Êsai 43:24 - Sơ̆p Hlabơar Nơ̆r 'Bok Kei-Dei

²⁴ Iĕm kư̆m ưh kơ đei iŏk jên răt kơ Inh 'long 'bâu phu ôh, kư̆m ưh kơ đei pơm kơ Inh hrăp lăp đon đơ̆ng rơmă tơmam soi sơmah. Mă-lei tă kơ tơdrong yoch iĕm dơ̆ng pơm kơ Inh pŭ trăp păng tơdrong kơnê̆ lu iĕm pơm kơ Inh ơh klai.

Êsai 43:24 ပူးပေါင်းရင်းမြစ်များ

Horiso 95:10

Lăm puăn-jĭt sơnăm Inh hil mĭl dêh kơ adrĕch adrung noh; Inh khan: “Noh minh adrĕch đei jơhngơ̆m yoch păng lu sư ưh kơ băt trong inh;”

Le 30:34

Kră Yang khan kơ Môis: Ih athei iŏk dôm tơmam 'bâu phu wă khan chai 'long hold, kơđoh hmok ka Ônichae, chai 'long Phrankincensef, chai 'long Galbuniumg, đĭ-đăng lu sư iŏk dôm ăi.h

Le 30:7

Rim til pơgê, kơplah Arôn tơ̆k hơmet ŭnh kơđeng, sư gô soh tơmam 'bâu phu tơ anih 'noh.

Êsai 1:14

Inh areh dêh kơ lu 'năr khei 'nao, păng dôm tơdrong lu iĕm pơm giĕng, pơm trăp trĭn dêh kơ Inh. Inh pŭ iŏk gleh lap dêh.

Êsai 1:24

Thoi noh bơih na Kră Yang Tih Hloh, Tơ'ngla Mơsêh Mơyang lu bơngai Isơrael khan: “Âu! Inh gô tuh tơdrong hil tơ lu bơngai blah Inh păng pơm 'mong kơ lu bơngai ayăt kơ Inh!

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Êsai 7:13

Na Êsai khan: “Ơ hnam Đawit mơ̆ng bĕ! Lu iĕm khan pơm pơơh kơ đe noh jơ̆ tơdrong iĕ đĕch, na lu iĕm kư̆m 'maih pơm kơ Kră Yang 'Bok Kei-Dei inh ơh dơ̆ng mơ̆n hă?

Je 44:22

Kră Yang ưh kơ kĕ ĕnh boih tơdrong kơnê̆ lu iĕm, tơdrong 'mê̆ krưp lu iĕm pơm, na teh đak lu iĕm jing juơ, pŭ hơngiap, blei hiap, ưh kơ đei bu oei truh tơ năr 'nâu.

Je 6:20

Lu iĕm soh pơyơ̆r kơ Inh 'long 'bâu phu đơ̆ng char Seba, dah tơmam 'bâu phu đơ̆ng dêh ataih wă pơm kiơ? Inh ưh kơ iŏk ôh tơmam soi 'buh lu iĕm, tơmam soi mă iĕm pơyơ̆r kư̆m ưh kơ đei pơhiôk kơ Inh mơ̆n!”

Êsêkiên 16:43

Yua kơ ih ưh kơ 'blŏk kơplah ih oei 'lơ̆p sơ̆, na mă pơgreh Inh tôm tơdrong, thoi noh na Inh gô tuh pơdrâu tơ kơpal kơ̆l ih, Kră Yang Tih Hloh khan thoi noh; hăm trŏ kơ ih pơm pơyô kư̆ kă hăm thim đơ̆ng tơdrong kơnê̆ krưp mă Inh areh?

Êsêkiên 6:9

Lu bơngai lăm lu sư mă đei klaih noh oei tơ lăm teh đak mă lu sư oei, đe rôp pơm bơnă. Lu sư 'blŏk kơ jơhngơ̆m Inh đei pơchah, chhŭr nuih bơih, yua kơ tơdrong lu sư, pơm kư̆ kă weh đơ̆ng Inh păng măt lu sư pơm pơyô kư̆ kă kiơ̆ kơ lu yang kơnê̆. Kơplah noh lu sư kơdih gô lăng krưp areh kơ tơdrong kơnê̆, yua kơ tôm tơdrong kơnê̆ lu sư đei pơm krưp tơpă.

Lêwi 3:16

'Bok soi gô soh pơyơ̆r dôm tơmam noh tơ kơpal chơnang soi pơm tơmam sa pơyơ̆r soh hăm ŭnh, đei 'bâu phu đĭ-đăng rơmă noh jing tơmam 'Bok Kei-Dei ngăl.

Lêwi 4:31

Đơ̆ng noh sư gô pleh lê̆ đĭ rơmă thoi pleh lu rơmă tơmam soi 'blŏk bơnê mơ̆n. 'Bok soi chĕp ba 'buh tơ chơnang soi jing tơmam soi pơyơ̆r 'bâu phu kơ Kră Yang, noh bơih 'bok soi gô pơm tơdrong sut rơgoh yoch sư, na bơngai noh Kră Yang gô mơnat ăn.

Am 2:13

Inh gô kơtĭt lu iĕm kơtă anih lu iĕm kư̆m thoi gre chơ 'ba 'bĕnh kơtĭt juă tơ teh.

Malachi 1:14

“Lu bơngai hơlĕnh noh trŏ kơ hil mĭl păng hiap tơpă, lăm khŭl sem dơrong noh đei kon tơno 'lơ̆ng, mă-lei lu sư pơkă wă pơyơ̆r ăn kơ Kră Yang na iŏk kon sem jo jăn pơm tơmam soi. Yua kơ Inh Pơtao tih, anăn Inh trŏ kơ hli yom tơ lăm đĭ adrĕch adrung kon bơngai.” Kră Yang Tih Hloh khan thoi noh.