Êsai 45:23 - Sơ̆p Hlabơar Nơ̆r 'Bok Kei-Dei

²³ Kơdih kâu Inh pơkă bơih: Lăm nơ̆r tơpăt sĭt, nơ̆r lĕch bơih đơ̆ng 'bơ̆r Inh. Nơ̆r pơma noh ưh kơ gơh wih pơdrâu dơ̆ng: Đĭ-đăng kŭl-tăng gô sơtơ̆p 'bơ̆t anăp inh, rim 'bơ̆r gô pơkă 'bơ̆t anăp Inh.

Êsai 45:23 ပူးပေါင်းရင်းမြစ်များ

Bl 31:53

Apinh Kră Yang 'Bok Kei-Dei Abraham, Kră Yang 'Bok Kei-Dei Nahôr, Kră Yang 'Bok Kei-Dei 'bă lu sư noh sek tơlang kơ bơ̆n! Jakôp pơkăm hăm anăn Kră Yang Isăk, 'bă sư, na sư pơkă hăm jơhngơ̆m hli yom.

Ne 10:29

Pơgơ̆p hơdai hăm 'nhŏng oh lu sư păng lu bơngai mơdrŏng, na hiap akâu kơdih pơkă yak kiơ̆ khôi juăt đơ̆ng Kră Yang 'Bok Kei-Dei yua 'bok Môis, đĭch đam sư ăn boih păng wă kơ wei răk pơm kiơ̆ dôm tơdrong tơtă đơ̆ng Kră Yang bơ̆n, tơjur lăm khôi juăt Sư.

Horiso 132:2

Sư đei pơkăm hăm Kră Yang. Păng pơkă hăm Kră Yang mơsêh mơyang Jakôp:

Horiso 63:11

Mă-lei pơtao gô chơt hiôk lăm Kră Yang 'Bok Kei-Dei. Bu pơkă hăm anăn Kră Yang gô pôk pơư kơ Kră Yang; Yua kơ Sư gô chĭt lê̆ 'bơ̆r lu bơngai pơma plêl.

Horiso 98:2

Kră Yang tơbăt boih tơdrong Sư dŏng pơklaih. Păng pơdah boih tơdrong tơpăt Sư 'bơ̆t anăp kon pơlei pơla.

Êsai 21:17

Lu bơngai pran kơtang chĕp hră, lăm lu kon drŏ-nglo dêh char Kêdar oei pă tŏ sĕt đĕch.” Kră Yang 'Bok Kei-Dei đe Isơrael đei khan bơih thoi noh.

Êsai 45:19

Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Êsai 48:1

Mơ̆ng bĕ nơ̆r 'nâu ơ adrĕch Jakôp mă đe krao anăn Isơrael, lĕch đơ̆ng tơm 'bok Juđa, lu bơngai pơkă hăm anăn Kră Yang, krao chă Kră Yang 'Bok Kei-Dei Isơrael. Mă-lei lăm jơhngơ̆m ưh kơ đei tơpăt păng ưh kơ kiơ̆ tơpă.

Êsai 49:18

Athei bơyar măt iĕm lăng jum dăr: Đĭ-đăng lu kon iĕm gô akŭm băl wă brŏk tơ iĕm! Kră Yang khan: Tơpă thoi Inh Tơ'ngla arih ling-lang ih lăng lu sư thoi lĕ tơmam đe pơguăng, thoi tơlei tơ̆n bơngai drŏ-kăn wă iŏk klo.

Êsai 55:11

Na kư̆m lei-lăi thoi noh, nơ̆r Inh pơma, lĕch đơ̆ng 'bơ̆r inh bơih, ưh kơ đei tôch đĕch ôh; sĭt gô pơm tơdrong Inh wă. Păng pơkeh tơdrong jang Inh wơh sư.

Êsai 60:14

Lu kon drŏ-nglo lu bơngai pơgŏ pơđep ih gô kŭp kơ̆l năm kơkuh kơ ih, păng rim 'nu lu bơngai mă pơjăm pơjuă ih gô drap 'bơ̆t jơ̆ng sơtơ̆p kŭl-tăng kơkuh kơ ih. Lu sư gô krao kơ ih pơlei Kră Yang pơlei Siôn Tơ'ngla 'Lơ̆ng Rơgoh Isơrael.

