Êsai 45:13 - Sơ̆p Hlabơar Nơ̆r 'Bok Kei-Dei

¹³ Inh gô tơiung sirus pơm tơdrong 'lơ̆ng tơpăt Inh, păng gô pơm ăn kơ trong sư tơpăt, sư gô pơm ming pơlei tih Inh păng tơlĕch lu kon pơlei Inh đơ̆ng đe puh ba pơm bơnă ưh kơ kăl kơ huai iŏk hăm tơmam apah ôh.” Kră Yang Tih Hloh khan thoi noh.

Êsai 45:13 ပူးပေါင်းရင်းမြစ်များ

Esơra 1:3

Bơngai bu lăm lu iĕm, mă kon pơlei Sư, athei wih brŏka tơ pơlei Jêrusalem dêh Juđa, wă pơm ming dơ̆ng hnam akŭm Kră Yang, Sư boih Kră Yang 'Bok Kei-Dei lu bơngai Isơrael, mă oei lăm pơlei Jêrusalem. Hơpơi kơ Kră Yang 'Bok Kei-Dei bơngai noh oei hơdai hăm sư!

Horiso 65:5

Ơ Kră Yang 'Bok Kei-Dei Tơ'ngla dŏng pơklaih lu nhôn. Hăm tơdrong trŏ Ih gô tơl tơwih kơ lu nhôn kiơ̆ tơdrong tơpăt. Ih jơ̆ anih lu bơngai đơ̆ng tôch kơ teh đak păng jơ̆p kơpal đak dơsĭ ataih hơđơ̆ng hơmĕng.

Tơdrông Pơđơk 3:6

'Blŏk băt bĕ kơ Kră Yang lăm rim trong ih pơm, Na sư gô pơm kơ trong ih tơpăt.

Êsai 13:17

Inh gô pơtrŭt bơngai Mêdơ pơm kơ lu sư, lu bơngai noh sư ưh kơ gĭt kơ hu kư̆m ưh kơ wă kơ maih ôh.

Êsai 14:17

Pơm kơ lu dêh char jing teh glă, pơrăm lê̆ lu plei tih, păng ưh kơ tơlĕch lu bơngai pơm bơnă brŏk tơ hnam sư kơdih?”

Êsai 41:2

Bu râu tơiung bơngai đơ̆ng gah hơlĕch? Kră Yang Krao sư năm bơ̆jang lăm tơdrong 'lơ̆ng tơpăt. Kră Yang jao đĭ teh đak ăn kơ sư, pơjuă lu pơtao tơ ala jơ̆ng sư, sư pơm kơ lu pơtao nhen 'bruih teh hăm đao gưm sư, jao lu pơtao hră sư pơm kơ lu sư thoi hơkam 'ba kial bơbơ̆t pơđông đĭ.

Êsai 41:25

Inh tơiung minh 'nu bơngai đơ̆ng gah yă-nơ̆m păng sư năm bơih; Minh 'nu đơ̆ng gah 'năr lĕch sư krao apinh hăm Anăn Inh Sư pơjuă kơpal lu 'bok pơgơ̆r nhen pơjuă teh hlŭt, nhen thoi bơngai man gŏ pơjuă teh lơ̆n.

Êsai 42:6

Inh Kră Yang krao ih wă tơ'bôh tơdrong 'lơ̆ng tơpăt Inh, Inh gô rôp kơjăp ti ih păng wei-lăng ih, Inh gô jao ăn kơ ih pơm tơdrong pơgơ̆p Inh hăm kon pơlei ih tơm tơdrong hơdah ăn kơ lu teh đak.

Êsai 44:28

Kră Yang khan kơ pơtao Sirus: ‘Sư bơngai wei triu Inh, sư gô pơm keh tơdrong inh wă, kư̆m pơma dơ̆ng gah pơlei Jêrusalem khan: “Gô pơjing ming sư dơ̆ng, păng pơma gah hnam akŭm khan: “Jrăng hơnă gô pơdơ̆ng ming.”

Êsai 45:2

Inh gô năm adrol kơ ih, Inh gô pơm kơ lu kông groi dơnă, teh pơchah lê̆ lu 'măng Jang kong, gơ̆ lê̆ chơkăl bơsei.

Êsai 46:11

Inh gô krao sem klang đơ̆ng gah hơlĕch; păng krao bơngai đơ̆ng dêh ataih pơm tơdrong inh wă. Tơdrong Inh pơma bơih, Inh gô pơm keh, dôm tơdrong Inh pơkă bơih, Inh gô pơm.

Êsai 49:25

Mă-lei Kră Yang khan thoi âu: “Tơpă, lu bơngai bơnă gô tơgar iŏk đơ̆ng lu bơngai pran kơtang. Păng gô pơdrâu iŏk tơmam đơ̆ng bơngai nuih, Inh gô tơblah hăm lu bơngai blah lu iĕm, păng Inh bơih gô pơklaih kon hơ'lơ̆p iĕm.

Êsai 52:5

Kră Yang khan: “Inh wă pơm kiơ âu? Kon pơlei Inh đe rôp anhăk tơdrong kơđei,” Kră Yang khan: “Lu bơngai pơgơ̆r sư ôr pơklai, pơma kơnê̆ kơ anăn Inh ling-lang prăt năr.

Mi 4:10

Ơ lu drŏ-kăn Siôn, jĭ pơmat gleh hrat thoi drŏ-kăn tơpŭ wă kơ đei hơ'lơ̆p! Yua kơ lu iĕm đe gô tơlĕch weh đơ̆ng lăm pơlei păng lu iĕm gô oei tơ lăm chŭn păng gô năm oei tơ char Babilôn. Oei tơ noh lu iĕm gô đei tơdrong dŏng pơklaih đơ̆ng noh, tơ noh Kră Yang gô huai iŏk iĕm tơlĕch iĕm đơ̆ng ti lu bơngai ayăt kơ iĕm.