Êsai 44:18 - Sơ̆p Hlabơar Nơ̆r 'Bok Kei-Dei

¹⁸ Lu bơngai noh ưh kơ băt păng ưh kơ tơchĕng lăng yua kơ măt lu sư tep na ưh kơ 'bôh, jơhngơ̆m đon lu sư kư̆m chĭt lê̆ na lu sư ưh kơ hlôh.

Êsai 44:18 ပူးပေါင်းရင်းမြစ်များ

Horiso 81:12

Thoi noh, Inh achăng lê̆ lu sư pơm kiơ̆ kơ jơhngơ̆m arăng kơ chu lu sư. Kiơ̆ kơ tơdrong lu sư chă đon kơdih.

Horiso 92:6

Lu bơngai kơwao ưh kơ gơh băt, lu bơngai kơtul kư̆m ưh kơ gơh hlôh,

Tơdrông Pơđơk 28:5

Bơngai pơm kơnê̆ đê̆ pă băt tơdrong tơpăt; Mă-lei đei bơngai bu băt chă Kră Yang na băt hlôh đĭ-đăng.

Êsai 1:3

Rơmo băt kơ tơ'ngla, aseh băt kơ bơng 'nhĕt tơ'ngla sư, mă-lei bơngai Isơrael ưh kơ băt, kon pơlei Inh ưh kơ hlôh ôh.”

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Êsai 29:10

Kră Yang đei pơm bơih kơ lu iĕm tep blêk, chĭt lê̆ măt lu iĕm, jơ̆ lu bơngai khan lê̆ adrol, Kră Yang gom kơ̆l lu iĕm bơngai mă đei tơdrong tơ'bôh.

Êsai 44:19

Ưh kơ đei bu gơh chă tơchĕng. Ưh kơ đei bu hlôh băt, wă pơma khan: “Inh tơkuh iŏk minh puăt bơih pơm 'long ŭnh inh 'buh 'bĕng kơpal ngar ŭnh, 'buh 'nhĕm păng inh sa bơih. Oei rơkah pă minh puăt inh hăm yua pơm tơmam krưp đe areh ưh? Inh hăm năm bon kơkuh kơ minh jăl 'long ưh?”

Êsai 44:20

Bơngai sa 'mui tơnuh; jơhngơ̆m đon ưh kơ ngeh ba sư jrok trong; sư ưh kơ gơh pơklaih bơhngol sư kơdih, Păng kư̆m ưh kơ băt tơmam lăm ti 'ma sư noh jơ̆ tơmam hơlĕnh đĕch?

Êsai 44:9

Đĭ-đăng lu bơngai pơm rup yang jơ̆ tơdrong kơ đei dôm tơmam lu sư hưch wă ưh kơ yua kiơ. Lu bơngai pơm kơdranh kơ lu rup yang noh ưh kơ gơh 'bôh păng ưh kơ băt, gô pơm kơ lu sư mơlâu đĕch.

Êsai 45:20

Ơ lu kon pơlei klaih đơ̆ng anat anot đơ̆ng jơ̆p kơ dêh char. Năm tơ âu akŭm băl bĕ, đĭ-đăng wang năm jê̆. Lu bơngai tung rup yang pơm păng 'long. Lu sư ưh kơ hlôh krao khan kơ yang mă ưh kơ gơh dŏng pơklaih lu sư.

Êsai 56:11

Lu sư jơ̆ kŏ sa dư, ưh kơ băt phĭ. Noh bơih lu bơngai wei triu ưh kơ hlôh wao: Chă wơ̆t kiơ̆ trong kơdih lu sư; rim 'nu lu sư chă tơdrong pơyua kơdih, đơ̆ng blŭng truh tơ tôch.

Je 10:14

Đĭ-đăng bơngai jing kơtul kơwao păng ưh kơ hlôh tơdrong kiơ. Rim 'nu bơngai thơ̆ hling rup yang mơlâu yua kơ rup yang lu sư, yang lu sư hling noh chă hơlĕnh đĕch, ưh kơ gơh dui jơhngơ̆m.

Je 10:8

Lu sư jing kơtul kơwao ngăl; rup yang hăm 'long đe traih bơtho lu sư,

Je 5:21

Mơ̆ng bĕ tơdrong 'nâu, ơ kon pơlei bơlŭk păng kơhlôh kơwao. Đei măt ră mă-lei ưh kơ 'bôh, đei đon ră mă-lei ưh kơtơ̆ng.

Je 51:17

Rim 'nu bơngai jing bơlŭk ưh kơ băt tơdrong kiơ: Lu bơngai hling rup yang hăm maih gô mơlâu đơ̆ng rup yang sư, yua kơ rup lu sư man ưh kơ sĭt chă hơlĕnh đĕch, ưh kơ đei kial dui jơhngơ̆m.

Êsêkiên 12:2

“Ơ kon bơngai, ih oei lăm kon pơlei juăt kơ iung blah plơ̆; lu sư đei măt mă ưh kơ 'bôh, đei đon mă ưh kơtơ̆ng, yua kơ lu sư kon pơlei juăt kơ iung blah plơ̆.

Da 12:10

Gô đei lơ bơngai pơm kơdih akâu sư rơgoh jing kok păng đei pơhrăm pơmat. Mă-lei lu bơngai kơnê̆ kư̆ hrăn pơm kơnê̆; lăm lu bơngai khĕnh hơwĕng kơnê̆ dêh ưh kơ đei bu hlôh; mă-lei lu bơngai gơh hơgei gô hlôh.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Mathiơ 12:34

Iĕm âu bơngai dang 'bih, iĕm ưh kơ layơ wă pơma 'lơ̆ng 'biơ̆ tŏ sĕt, yua kơ iĕm bơngai kơnê̆ dêh. Lăm to iĕm tơchĕng thoi yơ, 'bơ̆r iĕm pơma kiơ̆ thoi noh mơ̆n.

Yo 5:44

Na lơliơ iĕm gơh lui lĕ? Ling-lang iĕm wă kơ bôl iĕm lăp đon kơ iĕm. Minh 'nu Kră Yang 'Bok Kei-Dei đĕch tih hloh tơpă mă-lei iĕm ưh kơ wă Sư lăp đon kơ iĕm.

Yo 8:43

Inh tơhlôh ăn kơ iĕm thoi noh boih, kơlih kơ kiơ iĕm ưh kơ wao tơdrong Inh bơtho? Hăm trŏ iĕm arăng kơ̆l ưh kơ wă lui kơ nơ̆r Inh bơtho?

Jang 14:16

Đơ̆ng sơ̆ 'Bok Kei-Dei ăn kơ đĭ-đăng khŭl bơngai pơm kiơ̆ kơ lu sư wă.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

II Pet 2:14

Măt lu sư nŏng kơ chă lăng 'maih pơm tơdrong kư̆ kă. Tơdrong lu sư pơm kư̆ kă ưh kơ yĕng kơ hrăp, nŏng kơ chă pơlung lu bơngai lui rơdu kiơ̆ lu sư pơm yoch păng pơhlŭ pơlung đe, wă kơ đe ăn kơ sư jên dah tơmam. Lu sư ling-lang pơhrăm tơdrong 'noh; lu sư jing bơngai 'Bok Kei-Dei wă phak.