Êsai 43:7 - Sơ̆p Hlabơar Nơ̆r 'Bok Kei-Dei

⁷ Lu bơngai mă Inh krao hăm anăn Inh, Inh bơih pơjing lu sư, wă ư-ang kơ Inh, tơpă Inh bơih pơjing lu sư.

Êsai 43:7 ပူးပေါင်းရင်းမြစ်များ

Horiso 100:3

Athei băt Kră Yang jơ̆ 'Bok Kei-Dei, Sư boih Tơ'ngla pơjing bơ̆n, lu bơ̆n jing tơmam Sư. Lu bơ̆n kon pơlei pơla Sư, jơ̆ kon triu lăm tơmăn 'nhĕt Sư

Horiso 50:23

Bu pơyơ̆r nơ̆r bơnê tơmam soi kơkuh ư-ang kơ Inh; păng sư kiơ̆ trong Inh; Inh gô tơ'bôh tơdrong dŏng pơklaih đơ̆ng Kră Yang 'Bok Kei-Dei.”

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Êsai 29:23

Mưh lu sư 'bôh lu kon hơ'lơ̆p sư, jơ̆ tơdrong jang đơ̆ng ti Inh pơm kơ lu sư, lu sư gô pôk pơyom kơ anăn Inh 'lơ̆ng rơgoh băt pơyom kơ Tơ'ngla 'lơ̆ng tơpăt Jakôp, păng gô hli yom kơ Kră Yang 'Bok Kei-Dei đe Isơrael.

Êsai 43:1

Dang ei Kră Yang khan thoi âu: Ơ Jakôp Sư Tơ'ngla pơjing iĕm, ơ Isơrael! Sư bơih Tơ'ngla pơjing iĕm, 'nĕ kơ hli yua kơ Inh huai iŏk iĕm bơih. Inh bơih krao iĕm hăm anăn iĕm păng iĕm gah Inh.

Êsai 43:21

Inh pơjing bơih lu kon pơlei âu, ăn kơ Inh, lu sư gô ră roi bơnê kơ inh.

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Êsai 46:13

Inh ba tơdrong dŏng pơklaih truh jê̆, Sư ưh kơ ataih ôh, ưh kơ hiơ̆ ôh, Inh gô dŏng pơklaih pơlei Siôn, Ăn kơ bơngai Isơrael ư-ang kơ Inh bơngai.

Êsai 48:11

Noh yua kơ Inh, yua kơ kơdih Inh na Inh pơm tơdrong 'nâu, yua kơ kiơ Inh lê̆ anăn Inh đe pơjăm pơjuă ngôi? Inh gô ưh kơ ăn tơdrong ư-ang Inh kơ bu nai ôh.

Êsai 56:5

Inh gô ăn kơ lu sư hơdai tơ lăm hnam Inh wă khan lăm dur Inh. Minh anih 'blŏk hơdơ̆r păng minh anăn gĭt hloh kơ kon drŏ-nglo, kon drŏ-kăn; Inh gô ăn dơ̆ng kơ lu sư minh anăn mă oei oei ling-lang ưh kơ đei layơ tôch.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 63:19

Đunh bơih, lu nhôn nhen thoi minh khŭl kon pơlei, mă Kră Yang ưh tam mă pơgơ̆r păng đe ưh tam mă krao hăm anăn Ih.

Je 14:9

Liơ Ih nhen thoi bơngai đei tơdrong truh ưh kơ tam băt, nhen thoi bơngai nuih pran mă ưh kơ gơh dŏng pơklaih bu? Mă-lei ơ Kră Yang, Ih oei oei hơdai nhôn, đe krao nhôn kon Ih, apinh Ih 'nĕ kơ achăng lê̆ lu nhôn.

Je 33:16

Lăm lu năr noh; adrĕch Juđa gô đei dŏng pơklaih; Jêrusalem gô oei hiôk-hian păng gô krao anăn Kră Yang boih tơpăt hơnơ̆ng lu nhôn.’ ”

Da 9:18

Ơ Kră Yang 'Bok Kei-Dei inh, apinh Ih pơgling đon păng mơ̆ng. Apinh Ih lar măt lăng bĕ dôm anih juơ juŏ lu nhôn păng pơlei mă krao anăn Ih! Ưh kơ sĭ gơnang kơ tơdrong tơpăt nhôn kơdih na krao apinh Ih, mă-lei gơnang kơ đơ̆ng tơdrong Ih 'mêm mơnat kơ đĭ-đăng.

