Êsai 44:11 - Sơ̆p Hlabơar Nơ̆r 'Bok Kei-Dei

¹¹ Đĭ-đăng lu bơngai kơkuh kơ rup Yang gô mơlâu, lu bơngai thơ̆ pơm lu sư jơ̆ kon bơngai hmă đĕch. Lê̆ đĭ-đăng lu sư akŭm băl. Iung bĕ; lu sư gô hli tơrơ păng mơlâu.

Êsai 44:11 ပူးပေါင်းရင်းမြစ်များ

I Pot 18:40

Êli khan kơ lu sư: “Rôp bĕ đĭ lu bơngai khan lê̆ adrol gah yang Baal, 'nĕ kơ ăn minh 'nu bơngai ayơ klaih.” Lu sư rôp hloi lu bơngai 'noh. Êli chông ba lu sư jur tơ thong đak Kisôn păng pơlôch đĭ lu sư tơ noh.

Horiso 97:7

Pơm bĕ kơ đĭ-đăng lu bơngai kơkuh kơ rup yang mơlâu. Lu gơnang kơ rup yang tơdrong kơ đei. Ơ lu yang, kơkuh bĕ kơ Kră Yang.

Êsai 1:29

Lu iĕm gô mơlâu kơ lu 'long kôih mă iĕm kơkuh; lu iĕm gô hlơ̆l kơ pơgar 'long mă đêl lu iĕm rơih iŏk.

Êsai 42:17

Mă-lei lu bơngai gơnang kơ rup yang lu sư traih lu bơngai khan kơ lu rup lu sư man: Lu iĕm bơih yang lu nhôn, tă kơ gô kơdŭn tơ rŏng păng mơlâu.

Êsai 44:9

Đĭ-đăng lu bơngai pơm rup yang jơ̆ tơdrong kơ đei dôm tơmam lu sư hưch wă ưh kơ yua kiơ. Lu bơngai pơm kơdranh kơ lu rup yang noh ưh kơ gơh 'bôh păng ưh kơ băt, gô pơm kơ lu sư mơlâu đĕch.

Êsai 45:16

Đĭ-đăng lu bơngai pơm man rup yang lu sư gô mơlâu păng rŭng răng, lu sư mơlâu dêh kơdâu weh đĭ.

Êsai 65:13

Na Kră Yang khan thoi âu: “'Nâu, lu đĭch đam Inh gô đei sa, Mă-lei lu iĕm gô pơngot; 'Nâu đĭch đam Inh gô nhă, mă-lei lu iĕm oei rơhing kơ đak; 'Nâu đĭch đam Inh gô đei tơdrong hiôk chơt, mă-lei lu iĕm gô mơlâu ơh sơ'ngon,

Je 10:14

Đĭ-đăng bơngai jing kơtul kơwao păng ưh kơ hlôh tơdrong kiơ. Rim 'nu bơngai thơ̆ hling rup yang mơlâu yua kơ rup yang lu sư, yang lu sư hling noh chă hơlĕnh đĕch, ưh kơ gơh dui jơhngơ̆m.

Je 51:17

Rim 'nu bơngai jing bơlŭk ưh kơ băt tơdrong kiơ: Lu bơngai hling rup yang hăm maih gô mơlâu đơ̆ng rup yang sư, yua kơ rup lu sư man ưh kơ sĭt chă hơlĕnh đĕch, ưh kơ đei kial dui jơhngơ̆m.

Hôsia 13:2

Dang ei, lu sư pơm yoch rai dêh; lu sư yua hu, tuh hling pơm lơ rup yang kơ lu sư kơdih, pơm lu rup yang kiơ̆ kơ đon hơgei lu sư; đĭ-đăng ti lu sư thơ̆ hơgei! Đe đei roi trŏ kơ 'bơm lu sư khan: Pơm yang kơ rup kon rơmo păng chŭm rup kon rơmo noh!

Both 4:28

Tơ noh lu iĕm gô kơkuh kơ rup yang pơm păng 'long păng tơmo, jơ̆ tơdrong jang tơpang ti kon bơngai pơm, ưh kơ gơh 'bôh, ưh kơ kơtơ̆ng ưh kơ gơh sa, kư̆m ưh kơ băt 'bâu.