn hlơp tơdrong 'nâu lăm jơhngơ̆m Ih, inh băt Ih wă pơm tơdrong 'nâu.

Jop 2:10

Mă-lei Jop khan kơ akăn sư: “Ih pơma thoi minh 'nu drŏ-kăn kơwao. Tơdrong pŭn hiôk đơ̆ng Kră Yang 'Bok Kei-Dei ăn, bơ̆n sơng iŏk; na tơdrong pơmat truh, ba wă ưh kơ iŏk hă?” Lăm đĭ dôm tơdrong noh, Jop ưh kơ đei pơma kơnê̆ 'bơm Kră Yang ôh.

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

Horiso 105:28

Sư wơh măng mu, măng mu jơ̆p-jang kơ dêh ei. Wă kơ lu sư pă đei pơm kơnê̆ kơ nơ̆r Sư dơ̆ng.

Horiso 29:11

Kră Yang gô ăn tơdrong kơtang kơ kon pơlei pơla Sư. Kră Yang gô ăn pŭn hiôk, rơnŭk rơnua kơ kon pơlei pơla sư.

Horiso 74:16

Kơ'năr jơ̆ Ih kơmăng kư̆m lei-lăi; Ih boih pơjing kơ măt khei măt 'năr.

Horiso 75:7

Mă-lei Kră Yang 'Bok Kei-Dei Tơ'ngla sek tơlang; Sư tơjur đe âu păng hơtŏk đe noh.

Horiso 8:3

Dah inh lăng tơ plĕnh đơ̆ng lu hơnglâu ti Ih pơjing Măt khei păng lu sơnglŏng mă Ih đei pơjing boih.

Le 14:20

Jrăng hơmơ̆l dơ̆ng sơlam khŭl linh bơngai Êyiptơ păng khŭl linh kon pơlei Isơrael, đei hơmơ̆l găn măng mu tơ minh pah âu, na minh pah to hơdah na prăt măng 'bar khŭl ưh kơ đei gơh năm tơ jê̆ băl.

Êsai 31:2

Mă-lei Kră Yang gơh hơgei! Sư bơih Tơ'ngla ăn tơdrong pơrăm truh. Kră Yang nơ̆r Sư pơma ưh kơ tơplih. Sư gô iung blah lu adrĕch adrung bơngai pơm kơnê̆, păng blah lu bơngai tơgŭm lu bơngai pơm kơnê̆.

Êsai 42:16

Inh gô chông lu bơngai măt tol rok trong lu sư ưh kơ biơh năm, dui lu sư rok trong iĕ mă lu sư ưh tam juăt; inh gô tơplih măng mu jing hơdah 'bơ̆t anăp lu sư, Inh gô pơm kơ teh jrŭ đơng jing dơnă. Tơpă inh gô pơm lu tơdrong noh păng ưh kơ achăng tŭk lu sư ôh.

Êsai 44:24

Kră Yang, đei khan thoi âu: “Inh huai iŏk lu iĕm Inh pơjing lu iĕm đơ̆ng lăm klak. Inh bơih Kră Yang, Inh bơih Tơ'ngla pơm pơjing tôm tơmam. Minh 'nu Inh đĕch bơlang lu plĕnh, lơ̆k teh âu, ưh kơ đei bu 'nguaih kơ Inh.

Êsai 47:11

Na tơdrong gô truh tơ ih. Mă ih ưh kơ gơh kơ weh. Tơdrong pơmat-tat gô truh tơ ih mă ih ưh kơ gơh puh tơ nai. Tơdrong pơrăm blư truh ưh kơ tam băt. Mă ih ưh kơ băt adrol ôh.

Je 10:16

Tơmam Kră Yang 'Bok Kei-Dei 'măn kơ Jakôp ưh kơ trŏ thoi noh ôh, yua kơ Sư boih pơjing kơ đĭ-đăng tôm tơmam, mă bơngai Isơrael kư̆m adrĕch adrung Sư; Kră Yang Tih Hloh noh anăn Sư.

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Je 31:35

Kră Yang; Tơ'ngla mă ăn măt 'năr pơchrang hơdah kơ'năr, ăn măt khei sơnglŏng pơchrang gah kơmăng, pơm kơ đak dơsĭ pơpơ̆ poh-yă hơlôk hơlak.” Kră Yang Tih Hloh noh anăn Sư.

Je 51:20

Ih boih mut, tơmam Inh yua wă tơblah, Inh yua ih wă teh pơchah lu kon pơlei păng pơrăm đĭ dêh char.

Nhom 3:38

Hăm trŏ lĕch đơ̆ng 'bơ̆t Kră Yang tih hloh, mă đei pơmat-tat dah pŭn hiôk?

Êsêkiên 32:8

Inh gô ăn kơ lu tơdrong hơdah kơpal plĕnh jing măng mu tơ ih; Inh gô ăn măng mu truh tơ lăm char ih Kră Yang khan thoi noh.

Da 2:22

Đơ̆ng Sư boih mă tơbăt dôm tơdrong jrŭ ataih mă hlơp: Sư băt tôm tơdrong. Tơ lăm măng mu păng tơdrong hơdah oei lăm Sư.

Jôel 2:2

Wă khan năr măng klăm măng mu gueo, năr hơmơ̆l găm păng tŭk hơ'bơ̆l gom kông. Đei minh adrĕch adrung tih păng pran kơtang truh thoi hơdah pơgê hrôih pơchrang jơ̆p kơpal kông. Đơ̆ng sơ̆ tam biơh đei, mă truh tơ ning-mônh kư̆m ưh kơ đei lu adrĕch bơngai thoi lu sư noh.

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

Am 4:13

Tơpă, sư boih pơjing lu kông păng pơjing kial. Păng roi ăn kơ kon bơngai băt tơdrong sư tơchĕng; sư pơm kơ hơdah jing măng mu păng yak năm lăm anih kơjung hloh kơpal teh. Anăn sư Kră Yang 'Bok Kei-Dei Tih hloh.

Am 5:6

Chơchă bĕ Kră Yang, na lu iĕm gô arih; tơdah ưh Kră Yang gô phak adrĕch Jôsep păng pơlei Bethel, thoi ŭnh sa ưh kơ đei bu kĕ pĭt.

Na 1:8

Gah lu bơngai ayăt kơ Kră Yang đak lơ̆p pơrăm anih lu sư păng druh lu ayăt kơ Sư kơdâu mơ̆t lăm tơdrong măng mu.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

Ju 1:6

Gah linh jang lu mơ'nah achăng lê̆ tơdrong jang đơ̆ng 'Bok Kei-Dei pơjao ăn pơgơ̆r, na jăk oei tơ nai, 'Bok Kei-Dei 'bôh, Sư rôp chô̆ phak tơ anih măng mu ling-lang truh tơ năr Sư wă sek tơlang tih-tin ning-mônh.