Êsai 44:22 - Sơ̆p Hlabơar Nơ̆r 'Bok Kei-Dei

²² Inh sŭt lê̆ bơih tơdrong lu iĕm pơm yoch nhen thoi sŭt lê̆ hơmơ̆l, tơdrong yoch lu iĕm nhen thoi tŭk. Wơ̆t brŏk bĕ tơ Inh, yua kơ Inh huai iŏk lu iĕm bơih.”

Êsai 44:22 ပူးပေါင်းရင်းမြစ်များ

II Sam 12:13

Đawit khan kơ Nathan: “Inh pơm yoch boih hăm Kră Yang.” Nathan tơl: “Mă-lei Kră Yang sŭt boih tơdrong yoch ih, ih huay kơ lôch ôh.

II Ho 6:21

Apinh Ih mơ̆ng lu đĭch đam Ih păng kon pơlei Ih Isơrael krao apinh Ih tơ gah anih 'nâu, apinh Ih mơ̆ng đơ̆ng plĕnh anih mă Ih oei tơl tơwih nơ̆r apinh păng mơnat ăn.

Ne 4:5

'Nĕ kơ đơ̆p lê̆ tơdrong kơnê̆ lu sư, 'nĕ kơ sŭt lê̆ tơdrong yoch lu sư 'bơ̆t anăp Ih; yua kơ 'bơ̆t anăp Ih lu bơngai man dur, lu sư tơblĕk Ih.

Jop 37:11

Kră Yang mong đak lăm hơmơ̆l hơ'bơ̆l. Bơyar bơlang hơmơ̆l hăm kơmlat.

Horiso 103:12

Gah hơlĕch ataih đơ̆ng gah bơmơ̆t dang yơ, Na Sư kư̆m hŭt lê̆ dôm yoch glăi lu bơ̆n ataih dang noh mơ̆n.

Horiso 109:14

Ăn kơ tơdrong kơnê̆ lu 'bok sư oei tơ'blŏk 'bơ̆t anăp Kră Yang; Păng tơdrong yoch mĕ sư oei ưh kơ sut lê̆.

Horiso 130:8

Kơdih kâu Sư gô huai iŏk Isơrael đơ̆ng dôm tơdrong yoch kơnê̆ lu sư.

Horiso 51:1

Ơ Kră Yang 'Bok Kei-Dei! Apinh mơnat ăn kơ inh kiơ̆ thoi tơdrong 'mêm Ih. Apinh Ih sut lê̆ dôm tơdrong inh pơm yoch, kiơ̆ kơ Ih mơnat.

Horiso 51:9

Ôn muh măt Ih 'nĕ pă lăng tơdrong yoch inh, Păng sut rơgoh đĭ yoch kơnê̆ inh.

Le 18:9

Jêthrô lăm jơhngơ̆m sư hiôk chơt dêh kơ dôm tơdrong mơsêh mă Kră Yang pơm păng pơklaih kon pơlei Isơrael đơ̆ng ti lu bơngai Êyiptơ.

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Êsai 1:27

Kră Yang gô sek tơlang nhôn hăm tơdrong tơpăt, na huai iŏk lu bơngai lăm pơlei tơbral hăm tơdrong 'lơ̆ng tơpăt Sư.

Êsai 31:6

Ơ kon pơlei pơla Isơrael, wơ̆t brŏk bĕ tơ Tơ'ngla mă đêl iĕm pơm kơnê̆ plơ̆ Sư lơ dêh.

Êsai 33:24

Kon pơlei pơla gô ưh pă đei pơma bơih khan: “Inh jĭ bơlŏ” Lu kon pơlei oei tơ noh gô đei tơdrong mơnat ăn kơ tơdrong yoch lu sư.

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Êsai 43:1

Dang ei Kră Yang khan thoi âu: Ơ Jakôp Sư Tơ'ngla pơjing iĕm, ơ Isơrael! Sư bơih Tơ'ngla pơjing iĕm, 'nĕ kơ hli yua kơ Inh huai iŏk iĕm bơih. Inh bơih krao iĕm hăm anăn iĕm păng iĕm gah Inh.

