Êsai 44:4 - Sơ̆p Hlabơar Nơ̆r 'Bok Kei-Dei

⁴ Lu sư gô bluh chăt lăm 'nhĕt, nhen thoi tơm 'long hla prai chăt cheng đak glung,

Êsai 44:4 ပူးပေါင်းရင်းမြစ်များ

Jop 40:22

Pơkao chêh-rêh klơ̆p pơm yơ̆p sư, 'Long hla prai cheng thong tăp dăr kơ sư.

Jop 5:25

Ih gô 'bôh adrĕch adrung kon sâu lơ kơdrơ̆m, kon sâu ih lơ thoi 'nhĕt kơpal teh.

Horiso 1:3

Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

Êsai 48:19

Kon sâu iĕm thoi pơlao chuơh adrĕch adrung iĕm thoi găr chuơh, anăn lu sư ưh kơ đei sut ưh kơ lôch hiong đơ̆ng anăp Inh.

Êsai 58:11

Kră Yang ling-lang gô chông ba ih ăn kơ ih tôm mah lăm anih teh hrĕng kro, pơm ăn kơ akâu jăn ih pran jăng. Ih thoi lĕ pơgar đe ruh đak ling-lang, thoi tu đak glung ưh kơ đei layơ hrơ̆.

Êsai 61:11

Nhen thoi teh pơm ăn kơ 'long bluh tơmơ̆ng thoi pơgar rei adrĕch bluh chăt thoi yơ. Na Kră Yang kư̆m pơm ăn kơ tơdrong 'lơ̆ng tơpăt, păng tơdrong bơnê ư-ang bluh chăt 'bơ̆t anăp rim kơ adrĕch kon bơngai thoi noh mơ̆n.

Êsêkiên 17:5

Sư iŏk adrĕch găr 'long đơ̆ng teh noh chĕp ba pơtăm tơ anih teh 'lơ̆ng; sư pơtăm 'bơ̆t teh đei đak thoi 'long hla prai.

Lêwi 23:40

Năr mă mônh lu iĕm athei iŏk plei 'long 'lơ̆ng; dơng 'long gol, dơng tih đei hla lơ păng 'long hla prai, na lu iĕm et sa chơt hiôk 'bơ̆t anăp Kră Yang 'Bok Kei-Dei lu iĕm lăm tơpơh năr.

Jang 4:4

Mă-lei đơ̆ng Pêtrôs păng Yôhan bơtho ei đei lơ 'nu bơngai lui kiơ̆ kơ Yêsu. Na jô̆ đơ̆ng Yêsu tŏk tơ plĕnh truh tơ đe rôp bre sư, gah drŏ-nglo đĕch đei pơđăm-rơbâu 'nu bơngai lui kiơ̆ kơ Yêsu boih.

Jang 5:14

Lu bơngai lui kơ Kră Yang Yêsu mă drŏ-nglo mă drŏ-kăn, rai đunh rai lơ, đe mah anhăk ba lu bơngai jĭ jăn tơ trong tơ'bĭch sư tơ giơng dah tơ sơkok wă kơ yơ̆p ngôi Pêtrôs năm brih 'bơm lu bơngai jĭ jăn ei na lu sư klaih.