Êsai 45:20 - Sơ̆p Hlabơar Nơ̆r 'Bok Kei-Dei

²⁰ Ơ lu kon pơlei klaih đơ̆ng anat anot đơ̆ng jơ̆p kơ dêh char. Năm tơ âu akŭm băl bĕ, đĭ-đăng wang năm jê̆. Lu bơngai tung rup yang pơm păng 'long. Lu sư ưh kơ hlôh krao khan kơ yang mă ưh kơ gơh dŏng pơklaih lu sư.

Êsai 45:20 ပူးပေါင်းရင်းမြစ်များ

II Ho 25:15

Kră Yang hil kơ Amasia na wơh minh 'nu bơngai khan lê̆ adrol năm khan kơ sư: “Yua kơ kiơ ih kơkuh gơnang kơ rup yang mă ưh kơ gơh dŏng pơklaih đơ̆ng ti kon pơlei mă kơkuh gơnang kơ sư?”

II Ho 28:23

Sư kơkuh pơyơ̆r tơmam soi ăn kơ lu yang pơlei Đamas, kon pơlei mă blah sư; sư tơchĕng khan: “Yua kơ lu yang pơtao Asiri dŏng tơgŭm lu sư boih, na inh gô soi sơmah kơ lu yang noh, wă kơ lu yang noh kư̆m dŏng tơgŭm inh.” Mă tơpă lu yang noh rai pơrăm sư păng lu bơngai Isơrael.

Horiso 115:8

Dôm lu bơngai pơm rup yang; păng gơnang kơ sư, Tă kơ lei-lăi thoi sư ngăl.

Êsai 4:2

Lăm năr noh tơ'biĕng Kră Yang gô bluh 'lơ̆ng păng trŏ kơ ư-ang, plei đơ̆ng teh gô jing 'lơ̆ng chơt hiôk kơ lu bơngai Isơrael mă oei arih.

Êsai 41:21

Kră Yang khan: “Pơdah bĕ tơdrong lu iĕm, wă khan” Pơtao đe Jakôp khan: “Pơdah pơsĭt bĕ tơdrong lu iĕm khan trŏ.”

Êsai 43:9

Đĭ-đăng dêh char akŭm băl bĕ, rim lu adrĕch adrung kon bơngai akŭm hơdai bĕ! Lăm lu sư bu gơh roi hơdrol tơdrong âu păng roi pơdah ăn kơ lu bơ̆n băt dôm tơdrong truh đơ̆ng adrol sơ̆? Lu sư athei chông ba bơngai roi pơm kơdranh tơpăt wă kơ đe băt kơ lu sư tơpăt păng ăn kơ đe kơtơ̆ng na khan: Noh jơ̆ sĭt tơpă!

Êsai 44:10

Bu traih, man rup yang dah hling rup yang tơmam noh ưh kơ đei yua kiơ kơ sư ôh.

Êsai 44:9

Đĭ-đăng lu bơngai pơm rup yang jơ̆ tơdrong kơ đei dôm tơmam lu sư hưch wă ưh kơ yua kiơ. Lu bơngai pơm kơdranh kơ lu rup yang noh ưh kơ gơh 'bôh păng ưh kơ băt, gô pơm kơ lu sư mơlâu đĕch.

Êsai 46:1

Yang Bel kŭp kơ̆l, yang Nêbô drap, rup yang noh lu sư chơ kơpal rŏng lu sem brem, sem dơrong. Lu rup yang mă lu iĕm juăt kơ tung trăp dêh, pơm kơ lu sem brem chơ sư trăp pă kĕ.

Êsai 48:14

Lu iĕm athei akŭm hơdai đĭ-đăng păng athei mơ̆ng: Lăm lu Yang, Yang kiơ roi tơbăt bơih dôm tơdrong 'nâu? Bơngai mă Kră Yang rơih, gô pơm pơkeh tơdrong đêl pơkă blah Babilôn păng yua ti sư gô blah bơngai Kalđê.

Êsai 57:13

Mưh iĕm krao ôr wă kơ dŏng, gô lê̆ kơ lu rup yang 'noh dŏng pơklaih iĕm. Lăp minh hơyuh kial gô dơhlu pơđông lu rup yang iĕm 'noh. Lăm minh 'măng hơyuh kial tơthu đĕch gô hiong đĭ-đăng, mă-lei bơngai bu kơ'nơp lăm Inh, gô đei yua teh 'nâu păng đei iŏk kông rơgoh Inh.

Je 10:14

Đĭ-đăng bơngai jing kơtul kơwao păng ưh kơ hlôh tơdrong kiơ. Rim 'nu bơngai thơ̆ hling rup yang mơlâu yua kơ rup yang lu sư, yang lu sư hling noh chă hơlĕnh đĕch, ưh kơ gơh dui jơhngơ̆m.

Je 10:5

Rup yang lu sư nhen thoi ngu hơtol kơ sem lăm pơgar pia mơkai; Ưh kơ gơh pơma; đe tung đĕch, yua kơ ưh kơ gơh nơnăm. 'Nĕ kơ hli kơ lu rup yang noh, yua kơ lu sư ưh kơ gơh pơrăm bơ̆n ôh, kư̆m ưh kơ gơh pơm 'lơ̆ng kơ bơ̆n mơ̆n.

Je 10:8

Lu sư jing kơtul kơwao ngăl; rup yang hăm 'long đe traih bơtho lu sư,

Je 48:13

Bơngai Môap gô mơlâu kơ yang Kêmôs, kư̆m thoi adrĕch bơngai Isơrael mơlâu boih kơ yang Bethel mă lu sư gơnang.

Je 48:47

Mă-lei truh năr hơtuch kơnh Inh gô pơdrâu iŏk lu bơngai bơnă char Môap brŏk,” Kră Yang khan thoi noh. Nơ̆r khan lê̆ adrol kơ bơngai Môap tôch đĭ 'bơ̆t dâu.

Je 50:28

Mơ̆ng bĕ, nơ̆r krao ôr đơ̆ng lu bơngai kơdâu klaih hlôi đơ̆ng dêh char Babilôn, Roi tơbăt lăm pơlei Siôn. Tơdrong Kră Yang, 'Bok Kei-Dei lu bơ̆n, Sư pơm 'mong hnam Sư.

Êphêsô 2:12

Sơ̆ iĕm ưh tam mă đei 'Bok Krist, iĕm ưh tam mă jing kon 'Bok Kei-Dei thoi lu bơngai Juđê. Dôm tơdrong 'Bok Kei-Dei pơkă wă tơgŭm lu bơngai Juđê, iĕm kư̆m ưh kơ đei. Iĕm ưh kơ đei bu wă tơgŭm. Iĕm ưh kơ băt kơ 'Bok Kei-Dei Sư thoi yơ.

Êphêsô 2:16

yua kơ Sư lôch tang bơ̆n tơ 'long pơglang ăn đĭ-đăng kơ bơ̆n mă bơngai Juđê, mă bơngai nai gơh hiôk hăm 'Bok Kei-Dei boih. Bơ̆n dang minh akâu đĕch ưh pă layơ wă tơklah băl dơ̆ng.