Êsai 44:13 - Sơ̆p Hlabơar Nơ̆r 'Bok Kei-Dei

¹³ Bơngai thơ̆ 'long iŏk tơlei sư dăng pơtŏ, iŏk chŭr sư rek rup hơbŏ traih hơmet hăm săng pơiel, pơtŏ hăm 'long thưk đei mum pơm rup hơbŏ, sư pơm rup bơngai rup hơbŏ thoi bơngai 'lơ̆ng. Na tah lê̆ tơ lăm hnam yang sư.

Êsai 44:13 ပူးပေါင်းရင်းမြစ်များ

Bl 31:19

Kơplah La'ban oei năm yuă sŏk lu triu sư, na Rachel năm iŏk tơtông lu rup yang lăm hnam 'bă sư.

Bl 31:30

Dang ei, yua kơ jơhngơ̆m ih 'maih brŏk dêh tơ 'bă ih, na mă năm boih 'nâu, mă-lei yua kơ kiơ tơtông ba lu rup yang?

Bl 31:32

Mă-lei chă lăng rup man noh tơ bu bơngai noh mih pơlôch hĭ! 'Bơ̆t tơm măt lu 'nhŏng oh bơ̆n, ih chă lăng lăm tơmam inh păng dah tơmam ih kiơ lăm noh ih kư̆ iŏk bĕ? Na Jakôp sư ưh kơ băt kơ Rachel iŏk rup yang mih sư noh.

Bl 35:2

Jakôp sư roi hloi kơ kon akăn sư hăm lu bơngai năm hơdai sư thoi âu: Hŭt lê̆ bĕ dôm lu rup man pơm yang đơ̆ng lu dêh tơmoi, na hum 'nhao wă kơ bơ̆n rơgoh 'lơ̆ng păng tơplih bĕ hơbĕn ao iĕm.

Êsai 41:7

Bơngai traih 'long pơtrŭt bơngai hling maih, bơngai tơtang hăm mut pơtrŭt lu bơngai hơjơ̆m, khan kơ bơngai hang: “Noh 'lơ̆ng bơih” đơ̆ng noh Sư iŏk kơđĭnh pơ̆ng wă kơ rup 'long noh huay kơ păk.

Êsai 44:14

Sư kăl 'long Hơngo. Dah iŏk 'long hơngo hla top păng 'long kôih. Lê̆ sư chăt hơdai lu 'long lăm bri, sư pơtăm 'long hơngo, đak 'mi jruh pơm kơ 'long wơ̆ tih.

Êsêkiên 8:10

Na inh mơ̆t lăng 'bôh tơ noh đei tôm kơ rup man kon sem krưp, kơep lep-ler, dôm rup yang man đơ̆ng adrĕch Isơrael đei chhơ̆ jum dăr kơ tơnăr dur.

Êsêkiên 8:11

'Bơ̆t anăp rup inh 'bôh thoi đei tơpơh-jĭt 'nu kră pơlei adrĕch Isơrael oei dơ̆ng hơdai hăm Jaasania kon drŏ-nglo Saphan. Rim 'nu lu sư chĕp get pơgang 'bâu phu 'nhui pơgang 'bâu phu đông jơ̆p-jang.

Êsêkiên 8:12

Sư khan kơ inh: “Ơ kon bơngai, ih hăm 'bôh tơdrong kơnê̆ lu kră pơlei adrĕch Isơrael pơm lăm măng mu ưh, rim 'nu lu sư lăm anih rup yang sư kơdih? Lu sư đei khan: ‘Kră Yang ưh kơ 'bôh lu bơ̆n ôh; Kră Yang achăng lê̆ boih teh đak âu.’ ”

Jang 17:29

“Iĕm pơm rup yang phŏ păng maih, dah hu, dah păng tơmo. Iĕm pơm rup yang kiơ̆ kơ iĕm tơchĕng đon iĕm kơdih đĕch. Mă-lei 'Bok Kei-Dei pơjing bơ̆n kon Sư, na bơ̆n 'nĕ tơchĕng 'Bok Kei-Dei thoi lĕ rup yang đĕch ôh.

Rom 1:23

'Bok Kei-Dei mơsêh mơyang tih-tin arih ling-lang mă kuă kơ kơkuh kơ Sư, na man kơdih rup kon bơngai rup sem brem, noh boih kơkuh khan yang.

Both 27:15

Hiap pơtê̆ bĕ kơ bơngai bu pơm rup yang, man dah hling, tơmam mă Kră Yang areh krưp dêh, tơdrong jang đơ̆ng tơpang ti kon bơngai, pơdơ̆ng kơkuh sư noh tơ anih hlơp! Đĭ-đăng kon pơlei gô khan: A-men!

Both 4:28

Tơ noh lu iĕm gô kơkuh kơ rup yang pơm păng 'long păng tơmo, jơ̆ tơdrong jang tơpang ti kon bơngai pơm, ưh kơ gơh 'bôh, ưh kơ kơtơ̆ng ưh kơ gơh sa, kư̆m ưh kơ băt 'bâu.

Lu 18:24

Mika tơl: Lu iĕm tơtông iŏk ba đĭ rup yang inh pơm păng chông anhăk hloi 'bok soi inh? Liơ mă iĕm oei apinh khan, Ih đei tơdrong kiơ?