Êsai 43:3 - Sơ̆p Hlabơar Nơ̆r 'Bok Kei-Dei

³ Yua kơ Inh Kră Yang 'Bok Kei-Dei iĕm, Tơ'ngla 'lơ̆ng rơgoh Isơrael, Tơ'ngla dŏng pơklaih iĕm. Inh ăn bơih dêh char Êyiptơ jing tơmam huai iŏk iĕm. Char Kus păng Sêba pơm tơmam huai tơplih kơ iĕm.

Êsai 43:3 ပူးပေါင်းရင်းမြစ်များ

Bl 10:7

Kon drŏ-nglo Kus anăn Sêba, Hawila, Sapta, Rama păng Saptêka kon drŏ-nglo Rama anăn Sêba păng Đêdan.

Horiso 72:10

Lu pơtao Tarêsi păng lu bŏl đak dơsĭ gô ăn thuê̆ kơ sư. Pơtao Seba păng Seba gô pơyơ̆r ăn kơ sư.

Le 10:7

Lu bơngai bơ̆jang kơ Pharaôn khan kơ sư. Truh dĭng dang yơ bơngai âu mă lê̆ hơ'năk hơđong kơ lu bơ̆n? Jah achăng lê̆ lu kon pơlei noh năm bĕ, wă kơ lu sư kơkuh kơ Kră Yang 'Bok Kei-Dei lu sư! Pơtao ưh tam băt hă dêh Êyiptơ đei tơdrong răm đĭ boih.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Tơdrông Pơđơk 11:8

Bơngai tơpăt gô đei dŏng pơklaih đơ̆ng tơdrong pơmat-tat; Mă-lei gô đei tơdrong pơmat-tat truh tơ lu bơngai pơm kơnê̆.

Tơdrông Pơđơk 21:18

Bơngai pơm kơnê̆ tơmam 'măn lê̆ wă huai iŏk bơngai 'lơ̆ng tơpăt. Bơngai hơlĕnh gô huai tơplih anih lu bơngai tơpăt.

Êsai 19:20

Noh jơ̆ tơdra kơnăl păng tơbăt kơ Kră Yang Tih Hloh tơ lăm dêh Êyiptơ, lu Sư gô krao chă Kră Yang, kơplah lu bơngai pơm kơnê̆ kơ lu sư, Kră Yang gô wơh minh 'nu 'bok dŏng pơklaih wă dŏng tơgŭm păng pơklaih lu sư.

Êsai 20:3

Kră Yang khan: “Thoi đĭch đam Inh Êsai năm akâu hoh păng yak jơ̆ng hoh lăm pêng sơnăm wă pơm tơdra tơ'bôh wă blah teh đak Êyiptơ păng Kus.

Êsai 30:11

Weh bĕ trong nai, tơklah bĕ đơ̆ng trong noh lê̆ pă roi gah Tơ'ngla 'Lơ̆ng Rơgoh đe Isơrael, weh bĕ đơ̆ng muh măt lu nhôn.”

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Êsai 42:8

“Inh bơih Kră Yang, Noh jơ̆ Anăn Inh. Inh ưh kơ asong tơdrong ư-ang 'lơ̆ng rŏ Inh kơ minh 'nu bu nai, kư̆m ưh kơ ăn tơdrong pơư bơnê Inh kơ lu rup man!”

Êsai 43:11

Inh âu bơih Kră Yang, 'nguaih kơ inh, ưh kơ đei 'bok dŏng pơklaih nai ôh.

Êsai 45:14

Kră Yang khan thoi âu: “Lu iĕm gô iŏk đĭ Tơmam teh đak Êyiptơ, mŭk tơmam teh đak Kus păng bơngai Sabê, lu bơngai tih kơjung, lu sư gô năm tơ iĕm păng kiơ̆ gah lu iĕm. Lu sư gô yak kiơ̆ rŏng lu iĕm, lu sư gô năm tơ iĕm hăm glang oei chô̆ lu sư truh bon kơkuh 'bơ̆t anăp lu iĕm, lu sư adrĭ apinh khan: ‘Tơpă Kră Yang 'Bok Kei-Dei oei hơdai lu iĕm, ưh kơ đei yang nai ôh, ưh kơ đei Yang nai dơ̆ng.’ ”

Êsai 45:15

Sĭt tơpă Ih Kră Yang 'Bok Kei-Dei ôn akâu Ih, Ơ Kră Yang 'Bok Kei-Dei Ih, jơ̆ Kră Yang dŏng pơklaih đe Isơrael.

