Êsai 43:11 - Sơ̆p Hlabơar Nơ̆r 'Bok Kei-Dei

¹¹ Inh âu bơih Kră Yang, 'nguaih kơ inh, ưh kơ đei 'bok dŏng pơklaih nai ôh.

Êsai 43:11 ပူးပေါင်းရင်းမြစ်များ

Horiso 3:8

Tơdrong dŏng pơklaih đơ̆ng Kră Yang, Apinh Ih ăn tơdrong pŭn hiôk tih kơ kon pơlei pơla Ih. Sêla

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 19:20

Noh jơ̆ tơdra kơnăl păng tơbăt kơ Kră Yang Tih Hloh tơ lăm dêh Êyiptơ, lu Sư gô krao chă Kră Yang, kơplah lu bơngai pơm kơnê̆ kơ lu sư, Kră Yang gô wơh minh 'nu 'bok dŏng pơklaih wă dŏng tơgŭm păng pơklaih lu sư.

Êsai 42:8

“Inh bơih Kră Yang, Noh jơ̆ Anăn Inh. Inh ưh kơ asong tơdrong ư-ang 'lơ̆ng rŏ Inh kơ minh 'nu bu nai, kư̆m ưh kơ ăn tơdrong pơư bơnê Inh kơ lu rup man!”

Êsai 43:3

Yua kơ Inh Kră Yang 'Bok Kei-Dei iĕm, Tơ'ngla 'lơ̆ng rơgoh Isơrael, Tơ'ngla dŏng pơklaih iĕm. Inh ăn bơih dêh char Êyiptơ jing tơmam huai iŏk iĕm. Char Kus păng Sêba pơm tơmam huai tơplih kơ iĕm.

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Êsai 44:8

'Nĕ kơ hli 'nĕ kơ tơtơ̆ ôh, hăm trŏ kơ đơ̆ng sơ̆ Inh roi tơbăt kơ iĕm bơih. Lu iĕm pơm kơdranh gah Inh. 'Nguaih kơ Inh hăm đei Yang nai dơ̆ng ưh? Tơpă ưh kơ đei Tơmo tih nai dơ̆ng ôh, Inh băt ưh kơ đei bu!

Êsai 60:16

Ih gô mŏm đak toh lu dêh char păng lu pơtao thoi mĕ gô tơmŏm 'me rong Ih. Ih gô băt kơ Inh bơih Kră Yang Tơ'ngla dŏng pơklaih ih Tơ'ngla huai iŏk ih păng Tơ'ngla mơsêh pran kơtang adrĕch Jakôp.

Hôsia 1:7

Mă-lei Inh gô 'mêm mơnat kơ adrĕch Juđa; Inh Kră Yang 'Bok Kei-Dei lu sư gô dŏng pơklaih lu sư, Inh ưh kơ pơklaih lu sư hăm hră dah hăm đao gưm ôh; dah tơdrong tơblah, hăm aseh, dah hăm bơngai hao aseh ôh.

Hôsia 13:4

Inh boih Kră Yang 'Bok Kei-Dei lu iĕm dŏng iĕm lĕch đơ̆ng char Êyiptơ. Lăp minh Inh đĕch, iĕm 'nĕ kơ đei yang nai; 'nguaih kơ Inh ưh kơ đei yang kiơ nai mă gơh dŏng pơklaih iĕm!

Jôna 2:10

Kră Yang athei ka, na ka năm hăk lê̆ Jôna tơ jih đak dơsĭ.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Luka 1:47

jơhngơ̆m inh hiôk yua kơ 'Bok Kei-Dei pơklaih inh.

Luka 2:11

Măng 'nâu tơ pơlei Đawit, đe tơpŭ kơ minh 'nu 'Bok Dŏng Pơklaih, 'Bok Kră Yang, Krist.

Jang 4:12

Pă đei bu nai dơ̆ng gơh pơklaih bơ̆n đơ̆ng tơdrong yoch. 'Bok Kei-Dei ăn Kon pôm Sư Yêsu Krist đĕch wă pơklaih bơ̆n.”

Both 6:4

Ơ đĭ-đăng bơngai Isơrael mơ̆ng bĕ: Kră Yang 'Bok Kei-Dei bơ̆n, Kră Yang minh đĕch, ưh kơ đei 'bar.

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.

I Yo 4:14

Nhôn 'bôh tơpă tơdrong 'Bok Kei-Dei wơh Kon Sư jur tơ ala teh âu wă dŏng pơklaih đĭ-đăng kon bơngai, thoi noh na nhôn gơh roi kơ đe Kon Sư jur tơpă.

Ju 1:25

Thoi noh bĕ bơ̆n ư-ang kơ Sư, yua kơ pôm Sư đĕch Yang sĭt tơpă. Sư pơklaih bơ̆n đơ̆ng tơdrong phak, yua kơ Kră Yang bơ̆n Yêsu Krist lôch tang bơ̆n. 'Bok Kei-Dei boih mơsêh tăp pang mơyang tăp dăr, pơgơ̆r tôm tơdrong đơ̆ng blŭng-a sơ̆ khơ̆ dang ei, truh tơ ning-mônh ưh kơ layơ tôch. A-men.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”