Êsai 41:23 - Sơ̆p Hlabơar Nơ̆r 'Bok Kei-Dei

²³ Roi bĕ kơ lu nhôn dôm tơdrong gô truh đơ̆ng rŏng kơnh, wă kơ lu nhôn băt kơ lu iĕm jơ̆ lu yang, pơm tơ'bôh bĕ tơdrong 'lơ̆ng dah tơdrong kơnê̆ wă kơ lu nhôn chhưu jơhngơ̆m păng lăng 'bôh hlĭch hlăch.

Êsai 41:23 ပူးပေါင်းရင်းမြစ်များ

Êsai 19:12

Lu bơngai hơgei iĕm tơ yơ? Athei lu sư roi kơ ih băt Kră Yang Tih Hloh hơmet lê̆ bơih wă pơm kiơ kơ dêh Êyiptơ.

Êsai 42:9

'Nâu tơdrong adrol đei truh 'blep trŏ bơih, dang ei Inh roi ăn kơ iĕm tơdrong 'nao dơ̆ng; adrol kơ Sư wă truh, Inh roi ăn kơ iĕm băt adrol.

Êsai 43:9

Đĭ-đăng dêh char akŭm băl bĕ, rim lu adrĕch adrung kon bơngai akŭm hơdai bĕ! Lăm lu sư bu gơh roi hơdrol tơdrong âu păng roi pơdah ăn kơ lu bơ̆n băt dôm tơdrong truh đơ̆ng adrol sơ̆? Lu sư athei chông ba bơngai roi pơm kơdranh tơpăt wă kơ đe băt kơ lu sư tơpăt păng ăn kơ đe kơtơ̆ng na khan: Noh jơ̆ sĭt tơpă!

Êsai 45:21

Lê̆ lu sư năm pơđâu băl Ră roi bĕ, pơdah bĕ khan bĕ. Đơ̆ng chăl adrol sơ̆ bu ră roi pơdah tơdrong âu? Bu pơdah tơdrong âu đơ̆ng blŭng-a sơ̆? Hăm trŏ kơ Inh Kră Yang ưh? 'Nguaih kơ Inh ưh kơ đei 'Bok Kei-Dei nai ôh! Ưh kơ đei 'Bok Kei-Dei 'lơ̆ng tơpăt nai păng ưh kơ đei Kră Yang dŏng pơklaih nai yua kơ Inh bơih Kră Yang 'Bok Kei-Dei, ưh kơ đei yang nai dơ̆ng.

Êsai 45:3

Inh gô ăn kơ ih tơmam gĭt tah ôn lăm anih măng mu, Ăn kơ ih mŭk tơmam gĭt lăm anih hlơp, wă kơ ih băt kơ Inh bơih Kră Yang, 'Bok Kei-Dei đe Isơrael. Tơ'ngla krao ih hăm anăn ih.

Êsai 46:7

Lu sư tôi rup yang noh tơ hơngiĕng tung ba pơdơ̆ng 'bơ̆t anih sư, na yang noh dơ̆ng minh 'bôt 'bơ̆t doh, ưh kơ gơh weh tơ anih tơ nai. Tơdah đei bu krao khan: Yang noh ưh kơ gơh tơl tơwih păng ưh kơ gơh dŏng lu sư đơ̆ng tơdrong anat anot.

Je 10:5

Rup yang lu sư nhen thoi ngu hơtol kơ sem lăm pơgar pia mơkai; Ưh kơ gơh pơma; đe tung đĕch, yua kơ ưh kơ gơh nơnăm. 'Nĕ kơ hli kơ lu rup yang noh, yua kơ lu sư ưh kơ gơh pơrăm bơ̆n ôh, kư̆m ưh kơ gơh pơm 'lơ̆ng kơ bơ̆n mơ̆n.

Da 2:9

Mă-lei tơdah lu iĕm ưh kơ gơh tơblang tơdrong apo noh kơ inh, na kư̆m lăp minh tơdrong pơm ăn kơ lu iĕm; yua kơ lu iĕm đei pơđâu băl boih hăm tơdrong hơlĕnh păng pơma kư̆ kă kơ inh, chang hơmĕng gô đei năr tơplih. Thoi noh, tơbăt bĕ tơdrong apo noh, wă kơ inh băt iĕm gơh tơblang trŏ dah ưh.

Yo 13:19

Inh roi kơ iĕm tơdrong sư âu hơdrol kơ sư wă plơ̆ plĕch kơ Inh, wă kơ iĕm lui kơ Inh Kră Yang tơpă.

Jang 15:18

Kră Yang 'Bok Kei-Dei khan thoi noh, Sư pơm 'blep tơdrong noh mơ̆n. Sư tơbăt kơ đe tơdrong noh đơ̆ng blŭng-a sơ̆.’