Êsai 45:21

Lê̆ lu sư năm pơđâu băl Ră roi bĕ, pơdah bĕ khan bĕ. Đơ̆ng chăl adrol sơ̆ bu ră roi pơdah tơdrong âu? Bu pơdah tơdrong âu đơ̆ng blŭng-a sơ̆? Hăm trŏ kơ Inh Kră Yang ưh? 'Nguaih kơ Inh ưh kơ đei 'Bok Kei-Dei nai ôh! Ưh kơ đei 'Bok Kei-Dei 'lơ̆ng tơpăt nai păng ưh kơ đei Kră Yang dŏng pơklaih nai yua kơ Inh bơih Kră Yang 'Bok Kei-Dei, ưh kơ đei yang nai dơ̆ng.

Êsai 49:26

Inh gô pơm kơ lu bơngai pơjuă pơđep iĕm lu sư gô pơlôch dih băl, lu sư jing suai yua kơ đơ̆ng hil blĕk, thoi lĕ suai sik; Đĭ-đăng kon bơngai gô băt kơ Inh, Kră Yang Tơ'ngla dŏng pơklaih iĕm, Tơ'ngla huai iŏk iĕm păng Tơ'ngla mơsêh adrĕch Jakôp.”

Êsai 60:16

Ih gô mŏm đak toh lu dêh char păng lu pơtao thoi mĕ gô tơmŏm 'me rong Ih. Ih gô băt kơ Inh bơih Kră Yang Tơ'ngla dŏng pơklaih ih Tơ'ngla huai iŏk ih păng Tơ'ngla mơsêh pran kơtang adrĕch Jakôp.

Êsai 63:8

Kră Yang đei khan: “Tơpă lu sư jơ̆ kon pơlei Inh lu kon mă ưh kơ đei pơma hơlĕnh ôh.” Păng Kră Yang boih Tơ'ngla dŏng pơklaih lu sư.

Je 14:8

Ơ Kră Yang Ih boih tơ'ngla mă lu bơngai Isơrael chang hơmĕng. Tơ'ngla mă dŏng pơklaih kơplah năr đei tơdrong truh, liơ Ih nhen thoi bơngai tơmoi lăm char âu, Thoi bơngai chă yak găn weh 'bĭch kơmăng đĕch.

Je 16:21

Thoi noh, Inh gô ăn kơ lu sư băt, Inh tơ'bôh ăn kơ lu sư băt minh wơ̆t tôm boih, tơdrong mơsêh Inh; tơdrong pran kơtang Inh. Lu sư gô băt Anăn Inh jơ̆ Kră Yang.

Êsêkiên 39:7

Inh gô ăn anăn 'lơ̆ng rơgoh Inh tơbăt tơ lăm lu kon pơlei Isơrael Inh păng Inh ưh pă ăn lu sư pơma kơnê̆ kơ anăn 'lơ̆ng rơgoh Inh dơ̆ng. Kơplah noh lu adrĕch adrung gô băt Inh boih Kră Yang, Kră Yang 'Lơ̆ng Rơgoh lăm Isơrael.

Hôsia 13:4

Inh boih Kră Yang 'Bok Kei-Dei lu iĕm dŏng iĕm lĕch đơ̆ng char Êyiptơ. Lăp minh Inh đĕch, iĕm 'nĕ kơ đei yang nai; 'nguaih kơ Inh ưh kơ đei yang kiơ nai mă gơh dŏng pơklaih iĕm!

Lêwi 11:44

Yua kơ Inh boih Kră Yang 'Bok Kei-Dei lu iĕm, Inh 'lơ̆ng rơgoh, lu iĕm kư̆m athei oei rơgoh, na gơh rơgoh tơpă. Lu iĕm 'nĕ kơ ăn minh pôm kon sem kiơ mơmŏ kơpal teh mă pơm kơ lu iĕm jing kơnê̆ 'mê̆-'mach.

Am 9:7

Kră Yang khan: Ơ kon sâu Isơrael, hăm trŏ Inh ưh kơ lăng iĕm thoi lu kon sâu bơngai Êthiôpi? Inh ưh kơ trŏ chông tơlĕch iĕm đơ̆ng teh đak Êyiptơ, bơngai Philistin đơ̆ng Kaptôr păng bơngai Siri đơ̆ng char Kir hă?

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Ju 1:25

Thoi noh bĕ bơ̆n ư-ang kơ Sư, yua kơ pôm Sư đĕch Yang sĭt tơpă. Sư pơklaih bơ̆n đơ̆ng tơdrong phak, yua kơ Kră Yang bơ̆n Yêsu Krist lôch tang bơ̆n. 'Bok Kei-Dei boih mơsêh tăp pang mơyang tăp dăr, pơgơ̆r tôm tơdrong đơ̆ng blŭng-a sơ̆ khơ̆ dang ei, truh tơ ning-mônh ưh kơ layơ tôch. A-men.