Êsai 42:24 - Sơ̆p Hlabơar Nơ̆r 'Bok Kei-Dei

²⁴ Bu jao lê̆ Jakôp ăn đe plah iŏk, păng lê̆ lu bơngai Isơrael ăn kơ đe tơtông? Ưh kơ trŏ Kră Yang Tơ'ngla mă lu bơ̆n pơm yoch hăm Sư hă? Lu sư ưh kơ wă yak kiơ̆ trong Kră Yang păng ưh kơ wei răk khôi juăt Sư?

Êsai 42:24 ပူးပေါင်းရင်းမြစ်များ

II Ho 15:6

Dêh char 'nâu blah pơjuă dêh char nai, pơlei âu blah pơlei to yua kơ Kră Yang 'Bok Kei-Dei ăn đei lơ tơdrong gleh pơmat wă pơrŭng lu sư.

II Ho 36:17

Kră Yang 'Bok Kei-Dei ăn pơtao bơngai Babilôn, iŏk đao gưm pơlôch lu kon tơdăm lăm anih rơgoh lu sư, ưh pă 'mêm mơnat kơ bu, tơdăm dah adruh 'lơ̆p, kră mă pă kĕ. Kră Yang 'Bok Kei-Dei jao đĭ lu sư lăm ti pơtao Babilôn.a

Horiso 81:12

Thoi noh, Inh achăng lê̆ lu sư pơm kiơ̆ kơ jơhngơ̆m arăng kơ chu lu sư. Kiơ̆ kơ tơdrong lu sư chă đon kơdih.

Horiso 81:13

Ơ! Rŏ kơ lu kon pơlei Inh oei mơ̆ng Inh. Rŏ kơ Isơrael chu yak kiơ̆ trong Inh!

Êsai 30:15

'Nâu Kră Yang, Tơ'ngla 'Lơ̆ng Rơgoh đe Isơrael khan: “Lu iĕm gơh klaih đơ̆ng lu iĕm wơ̆t brŏk dơ̆ng păng pơdơh lăm Inh. Lu iĕm gô đei jơhngơ̆m pran, yua kơ lu iĕm oei hơđơ̆ng păng gơnang kơ Inh. Mă-lei lu iĕm ưh kơ wă kơ thoi noh.

Êsai 42:23

Bu lăm lu iĕm gô pơđêng đon mơ̆ng tơdrong 'nâu, bu kơchăm mơ̆ng đơ̆ng âu tơ anăp?

Êsai 45:7

Inh bơih Tơ'ngla pơm đei tơdrong hơdah păng pơjing tơdrong măng mu, pơm đei tơdrong hiôk-hian păng kư̆m ăn đei tơdrong pơrăm, Inh bơih Kră Yang Tơ'ngla pơm dôm tơdrong noh.

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Êsai 48:18

Ôi! Rŏ kơ iĕm mơ̆ng bơih tơdrong juăt Inh tơtă, Lei tơdrong hiôk-hian iĕm thoi đak krong. Tơdrong 'lơ̆ng tơpăt iĕm thoi đak dơsĭ poh-yă.

Êsai 57:17

Yua kơ yoch lu sư hưch ham chă lơi kơdih, na Inh hil mĭl păng teh sư. Lăm kơplah Inh blĕk, Inh ôn bơih muh măt Inh hil, mă-lei lu sư oei wih kiơ̆ trong lăm jơhngơ̆m sư kơdih.

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Je 44:10

Dĭng truh tơ năr 'nâu lu sư ưh kơ wă chu tơbral, ưh kơ hli yom, ưh kơ wă arih kiơ̆ khôi juăt păng tơdrong juăt Inh mă đei ăn boih kơ lu iĕm hăm lu 'bok yă lu iĕm.”

Je 5:15

Kră Yang khan: “Ơ adrĕch Isơrael, Inh gô ăn đei minh adrĕch adrung đơ̆ng dêh ataih năm blah iĕm, Adrĕch adrung pran kơtang oei tơ âu đunh boih. Lu iĕm ưh kơ băt ưh kơ hlôh nơ̆r lu sư. Kŭm ưh kơ hlôh lu sư pơma kiơ.

Nhom 1:14

'Long ăt tơdrong yoch Sư chô̆ ti inh. Sư dan đĭ hơchô̆ trăp dêh, Sư pơm ăn tơdrong pran kơtang inh hiong đĭ. Kră Yang jao lăm ti lu sư boih, na inh pă kĕ blah dơ̆ng.

Nhom 1:18

Kră Yang jơ̆ tơpăt, yua kơ inh đei pơjah boih hăm nơ̆r Sư. Apinh iĕm mơ̆ng, ơ đĭ-đăng kon pơlei, lăng bĕ tơdrong inh blĕk! Kon adruh păng kon tơdăm inh jing bơnă đe boih.

Da 1:2

Kră Yang 'Bok Kei-Dei jao Jêhôiakim, pơtao đe Juđa păng đei tơmam đơ̆ng hnam Kră Yang 'Bok Kei-Dei lăm ti Nebukatnessar. Sư anhăk ba tơmam noh brŏk tơ dêh Babilôn, tơmơ̆t lăm rông yang sư păng 'măn lê̆ tơ lăm hnam mong tơmam ăn kơ yang sư kơdih.

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

Mathiơ 22:7

Thoi noh na 'bok pơtao ơh tơpă, sư wơh lu linh sư năm pơlôch đĭ-đăng lu bơngai mă pơlôch lu bơngai jang kơ sư ei păng soh rông chhông hnam kon pơlei pơla lu sư.

Both 28:49

Kră Yang gô ba minh adrĕch adrung đơ̆ng ataih, đơ̆ng tôch kơ plei teh năm blah lu iĕm, thoi klang păr rôp sa kon sem; iĕm ưh kơ hlôh nơ̆r lu sư pơma ôh.

Both 32:30

Tơdah Kră Yang Tơmo Tih ưh kơ đei tĕch lu sư, kư̆m ưh kơ jao lu sư kơ lu bơngai ayăt, pơm liơ lăp minh 'nu đĕch gơh druh puh lê̆ minh-rơbâu 'Bar 'nu gơh druh mơjĭt-rơbâu 'nu kơdâu?

Lu 10:7

Kră Yang hil mĭl kơ lu bơngai Isơrael; na Kră Yang jao lu sư kơ lu bơngai Philistin păng lu bơngai Ammôn pơgơ̆r lu sư.

Lu 2:14

Kră Yang blĕk kơ bơngai Isơrael păng pơjao lu sư ăn kơ lu bơngai tơgar iŏk mŭk tơmam lu sư, na lu bơngai Isơrael ưh kơ gơh pơm kiơ kơ lu bơngai ayăt areh kơ lu sư.

Lu 3:8

Yua kơ thoi noh, Kră Yang hil blĕk kơ lu bơngai Isơrael, Kră Yang pơjao lu sư lăm ti Kusan Risathaim, pơtao teh đak Mesôpôtami. Kusan Risathaim pơgŏ pơđep kon pơlei Isơrael lăm tơhngam sơnăm.