Êsai 44:23 - Sơ̆p Hlabơar Nơ̆r 'Bok Kei-Dei

²³ Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Êsai 44:23 ပူးပေါင်းရင်းမြစ်များ

I Ho 16:31

Ơ lu tăl plĕnh chơt hiôk bĕ, ơ teh đak 'nă hal bĕ. Ơ kon pơlei oei lăm teh đak roi pơdah bĕ. “Kră Yang tơ'ngla pơgơ̆r.”

I Ho 16:32

Ăn kơ đak dơsĭ păng đĭ-đăng tơmam lăm dơsĭ ôr bĕ. Ăn kơ chŭn mir păng đĭ-đăng tơmam lăm noh hiôk chơt.

I Ho 16:33

Kơplah noh đĭ-đăng 'long pơle lăm bri gô hơri hăm tơdrong chơt hiôk, 'bơ̆t anăp Kră Yang, Yua kơ Sư jur wă sek tơlang kơ teh đak.

Horiso 148:7

Hơri ư-ang bĕ kơ Kră Yang đơ̆ng kơpal teh. Ơ lu kon sem brem lăm dơsĭ păng pŭng-lŭng jrŭ.

Horiso 148:9

Ơ lu kông păng đĭ kơ groi, lu 'long plei păng lu 'long hơngo.

Horiso 65:13

Anih 'nhĕt hơdrih 'bĕnh kơ sem dơrong. Dôm lu thŭng 'bĕnh kơ hơ'bo 'ba pia tôl: Jơ̆p-jang anih noh chơt hiôk păng hơri 'nă hal.

Horiso 69:34

Ơ plĕnh, teh, đak dơsĭ păng kon sem brem lăm noh, đĭ-đăng bơnê bĕ kơ Sư.

Horiso 69:35

Yua kơ Kră Yang 'Bok Kei-Dei gô pơklaih Siôn păng wă pơjing dơ̆ng lu pơlei tih lăm Juđa; Kon pơlei Sư gô oei tơ noh, iŏk teh jang sa.

Horiso 89:13

Ih đei kơkŏng ti mơsêh mơyang Tơpang ti Ih pran kơtang Ti 'ma Ih yơ̆r kơjung.

Le 18:9

Jêthrô lăm jơhngơ̆m sư hiôk chơt dêh kơ dôm tơdrong mơsêh mă Kră Yang pơm păng pơklaih kon pơlei Isơrael đơ̆ng ti lu bơngai Êyiptơ.

Êsai 12:5

Hơri bơnê bĕ kơ Kră Yang, yua kơ Sư đei pơm bơih dôm tơdrong jang gĭt kăl ư-ang, na roi pơdah bĕ kơ jơ̆p lăm teh đak băt.

Êsai 26:15

Ơ Kră Yang Ih đei ăn kon bơngai dêh char âu rai lơ, Ih thim ăn kon bơngai dêh char âu rai lơ, Ih bơih đei tơdrong ư-ang, ih pơih ăn kơ hơdral teh đak nhôn rai să.

Êsai 43:1

Dang ei Kră Yang khan thoi âu: Ơ Jakôp Sư Tơ'ngla pơjing iĕm, ơ Isơrael! Sư bơih Tơ'ngla pơjing iĕm, 'nĕ kơ hli yua kơ Inh huai iŏk iĕm bơih. Inh bơih krao iĕm hăm anăn iĕm păng iĕm gah Inh.

Êsai 43:7

Lu bơngai mă Inh krao hăm anăn Inh, Inh bơih pơjing lu sư, wă ư-ang kơ Inh, tơpă Inh bơih pơjing lu sư.

Êsai 46:13

Inh ba tơdrong dŏng pơklaih truh jê̆, Sư ưh kơ ataih ôh, ưh kơ hiơ̆ ôh, Inh gô dŏng pơklaih pơlei Siôn, Ăn kơ bơngai Isơrael ư-ang kơ Inh bơngai.

Êsai 49:13

Ơ plĕnh, hơri bĕ! Ơ teh, hiôk chơt bĕ! Ơ lu kông pơret nơ̆r hơri bĕ! Yua kơ Kră Yang đei pơlung bơih kon pơlei Sư păng mơnat kơ lu bơngai pơmat-tat.

Êsai 49:3

Kră Yang khan kơ inh: Ih đam Inh. Ơ Isơrael Inh gô đei ư-ang đơ̆ng ih.

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Je 31:11

Yua kơ Kră Yang đei huai iŏk boih Jakôp păng dŏng pơklaih lu sư đơ̆ng ti lu bơngai pran kơtang hloh.

Je 51:48

Kơplah noh plĕnh, teh păng đĭ-đăng tơmam tơ plĕnh lăm teh, gô hơri chơt hiôk kơ Babilôn, yua kơ linh pơlôch pơrăm năm đơ̆ng yă-nơ̆m wă năm blah pơrăm dêh char Babilôn,” Noh Kră Yang khan.

Êsêkiên 35:14

Kră Yang khan thoi âu: Đĭ-đăng kơ dêh char chơt hiôk kơplah inh pơm kơ ih jing juơ pă đei.

Êsêkiên 36:1

Gah ih, ơ kon bơngai, khan lê̆ adrol bĕ gah kông kŏ Isơrael păng khan: “Ơ kông Isơrael, mơ̆ng bĕ nơ̆r Kră Yang!

Êsêkiên 36:8

Na gah ih, ơ kông Isơrael, ih gô bluh dơ̆ng lơ păng đei plei ăn kơ lu kon pơlei Isơrael inh; yua kơ lu sư wă wih brŏk.

Êsêkiên 39:13

Đĭ-đăng kon pơlei oei lăm char noh gô 'bŭ lu sư, na lăm minh năr ning-mônh Inh pơang lăm kon pơlei noh, năr mă Inh gô pơdah tơdrong ư-ang Inh Kră Yang khan.

Êphêsô 3:21

Na bĕ đĭ-đăng kơ lu bơ̆n kon Sư ư-ang anăn Sư, kư̆m thoi Yêsu Krist ư-ang anăn Sư, ling-lang khŏm khŏm ưh kơ layơ tôch. A-men.

Êphêsô 4:9

Bơ̆n băt kơ Sư tŏk tơ plĕnh boih, bơ̆n kư̆m băt mơ̆n Sư jur sơ̆ truh tơ dêh atâu sŭng, wă khan adrol kơ Sư tŏk tơ plĕnh.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.

Tơdrông Tơ'bôh 12:12

Thoi noh na ơ lu mă oei tơ plĕnh, gah lu iĕm hiôk boih, mă-lei mơnat kơ lu đe mă oei tơ teh păng oei tơ đak dơsĭ, yua kơ yang Satan huŏng tơ teh truh tơ lu sư boih. Satan jơhngơ̆m sư kơnê̆ 'maih hil 'maih areh kơ đe, yua kơ sư băt kơdih khei 'năr sư tơ teh ưh pă đunh boih.”

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”