Êsai 45:19 - Sơ̆p Hlabơar Nơ̆r 'Bok Kei-Dei

¹⁹ Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Êsai 45:19 ပူးပေါင်းရင်းမြစ်များ

I Ho 28:8

Na dang ei, 'bơ̆t anăp đĭ-đăng bơngai Isơrael kon pơlei Kră Yang păng đei Kră Yang 'Bok Kei-Dei lu bơ̆n mơ̆ng, lu iĕm wei răk bĕ dôm khôi juăt nơ̆r tơtă Kră Yang 'Bok Kei-Dei lu iĕm lei na lu iĕm gơh đei iŏk dêh char 'lơ̆ng rŏ 'nâu păng 'măn ăn kơ kon sâu đơ̆ng rŏng bơ̆jang sa ling-lang.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

II Ho 7:14

Tơdah kon pơlei pơla Inh, đe krao lu sư kon Inh, drap bon kơkuh, krao khan, chơchă Inh păng tơbral achăng lê̆ trong kơnê̆ lei Inh oei kơpal plĕnh ti gô mơ̆ng, mơnat ăn huay pă jô̆ yoch lu sư păng ăn teh lu sư thoi đêl.

Esơra 8:22

Mă-lei inh, mơlâu, ưh kơ pơ̆n apinh pơtao ăn minh grŭp linh păng linh hao seh, dŏng tơgŭm lu bơ̆n đơ̆ng ayăt kơplah lu bơ̆n năm rok trong; yua kơ lu bơ̆n đei khan kơ pơtao thoi âu: Ti Kră Yang 'Bok Kei-Dei lu nhôn wei-lăng tơgŭm lu bơngai băt krao chă Sư; mă-lei tơdrong mơsêh păng tơdrong hil mĭl Sư blah lu bơngai bu mă blah Sư.

Horiso 12:6

Dôm nơ̆r Kră Yang jơ̆ nơ̆r rơgoh, Thoi jên hu rơgoh đe rơ̆ lăm ŭnh rơ̆ tơpơh wơ̆t.

Horiso 24:6

Noh boih adrĕch adrung lu bơngai chơchă Kră Yang, Wă khan lu bơngai chơchă muh măt Kră Yang 'Bok Kei-Dei Jakôp.a Sêla

Horiso 69:13

Mă-lei ơ Kră Yang! Inh krao apinh kơ Ih! Ơ Kră Yang 'Bok Kei-Dei lăm tơdrong Ih 'mêm mơnat apinh Ih tơl tơwih nơ̆r inh, Hăm tơdrong dŏng pơklaih sĭt Ih.

Horiso 69:32

Lu bơngai pơmat-tat 'bôh tơdrong noh gô chơt hiôk, Ơ lu bơngai mă krao chă Kră Yang 'Bok Kei-Dei. Jơhngơ̆m lu iĕm gô arih.

Horiso 78:34

Kơplah Kră Yang pơlôch lu sư, lu sư krao apinh Kră Yang. Tơbral chơchă krao apinh Kră Yang 'Bok Kei-Dei.

Horiso 9:10

Bơngai bu băt anăn Ih gô gơnang kơ Ih; Yua kơ Ih ưh kơ achăng lê̆ ôh, bơngai bu chơchă Ih.

Tơdrông Pơđơk 1:21

Tơdrong gơh hơgei sư krao 'bơ̆t trong tơklah, sư pơma 'bơ̆t 'măng jang pơlei tih.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Tơdrông Pơđơk 30:5

Dôm Nơ̆r Kră Yang 'Bok Kei-Dei đe đei rơ̆ pơlong lăng rơgoh sĭt tơpă. Kră Yang 'Bok Kei-Dei jơ̆ khêl pĕng lu bơngai mă Kơ'nơp lăm Sư.

Tơdrông Pơđơk 8:6

Mơ̆ng bĕ yua kơ Inh gô bơtho tơdrong gĭt kăl, Đơ̆ng 'bơ̆r Inh khan tơdrong tơpăt.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Êsai 43:12

Inh, Tơ'ngla roi tơbăt bơih, Tơ'ngla dŏng pơklaih păng bơtho tơ'bôh, ưh kơ đei yang ayơ mă hlĭch tŏk-bŏk lu iĕm.” Kră Yang khan: “Lu iĕm bơih bơngai pơm kơdranh gah Inh, Inh bơih Kră Yang 'Bok Kei-Dei!

Êsai 44:8

'Nĕ kơ hli 'nĕ kơ tơtơ̆ ôh, hăm trŏ kơ đơ̆ng sơ̆ Inh roi tơbăt kơ iĕm bơih. Lu iĕm pơm kơdranh gah Inh. 'Nguaih kơ Inh hăm đei Yang nai dơ̆ng ưh? Tơpă ưh kơ đei Tơmo tih nai dơ̆ng ôh, Inh băt ưh kơ đei bu!

