Êsai 44:7 - Sơ̆p Hlabơar Nơ̆r 'Bok Kei-Dei

⁷ Bu lei-lăi thoi Inh? Ăn kơ sư roi tơdrong noh, păng pơdah tơdrong noh kơ Inh đĭ tơdrong truh đơ̆ng năr Inh pơjing adrĕch adrung kon bơngai sơ̆, lê̆ lu sư roi bĕ tơdrong noh kơ lu bơ̆n đei tơdrong kiơ truh dang ei păng đei tơdrong kiơ truh đơ̆ng rŏng kơnh.

Êsai 44:7 ပူးပေါင်းရင်းမြစ်များ

Êsai 19:12

Lu bơngai hơgei iĕm tơ yơ? Athei lu sư roi kơ ih băt Kră Yang Tih Hloh hơmet lê̆ bơih wă pơm kiơ kơ dêh Êyiptơ.

Êsai 41:22

Lê̆ lu rup Yang roi dơ̆ng bĕ! Roi bĕ kơ lu nhôn tơdrong kiơ gô truh! Ră roi bĕ tơdrong blŭng-a sơ̆ sư đei lơliơ wă kơ nhôn lăng lăng păng hlôh kơ tơdrong tuch-luch sư thoi yơ, Athei roi kơ lu nhôn băt dôm tơdrong, kiơ gô truh ning-mônh.

Êsai 41:23

Roi bĕ kơ lu nhôn dôm tơdrong gô truh đơ̆ng rŏng kơnh, wă kơ lu nhôn băt kơ lu iĕm jơ̆ lu yang, pơm tơ'bôh bĕ tơdrong 'lơ̆ng dah tơdrong kơnê̆ wă kơ lu nhôn chhưu jơhngơ̆m păng lăng 'bôh hlĭch hlăch.

Êsai 41:26

Bu roi pơdah bơih tơdrong noh đơ̆ng blŭng-a wă kơ lu bơ̆n băt? Bu đei roi bơih đơ̆ng adrol sơ̆, wă kơ lu bơ̆n khan: “Sư trŏ bơih!” Ưh kơ đei bu ră roi ôh, ưh kơ đei bu năm khan ôh, ưh kơ đei bu kơtơ̆ng nơ̆r đơ̆ng lu iĕm ôh.

Êsai 41:4

Bu đei pơm bơih tơdrong âu? Bu krao iŏk jơhnơr kon bơngai đơ̆ng blŭng-a? Noh Inh bơih Kră Yang blŭng-a, mă kư̆m oei dang ei truh kơ tôch. Inh bơih Kră Yang noh.

Êsai 43:12

Inh, Tơ'ngla roi tơbăt bơih, Tơ'ngla dŏng pơklaih păng bơtho tơ'bôh, ưh kơ đei yang ayơ mă hlĭch tŏk-bŏk lu iĕm.” Kră Yang khan: “Lu iĕm bơih bơngai pơm kơdranh gah Inh, Inh bơih Kră Yang 'Bok Kei-Dei!

Êsai 43:9

Đĭ-đăng dêh char akŭm băl bĕ, rim lu adrĕch adrung kon bơngai akŭm hơdai bĕ! Lăm lu sư bu gơh roi hơdrol tơdrong âu păng roi pơdah ăn kơ lu bơ̆n băt dôm tơdrong truh đơ̆ng adrol sơ̆? Lu sư athei chông ba bơngai roi pơm kơdranh tơpăt wă kơ đe băt kơ lu sư tơpăt păng ăn kơ đe kơtơ̆ng na khan: Noh jơ̆ sĭt tơpă!

Êsai 45:21

Lê̆ lu sư năm pơđâu băl Ră roi bĕ, pơdah bĕ khan bĕ. Đơ̆ng chăl adrol sơ̆ bu ră roi pơdah tơdrong âu? Bu pơdah tơdrong âu đơ̆ng blŭng-a sơ̆? Hăm trŏ kơ Inh Kră Yang ưh? 'Nguaih kơ Inh ưh kơ đei 'Bok Kei-Dei nai ôh! Ưh kơ đei 'Bok Kei-Dei 'lơ̆ng tơpăt nai păng ưh kơ đei Kră Yang dŏng pơklaih nai yua kơ Inh bơih Kră Yang 'Bok Kei-Dei, ưh kơ đei yang nai dơ̆ng.

Jang 17:26

'Bok Kei-Dei pơjing đơ̆ng minh 'nu bơngai, mă-lei Sư pơjing kơ đĭ-đăng khŭl bơngai wă kơ bơngai bơ̆n oei jơ̆p kơ teh đak. Sư ată khŭl bơngai mơ'nah pơgơ̆r đunh dang yơ. Teh đak bơ̆n oei Sư kư̆m asong mơ̆n.

Both 32:8

Mưh kơplah Kră Yang Tih Hloh klah asong ăn teh kơ kon pơlei. 'Bơ̆t Sư ăn kơ adrĕch adrung Ađam tơklah tơklang. Sư hơgăt ăn hơdral kơ rim adrĕch, kiơ̆ kơ kơ̆l kon pơlei bơngai Isơrael.a