Êsai 43:25

Noh, Inh kơdih 'mơ̆i sŭt lê̆ tơdrong iĕm pơm yoch păng Inh ưh pă 'blŏk dơ̆ng tơdrong yoch iĕm.

Êsai 48:20

Lĕch bĕ đơ̆ng Babilôn! Kơdâu weh bĕ đơ̆ng bơngai Kalđê! Athei jreo ôr hiôk chơt na khan roi tơbăt bĕ tơdrong 'nâu. Ră roi dĭng jơ̆p truh tôch kơ lăm teh đak! Athei khan: “Kră Yang dŏng pơklaih adrĕch Jakôp bơih, đĭch đam Sư.”

Êsai 51:11

Kon pơlei mă Kră Yang huai iŏk bơih gô brŏk, Năm mơ̆t tơ Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, tơdrong ơh sơ'ngon chhŭr nuih gô hiong đĭ.

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Je 18:23

Ơ Kră Yang, Ih băt boih, đĭ lu sư chă đon wă pơlôch inh. Apinh Ih 'nĕ pă mơnat ăn tơdrong yoch kơnê̆ lu sư, apinh Ih 'nĕ sut tơdrong yoch lu sư đơ̆ng anăp Ih. Apinh Ih ăn kơ lu sư pơ̆k 'bơ̆t anăp Ih. Apinh Ih phak lu sư lăm năr Ih hil!

Je 3:1

Kră Yang khan: “Tơdah đei drŏ-nglo achăng lê̆ akăn sư, akăn sư weh đơ̆ng sư chă klo plơ̆ng, klo so sư hăm pă gơh hơlơ̆k oei kơ akăn so sư dơ̆ng? Teh đak noh ưh kơ kơnê̆ 'mê̆ krưp dêh tơpă hă? Mă-lei iĕm ngôi pơyô kư̆ kă hăm lơ bơngai mă ih hưch, Khan oei wă wih brŏk tơ Inh dơ̆ng hă?” Kră Yang khan.

Je 33:8

Inh gô sŭt rơgoh tơdrong yoch mă đêl lu sư pơm boih hăm Inh; Inh huay pă jô̆ boih dôm tơdrong yoch kơnê̆ mă lu sư blah Inh,

Je 50:20

Kră Yang khan: “Lăm năr noh, kơplah noh. Đe chă tơdrong glăi lăm lu bơngai Isơrael ưh kơ 'bôh ôh. Đe chă tơdrong yoch lăm lu bơngai Juđa kư̆m ưh kơ đei. Yua kơ Inh mơnat ăn huay pă jô̆ boih kơ lu bơngai, mă Inh oei 'măn lê̆ arih.”

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Sa 1:3

Thoi noh na ih khŏm roi kơ kon pơlei pơla thoi âu: Kră Yang Tih Hloh khan: ‘Wih tơ Inh bĕ, na Inh gô wih tơ lu iĕm dơ̆ng,’ Kră Yang Tih Hloh khan thoi noh.

Sa 3:4

Linh jang khan kơ lu bơngai mă oei 'bơ̆t anăp sư thoi âu: “Plôh bĕ ao mơgrĭ noh đơ̆ng akâu sư.” Păng khan đơ̆ng kơ Jôsua thoi âu: “Lăng bĕ, Inh hŭt lê̆ boih tơdrong yoch kơnê̆ đơ̆ng ih.”

I Kor 6:20

yua kơ 'Bok Kei-Dei huai iŏk bơ̆n păng tơmam gĭt Sư tơpă. Thoi noh na bơ̆n dah pơyơ̆r bĕ akâu bơ̆n kơ Sư wă pơư pơang anăn Sư.

Both 32:43

Ơ lu adrĕch adrung kon bơngai! Hiôk chơt bĕ hăm kon pơlei Kră Yang. Yua kơ Sư gô iung kơting, pơm 'mong pham kơ đĭch đam Sư, Sư pơm 'mong blah lu bơngai ayăt kơ Sư, mơnat ăn kơ dêh char Sư păng lu kon pơlei pơla Sư.