Êsai 44:14 - Sơ̆p Hlabơar Nơ̆r 'Bok Kei-Dei

¹⁴ Sư kăl 'long Hơngo. Dah iŏk 'long hơngo hla top păng 'long kôih. Lê̆ sư chăt hơdai lu 'long lăm bri, sư pơtăm 'long hơngo, đak 'mi jruh pơm kơ 'long wơ̆ tih.

Êsai 44:14 ပူးပေါင်းရင်းမြစ်များ

Êsai 40:20

Minh 'nu bơngai dơnuh wă pơyơ̆r tơmam soi. Sư rơih chă 'long mă ưh kơ bŭk, păng chă bơngai gơh traih hơgei. Traih pơm minh pôm rup kơjăp huay kơ păk tơkơ̆l.

Êsai 44:13

Bơngai thơ̆ 'long iŏk tơlei sư dăng pơtŏ, iŏk chŭr sư rek rup hơbŏ traih hơmet hăm săng pơiel, pơtŏ hăm 'long thưk đei mum pơm rup hơbŏ, sư pơm rup bơngai rup hơbŏ thoi bơngai 'lơ̆ng. Na tah lê̆ tơ lăm hnam yang sư.

Êsai 44:15

'Long noh đe yua pơm 'long ŭnh tơkuh; iŏk tŏ sĕt pơm ŭnh wă nhur păng kư̆m yua wă tơkuh ŭnh pơm 'bĕng. Đe kư̆m yua iŏk 'long noh pơm rup yang na kơkuh kơ sư, Traih pơm minh pôm rup, na bon kơkuh kơ sư.

Hôsia 4:12

Kon pơlei Inh apinh yang rup pơm păng 'long, na 'long jra gô tơl lu sư; yua kơ jơhngơ̆m 'maih pơm kư̆ kă jing pơm kơ lu sư achăng lê̆ Kră Yang 'Bok Kei-Dei lu sư 'maih wă pơm pơyô kư̆ kă.

Habakuk 2:19

Răm-'băm tơpă kơ lu đe bu khan kơ 'long rup pơm 'bih thoi âu: ‘Ih hơđơ̆r bĕ! Păng khan kơ rup yang tơmo klĭk thoi âu: ‘Iung bĕ ih!’ Bơtho tơ'bôh lu nhôn? Âu, sư noh jơ̆ kơtuăl hu maih đĕch, ưh kơ gơh dui jơhngơ̆m.