Da 9:19

Ơ Kră Yang 'Bok Kei-Dei mơ̆ng mă tôm bĕ; ơ Kră Yang 'Bok Kei-Dei mơnat ăn bĕ! Ơ Kră Yang 'Bok Kei-Dei! 'Blŏk bĕ păng pơm bĕ. Ơ Kră Yang 'Bok Kei-Dei inh! Yua kơ Ih boih apinh 'nĕ pă gô dơ̆ng; yua kơ pơlei tih Ih păng kon pơlei Ih, mă đei krao păng anăn Ih!

Am 9:12

Ăn kơ kon pơlei Inh blah iŏk lu kon pơlei Eđôm mă oei oei. Păng đĭ-đăng kon pơlei jơ̆p kơ dêh char gô ư-ang anăn Inh”

Yo 15:8

Dah iĕm đei plei trem iĕm bơngai kiơ̆ Inh tơpă păng đe gô 'bôh iĕm pơm thoi noh na đe ư-ang kơ 'Bă Inh tơpă.

Jang 11:26

Lăp sư chă 'bôh boih, sư anhăk ba Sôl tơ Pơlei Antiôs. Kơplah minh sơnăm bre sư bơtho lu bơngai lui tơ Pơlei Antiôs. Bre sư bơtho tơdrong 'Bok Kei-Dei na lơ bơngai năm mơ̆ng. Tơ ei đe anăn lu bơngai lui, bơngai Krist. Đơ̆ng sơ̆ đe ưh kơ anăn thoi noh ôh.

Rom 9:23

Yua kơ Sư oei gô lu bơngai mă Sư 'mêm. Sư wă hơmet jơhngơ̆m lu bơngai mă Sư 'mêm noh hơdrol 'mơ̆i, wă kơ lu bơngai noh gơh oei hơdai hăm Sư ning-mônh. Lu bơngai noh 'Bok Kei-Dei rơih iŏk đơ̆ng blŭng-a sơ̆ hloi boih, noh na Sư oei gô.

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

Galati 6:15

Tơdrong kăt tơdra akar ưh kơ đei kăl kiơ ôh. Tơdrong Yang Bơhngol 'Lơ̆ng ăn kơ bơ̆n jing bơngai 'nao, 'noh đĕch kăl.

Êphêsô 1:12

Sư pơm thoi noh, Sư wă kơ bơ̆n ư-ang tơdrong Sư 'mêm mơnat kơ bơ̆n tơpă, na mă nhôn bơngai Juđê lui kơ 'Bok Krist hơdrol kơ lu bơngai nai kư̆m thoi iĕm, iĕm thoi nhôn.

Êphêsô 1:6

Sư wă kơ bơ̆n bơnê kơ Sư 'mêm kơ bơ̆n tơpă, Kon pôm kơdih mă ăn lôch thoi noh.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

Ya 2:7

Lu sư kư̆m pơma kơnê̆ kơ Yêsu Krist Kră Yang bơ̆n mă 'lơ̆ng tơpăt.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.

I Pet 4:14

Hiôk chơt bĕ lu iĕm dah đe che bơle kơ iĕm lui kơ Yêsu Krist, iĕm hiôk yua kơ iĕm đei Yang Bơhngol 'Lơ̆ng mơsêh mơyang đơ̆ng 'Bok Kei-Dei jur oei hăm iĕm boih.

Tơdrông Tơ'bôh 3:12

‘Tơdrong tơblah păng yang kơnê̆ jei bơngai bu, Inh gô ăn kơ bơngai noh pơm jrăng hnam akŭm 'Bok Kei-Dei 'Bă Inh tơ Pơlei 'Lơ̆ng Sư. Sư pơdơ̆ng wei hnam noh ling-lang. Păng Inh chơ̆m đŏng yâu 'Bok Kei-Dei 'Bă Inh tơ klĕng sư păng anăn Pơlei 'Lơ̆ng 'Bok Kei-Dei 'Bă Inh. Pơlei 'noh wă khan Pơlei Jêrusalem 'nao mă 'Bă Inh gô tơjur đơ̆ng plĕnh ning-mônh. Păng Inh kư̆m chơ̆m đŏng yâu Inh tơ klĕng sư. Đŏng yâu noh chih anăn Inh 'nao pơjing.

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.