Êsai 43:12 - Sơ̆p Hlabơar Nơ̆r 'Bok Kei-Dei

¹² Inh, Tơ'ngla roi tơbăt bơih, Tơ'ngla dŏng pơklaih păng bơtho tơ'bôh, ưh kơ đei yang ayơ mă hlĭch tŏk-bŏk lu iĕm.” Kră Yang khan: “Lu iĕm bơih bơngai pơm kơdranh gah Inh, Inh bơih Kră Yang 'Bok Kei-Dei!

Êsai 43:12 ပူးပေါင်းရင်းမြစ်များ

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Êsai 37:7

'Nâu Inh gô ăn lăm đon sư, kơtơ̆ng tơdrong, đe roi na wih tơ dêh sư kơdih, tơ noh Inh gô pơm kơ sư lôch kơ đao gưm.

Êsai 43:10

Kră Yang khan: “Lu iĕm bơih bơngai pơm kơdranh gah Inh, đĭch đam Inh mă đei rơih iŏk bơih, wă kơ lu iĕm băt păng lui kơ Inh, păng hlôh kơ Inh bơih Kră Yang iĕm noh! Ưh kơ đei 'Bok Kei-Dei ayơ mă pơjing đei adrol kơ Inh păng đơ̆ng rŏng kơ Inh kư̆m ưh kơ đei.

Êsai 44:8

'Nĕ kơ hli 'nĕ kơ tơtơ̆ ôh, hăm trŏ kơ đơ̆ng sơ̆ Inh roi tơbăt kơ iĕm bơih. Lu iĕm pơm kơdranh gah Inh. 'Nguaih kơ Inh hăm đei Yang nai dơ̆ng ưh? Tơpă ưh kơ đei Tơmo tih nai dơ̆ng ôh, Inh băt ưh kơ đei bu!

Êsai 45:19

Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Êsai 55:4

'Nâu, Inh ăn kơ sư jing bơngai pơm kơdranh ăn kơ lơ bơngai, pơm yŏng păng pơm bơngai wei-lăng lơ kon pơlei.

Both 32:12

Minh Kră Yang đĕch chông anhăk lu kon pơlei Sư, Ưh kơ đei yang kiơ nai.

Both 32:16

Lu sư kơkuh kơ rup yang nai wă tơblĕk Kră Yang tơ'ngla 'mêm gar. Pơm wă kơ Kră Yang ơh hil kơ lu sư pơm rup yang, Sư areh lăng krưp.

Both 32:39

Lăng bĕ, Inh âu boih Kră Yang 'Bok Kei-Dei. 'Nguaih kơ Inh ưh kơ đei yang nai dơ̆ng. Inh gơh ăn lôch păng ăn arih dơ̆ng, Inh teh rơka păng Inh ming pơklaih. Ưh kơ đei bu gơh tơgar iŏk klaih đơ̆ng tơpang ti Inh.