Êsai 43:27 - Sơ̆p Hlabơar Nơ̆r 'Bok Kei-Dei

²⁷ 'Bok tơm lu iĕm sơ̆ pơm yoch bơih, bơngai pơtruh nơ̆r lăm lu iĕm pơm glăi blah Inh bơih.

Êsai 43:27 ပူးပေါင်းရင်းမြစ်များ

Horiso 78:8

Wă kơ lu sư huay kơ rok lu 'bok sư. Jơ̆ minh adrĕch kơchu păng arăng kơ̆l, Ưh kơ đei jơhngơ̆m tơpăt păng ưh kơ đei đon lui kơjăp kơ Kră Yang 'Bok Kei-Dei.

Êsai 24:20

Plei teh tơdrŏ 'ma 'ngiĕo nhen bơngai suai, yĕng yŏng thoi pơk gia, tơdrong yoch sư trăp dêh, sư gô pơ̆k huŏng ưh kơ kĕ iung dơ̆ng.

Êsai 28:7

Mă-lei lu đe noh kư̆m wing măt yua kơ sik hơmu pơm. Nơnăm 'ma 'ngiĕo yua kơ suai kơ tơdrô 'lơ̆ng! 'Bok soi păng 'bok khan lê̆ adrol wing măt yua kơ suai kơ tơdrô 'lơ̆ng, tơdrô pơrăm đĭ đon tơchĕng lu sư, tơdrô pơm kơ lu sư yak năm we-wo 'ma 'ngiĕo oei mơngưt mơngat kơplah lu sư đei tơdrong tơ'bôh. Lu sư glăi lăm tơdrong sek tơlang.

Êsai 29:10

Kră Yang đei pơm bơih kơ lu iĕm tep blêk, chĭt lê̆ măt lu iĕm, jơ̆ lu bơngai khan lê̆ adrol, Kră Yang gom kơ̆l lu iĕm bơngai mă đei tơdrong tơ'bôh.

Êsai 3:12

Kon pơlei pơla Inh, lu đe hơ'lơ̆p gô pơjuă pơđep lu sư. Drŏ-kăn gô pơgơ̆r lu sư. Ơ kon pơlei Inh! Lu bơngai pơgơ̆r chông iĕm jrok trong, pơm kơ iĕm wơ̆l kơ trong.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Êsai 51:2

Athei tơchĕng bĕ kơ Abraham 'bă iĕm, hăm Sara, bơngai pơjing lu iĕm; kơplah Inh krao sư, sư lăp minh 'nu; Inh tuh ăn tơdrong pŭn hiôk kơ sư na jing đei bơngai lơlap lơlang.

Êsai 58:1

“Krao ôr mă re bĕ 'nĕ kơ ĕnh, ôr jreo mă re thoi keng, roi tơbăt bĕ kơ kon pơlei Inh tơdrong lu sư pơm plơ̆. Păng pơm plơ̆ kơ hnam Jakôp tơdrong yoch lu sư.

Êsai 9:15

Lu bơngai pơgơ̆r pơm kơ kon pơlei âu năm jrok trong bơih păng lu bơngai sư chông puh kơ sư hơlĕnh.

Je 3:25

Ăn kơ nhôn oei 'bĭch lăm tơdrong mơlâu lu nhôn păng pŭ iŏk tơdrong đe pơjăm lu nhôn! Lu nhôn păng 'bok yă lu nhôn đei pơm yoch boih hăm Kră Yang 'Bok Kei-Dei lu nhôn, đơ̆ng oei 'lơ̆p sơ̆ khơ̆ dang ei; lu nhôn ưh kơ chu kiơ̆ nơ̆r Kră Yang 'Bok Kei-Dei lu nhôn.”

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Je 8:8

Liơ lu iĕm gơh khan: “Lu nhôn hơgei boih, lu nhôn đei khôi juăt Kră Yang? Mă-lei âu, lu bơngai chih hla bơar chih hơlĕnh. Pơm pơglăi lê̆ kơ khôi juăt Inh

Je 8:9

Lu bơngai hơgei gô mơlâu, hli tơrơ păng đe gô rôp lu sư; 'Nâu, lu sư sơngah boih kơ nơ̆r Kră Yang, lei lu sư wă đei hơgei liơ dơ̆ng?

Êsêkiên 16:3

Kră Yang Tih Hloh khan: ‘Khan bĕ kơ Jêrusalem thoi âu: Anih tơm rơh tơpŭ kơ ih đơ̆ng dêh char Kanaan, 'bă ih bơngai Amôrit, mĕ ih bơngai Hêtit.

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Malachi 3:7

Iŏk đơ̆ng năr lu 'bok yă iĕm, lu iĕm ưh pă chu yom wei răk păng achăng khôi juăt Inh. Wih tơ Inh bĕ, na Inh kư̆m gô wih tơ lu iĕm,” Kră Yang Tih Hloh khan thoi noh. Mă-lei lu iĕm khan: “Lu nhôn gô wih liơ?

Jo 32:14

'Nâu lu iĕm iung tơplih kơ 'bă lu iĕm, adrĕch bơngai kơnê̆ yoch, wă kơ rai pơthim tơdrong Kră Yang hil mĭl kơ lu adrĕch Isơrael dơ̆ng.

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Mathiơ 27:1

Lăp 'brưch hơdah til pơgê đĭ-đăng lu 'bok soi tih păng lu đe kră sek tơlang chă đon wă pơlôch Yêsu.

Mathiơ 27:41

Lu 'bok soi tih, lu thây bơtho tơdrong juăt đe Juđê păng đĭ lu đe kră sek tơlang kư̆m wang che bơle kơ Sư mơ̆n. Lu sư khan thoi âu:

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Rom 5:12

Yua kơ minh 'nu bơngai đĕch, đĭ-đăng bơngai jing yoch. Yua kơ đơ̆ng sư pơm yoch na sư lôch. Thoi noh đĭ-đăng kon bơngai gô lôch ngăl yua kơ đĭ-đăng kon bơngai pơm yoch ngăl boih.