Êsai 43:19 - Sơ̆p Hlabơar Nơ̆r 'Bok Kei-Dei

¹⁹ Âu, Inh oei pơm minh tơdrong 'nao, dang ei sư oei wă lĕch tơ'bôh lu iĕm ưh kơ 'bôh ôh hă? Tơpă, Inh gô pơih minh pôm trong lăm bri brah păng gô pơm lu glung đei đak ro lăm char glă.

Êsai 43:19 ပူးပေါင်းရင်းမြစ်များ

Horiso 105:41

Sư blah tơmo, na đei hloi đak lĕch, ro tơ char glă thoi đak krong.

Horiso 126:4

Ơ Kră Yang, apinh Ih chông bơnă lu nhôn brŏk. Thoi thong đak gah gơal đei đak ro dơ̆ng.

Le 17:6

Inh gô dơ̆ng 'bơ̆t anăp ih, kơpal tơmo tơ kông Hôrêp; ih athei teh tơmo noh, na đak gô lĕch đơ̆ng lăm tơmo noh wă ăn kơ kon pơlei nhă. Môis pơm hloi thoi noh 'bơ̆t anăp măt lu kră kon pơlei Isơrael.

Êsai 30:25

Truh kơ năr 'bet pơlôch băl tih, kơplah noh lu kơđông tih kơjăp pơchah, tơ rim kông kơjung rim groi gô đei lu glung đak ro.

Êsai 32:2

Rim 'nu bơngai nhen thoi anih kơ'nơp kơ kial, thoi anih pĕng kơ hơbŭt, nhen glung đak ro lăm anih hrĕng kro, nhen thoi yơ̆p tơmo tih lăm teh đak kro krĕnh.

Êsai 33:21

Tơ noh Kră Yang mơsêh gô oei hơdai bơ̆n lăm tơdrong 'lơ̆ng rŏ Sư, đei Krong să tơ noh thŏng-nan ayăt ưh kơ gơh năm, kư̆m ưh kơ đei duk tih ayăt gơh chă năm brih găn mơ̆n.

Êsai 35:1

Char glă păng teh phang-ang hrĕng kro gô chơt hiôk. Anih bri brah gô 'nă hal, păng đei bluh pơkao thoi pơkao gôh.

Êsai 41:18

Inh gô pơm kơ đak krong lĕch ro tơ kông groi mơ-mlưch păng tu đak glung gô ro 'bĕnh lăm thŭng, inh gô pơm kơ teh char glă jing dơnâu đak. Teh hrĕng kro gô jing đak mơlĕch.

Êsai 41:19

Inh gô pơtăm tơ anih bri char glă, lu hơngo, 'long keo, 'long pơgang păng 'long ôliwơ. Inh gô pơtăm 'long hơngo hla iĕ, hơngo hmă, 'long krăk hơdai tơ lăm char glă.

Êsai 42:9

'Nâu tơdrong adrol đei truh 'blep trŏ bơih, dang ei Inh roi ăn kơ iĕm tơdrong 'nao dơ̆ng; adrol kơ Sư wă truh, Inh roi ăn kơ iĕm băt adrol.

Êsai 48:5

Na Inh pơma dôm tơdrong 'noh kơ lu iĕm đơ̆ng sơ̆, bơtho lu iĕm dôm tơdrong 'noh adrol kơ sư tam mă truh, kơnh hli kơ iĕm khan: 'Noh jĭ rup yang đơ̆ng inh pơm, rup yang inh traih, rup yang inh tuh hling đơ̆ng inh athei đei dôm tơdrong 'noh.

Êsai 48:6

Ih kơtơ̆ng bơih, ih lăng lăng bĕ dôm tơdrong 'nâu lei lu iĕm ưh kơ sơng iŏk hă? Đơ̆ng âu tơ anăp, Inh gô ăn kơ iĕm băt dôm tơdrong 'nao, dôm tơdrong hrĕp mă iĕm tam mă băt,

Êsai 49:10

Lu sư gô ưh kơ đei pơngot, ưh kơ đei ol kơ đak, hơyuh tŏ dah măt 'năr ưh kơ đei pơm kơ lu sư tŏ. Yua kơ Tơ'ngla 'mêm mơnat lu sư, gô chông anhăk ba lu sư năm truh tơ jê̆ cheng đak glung.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Je 23:7

Kră Yang khan: “Lei na gô đei năr truh tơ anăp, kơplah noh đe ưh pă đei pơma pơkăm pơkă thoi âu dơ̆ng: ‘Sĭt tơpă thoi Kră Yang arih, Kră Yang mă đei pơklaih adrĕch adrung Isơrael đơ̆ng char Êyiptơ.’

Je 31:22

Oei pă dang yơ dơ̆ng lu iĕm oei thông mang. Ơ kon adruh ưh kơ 'blep? Kră Yang đei pơjing boih minh tơdrong 'nao plơ̆ng lăm teh đak: Bơngai drŏ-kăn wei wêr bơngai drŏ-nglo.”

Je 31:9

Lu sư brŏk hăm nhơ̆m hmoi, păng krao khan, Inh gô pơlung păng chông ba lu sư, Inh gô bơrơng lu sư rok cheng đak glung, rok trong dơhnă, lu sư huay kơtơih pơ̆k, yua kơ Inh boih 'bă kơ lu adrĕch Isơrael, păng Êphraim kon kơdră Inh.

Jo 20:11

Môis yơ̆r ti sư teh tơmo 'bar wơ̆t hăm 'long jra sư. Đak lĕch ro hloi lơ tơpă, kon pơlei nhă păng lu sem dơrong sư kư̆m nhă.

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

Both 8:15

Kră Yang chông ba iĕm rok char glă să pă băt krưp dêh, đei 'bih tang, hơguăt, teh hrĕng kro, ưh kơ đei đak ôh, Sư ăn đak lĕch đơ̆ng tơmo arăk tơpă.

Tơdrông Tơ'bôh 21:5

'Bok Kei-Dei mă oei tơ tang-dŏ khan: “Inh pơjing tôm tơdrong 'nao.” Sư wih khan dơ̆ng kơ inh thoi âu: “Ih chih răk lê̆ dôm tơdrong Inh pơma, yua kơ tơdrong âu sĭt gô đei tơpă iĕm gơh lui.”