Êsai 41:24 - Sơ̆p Hlabơar Nơ̆r 'Bok Kei-Dei

²⁴ Âu, lu iĕm ưh kơ rơ-a kiơ, tơdrong jang iĕm pơm kư̆m ưh kơ yua kiơ, bơngai mă rơih lu iĕm jơ̆ bơngai trŏ kơ areh krưp dêh tơpă.

Êsai 41:24 ပူးပေါင်းရင်းမြစ်များ

Horiso 115:8

Dôm lu bơngai pơm rup yang; păng gơnang kơ sư, Tă kơ lei-lăi thoi sư ngăl.

Tơdrông Pơđơk 28:9

Bơngai bu ưh kơ wă kuă pơgling đon mơ̆ng kiơ̆ khôi juăt. Nơ̆r krao apinh sư Kră Yang areh krưp.

Tơdrông Pơđơk 3:32

Yua kơ Kră Yang areh kơ bơngai hơlĕnh; Mă-lei pơm buăl juăt hăm bơngai tơpăt.

Êsai 37:19

Klơ̆m lê̆ rup yang lăm ŭnh. Noh ưh kơ yang tơpă ôh, noh đơ̆ng ti kon bơngai pơm păng 'long păng tơmo, na lu sư gơh pơrăm lu yang noh.

Êsai 41:29

Tơpă đĭ-đăng lu sư jơ̆ tơdrong kơ đei, tơdrong jang lu sư jing pă yua, rup lu sư man, dang kial 'biao pă đei.

Êsai 66:24

Wă lu sư lĕch năm 'bôh akâu lu bơngai mă ayăt hăm Inh lôch; yua kơ hrai sa lu sư ưh kơ đei layơ lôch, ŭnh sa lu sư kư̆m ưh kơ đei layơ păt, lu sư gô jing tơdrong krưp kơnê̆ pơm ăn kơ rim kon bơngai.”

Je 10:14

Đĭ-đăng bơngai jing kơtul kơwao păng ưh kơ hlôh tơdrong kiơ. Rim 'nu bơngai thơ̆ hling rup yang mơlâu yua kơ rup yang lu sư, yang lu sư hling noh chă hơlĕnh đĕch, ưh kơ gơh dui jơhngơ̆m.

Je 10:15

Lu rup yang ưh kơ đei yua kiơ, chă hơlĕnh đĕch, Truh năr sek tơlang kơnh gô pơrăm đĭ.

Je 10:5

Rup yang lu sư nhen thoi ngu hơtol kơ sem lăm pơgar pia mơkai; Ưh kơ gơh pơma; đe tung đĕch, yua kơ ưh kơ gơh nơnăm. 'Nĕ kơ hli kơ lu rup yang noh, yua kơ lu sư ưh kơ gơh pơrăm bơ̆n ôh, kư̆m ưh kơ gơh pơm 'lơ̆ng kơ bơ̆n mơ̆n.

Je 10:8

Lu sư jing kơtul kơwao ngăl; rup yang hăm 'long đe traih bơtho lu sư,

I Kor 8:4

Thoi noh na gah tơdrong sa tơmam đe sơmah kơ yang bơ̆n băt mơ̆n rup yang ưh kơ sĭ yang tơpă ôh. Mă tơpă bơ̆n băt kơ minh 'nu đĕch Kră Yang Tih Hloh.

Both 27:15

Hiap pơtê̆ bĕ kơ bơngai bu pơm rup yang, man dah hling, tơmam mă Kră Yang areh krưp dêh, tơdrong jang đơ̆ng tơpang ti kon bơngai, pơdơ̆ng kơkuh sư noh tơ anih hlơp! Đĭ-đăng kon pơlei gô khan: A-men!

Both 7:25

Iĕm athei soh pơđĭ lu rup yang lu sư. 'Nĕ kơ hưch ham, 'nĕ kơ iŏk kơdih hu dah maih đơ̆ng lăm lu sư man rup noh, kơnh hli kơ iĕm 'leh hơđong; yua kơ tơmam 'noh yua kơ tơmam noh Kră Yang 'Bok Kei-Dei areh dêh.

Both 7:26

'Nĕ kơ chĕp ba tơmơ̆t lăm hnam iĕm tơmam mă trŏ areh dêh noh, kơnh hli kơ iĕm wang dai lôch răm. Iĕm athei lăng areh krưp, yua kơ tơmam noh trŏ kơ wă pơrăm.

Tơdrông Tơ'bôh 17:5

Klĕng bơngai drŏ-kăn noh đe chih anăn sư, mă đe chih tơwer hrĕp. Đe chih thoi âu: “Pơlei Babilôn pơlei tih dêh mĕ kơ lu drŏ-kăn đi, tơ'bôh kơ đe tơdrong 'mê̆ jơ̆p kơ teh đak.”