Êsai 45:23

Kơdih kâu Inh pơkă bơih: Lăm nơ̆r tơpăt sĭt, nơ̆r lĕch bơih đơ̆ng 'bơ̆r Inh. Nơ̆r pơma noh ưh kơ gơh wih pơdrâu dơ̆ng: Đĭ-đăng kŭl-tăng gô sơtơ̆p 'bơ̆t anăp inh, rim 'bơ̆r gô pơkă 'bơ̆t anăp Inh.

Êsai 45:25

Lăm Kră Yang đĭ-đăng kon sâu Isơrael gô đei 'lơ̆ng tơpăt păng bơnê ư-ang kơ Kră Yang.

Êsai 48:16

Lu iĕm athei năm jê̆ Inh păng athei mơ̆ng tơdrong 'nâu: Đơ̆ng blŭng-a Inh ưh tam mă đei pơma ôn. Kơplah đei tơdrong 'noh, Inh oei tơ noh bơih, Dang ei Kră Yang wơh inh năm. Hăm yang bơhngol Sư.

Êsai 63:1

Bu Tơ'ngla mă truh đơ̆ng char Eđôm. Đơ̆ng pơlei Bôsra? Na hrŭk hơbĕn ao gôh rang hơdah, yak năm hăm tơdrong pran kơtang. Noh Inh bơih Tơ'ngla pơma nơ̆r 'lơ̆ng tơpăt Tơ'ngla mơsêh mơyang tih-tin wă dŏng pơklaih.”

Êsai 65:9

Inh gô ăn đei kon sâu lĕch đơ̆ng Jakôp, păng minh 'nu đơ̆ng Juđa gơh đei iŏk lu kông Inh; Lu bơngai mă Inh rơih iŏk gô đei dêh char noh, lu đĭch đam Inh gô oei tơ noh.

Êsai 8:19

Tơdah đei bu khan kơ iĕm Năm apinh jet bĕ lu pơjâu pơma hăm lu bơngai lôch, lu pơma bơlăm thoi sem păng pơma ưh kơ rơđah ôh khan bĕ kơ lu sư: Ưh kơ trŏ ôh hă kon pơlei năm apinh jet Kră Yang 'Bok Kei-Dei lu sư kơdih? Wă tơgŭm ăn kơ bơngai arih, liơ năm apinh jet bơngai lôch?

Je 2:31

Ơ lu iĕm lăm jơhnơr 'nâu mơ̆ng bĕ nơ̆r Kră Yang khan: “Inh hăm trŏ kơ char glă dah teh đak măng mu kơ bơngai Isơrael? Lei na liơ kon pơlei Inh khan: ‘Lu nhôn rơngei boih, lu nhôn ưh pă wă năm tơ Ih dơ̆ng.’

Am 5:4

Kră Yang khan kơ adrĕch Isơrael: Chă bĕ inh na lu iĕm gô arih.

Yo 18:20

Na Yêsu khan: “Inh ling-lang bơtho tơ bơngai tơpôl, tơ rim hnam akŭm. Inh bơtho tơ hnam akŭm 'Bok Kei-Dei tơm. Tơ yơ yơ lu Juđê akŭm, Inh bơtho kơ lu sư mơ̆n. Inh ưh kơ đei bơtho ôn ôh.

Yo 7:26

Dang ei Sư oei bơtho 'bơ̆t anăp bơ̆n tơpôl, mă-lei lu kră bơ̆n ưh kơ đei pơm kiơ kơ Sư, noh lu kră bơ̆n băt kơ Sư 'Bok Krist mă gô pơgơ̆r bơ̆n tơpă boih dah kiơ dang ei?

Yo 7:28

Yêsu băt kơ lu sư pơma thoi noh na Sư bơtho 'bơ̆r re lăm hnam akŭm 'Bok Kei-Dei tơm: “Lu iĕm khan iĕm băt kơ Inh bơngai đơ̆ng yơ. Mă tơpă ưh kơ sĭ Inh bơngai đơ̆ng noh ôh. Ưh kơ sĭ Inh truh tơ iĕm yua kơ akâu Inh wă kơdih ôh. 'Bok Kei-Dei wơh Inh tơpă. Mă-lei iĕm ưh kơ băt kơ Sư.

Both 29:29

Dôm tơdrong hlơp Kră Yang 'Bok Kei-Dei lu bơ̆n đĕch băt; mă-lei dôm lu tơdrong Sư tơ'bôh ăn kơ lu bơ̆n păng kơ lu kon sâu bơ̆n ling-lang hlŏng hloi, noh lăm khôi juăt âu, wă kơ lu bơ̆n chu pơm kiơ̆.

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Ya 4:3

Phŏ iĕm kư̆m krao khan apinh ră, mă iĕm apinh ưh kơ trŏ kơ tơdrong Sư wă, na Sư ưh kơ ăn. Iĕm apinh tơdrong wă yua kơ akâu iĕm kơdih đĕch.