Êsai 61:11

Nhen thoi teh pơm ăn kơ 'long bluh tơmơ̆ng thoi pơgar rei adrĕch bluh chăt thoi yơ. Na Kră Yang kư̆m pơm ăn kơ tơdrong 'lơ̆ng tơpăt, păng tơdrong bơnê ư-ang bluh chăt 'bơ̆t anăp rim kơ adrĕch kon bơngai thoi noh mơ̆n.

Êsai 62:8

Kră Yang đei yơ̆r ti gah 'ma Sư păng kơkŏng ti mơsêh Sư pơkăm khan: “Inh ưh pă đei ăn bơih 'ba mi ih kơ lu bơngai ayăt kơ ih sŏng sa dơ̆ng, lu bơngai tơmoi gô ưh pă et sik hơmu 'nao ih. Sik mă đơ̆ng ih jang gleh hrat.

Êsai 65:16

Thoi noh, bơngai bu oei lăm dêh char wă sơkat tơdrong pŭn hiôk sư gô krao apinh tơdrong pŭn hiôk hăm anăn Kră Yang 'Bok Kei-Dei tơpăt; Bơngai bu oei tơ kơpal teh wă pơkă pơkăm, athei pao anăn Kră Yang 'Bok Kei-Dei tơpăt na pơkă pơkăm; Yua kơ lu tơdrong pơmat-tat adrol sơ̆ hiơt đĭ bơih, măt Inh ưh pă tăng bơih.

Je 22:5

Mă-lei tơdah lu iĕm kuă kơ mơ̆ng kiơ̆ nơ̆r tơtă 'nâu, Kră Yang khan: Inh pơkă hăm anăn Inh kơdih, hnam pơtao âu gô jing juơ.’ ”

Je 4:2

Tơdah iĕm pơkă sĭt hăm tơdrong tơpăt hơnơ̆ng, tơdrong trŏ thoi Kră Yang arih sĭt lei teh đak gô đei pŭn hiôk đơ̆ng Sư, Păng lu sư gô ư-ang kơ Kră Yang,”

Je 49:13

Kră Yang khan: “Inh pơkă hăm anăn Inh kơdih, pơlei Bôsra gô jing rơ̆m rĕk, đe lăng 'brơ̆ krưp, đe hiĕk ăr, blei hiap păng pŭ hơngiap, lu pơlei sư gô jing rơ̆m rĕk, pơchah răm ling-lang hloi.”

Am 6:8

Kră Yang 'Bok Kei-Dei Tih hloh khan thoi âu: Kră Yang pao anăn Sư kơdih păng pơkă khan: Inh areh dêh kơ tơdrong pơang Jakôp păng hil mĭl kơ kơđông kơjăp sư; yua kơ thoi noh inh gô jao pơlei tih âu păng dôm lu tơmam lăm noh kơ lu ayăt.

Sa 14:9

Kră Yang gô pơm Pơtao jơ̆p kơ teh đak; lăm năr noh, Kră Yang gô jing minh đĕch.

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Rom 11:4

Na 'Bok Kei-Dei pơma tơwih kơ sư thoi âu: “Ưh kơ trŏ kơdrô̆ ih ôh, Inh kư̆m rơih iŏk tơpơh-rơbâu 'nu bơngai lui kơ Inh mă ưh kơ chu lui kơ yang Baal.”

Both 6:13

Iĕm athei hli yom kơ Kră Yang 'Bok Kei-Dei iĕm bơ̆jang kơ Sư păng yua anăn Sư na pơkă pơkăm,

Philip 2:10

Mă đĭ-đăng lu oei tơ kơpal plĕnh ti, mă oei tơ teh âu, mă lu oei tơ ala teh sŭng, đĭ-đăng gô sơtơ̆p kŭl-tăng kơkuh kơ Sư.