Êsai 41:16 - Sơ̆p Hlabơar Nơ̆r 'Bok Kei-Dei

¹⁶ Lu iĕm gô um sư na gô tơthu pơđông lu sư, phŭt gô huơ̆r lu sư tơklah hiong đĭ, mă-lei gah lu iĕm gô chơt hiôk lăm Kră Yang gô ư-ang kơ Tơ'ngla 'Lơ̆ng Rơgoh Isơrael.

Êsai 41:16 ပူးပေါင်းရင်းမြစ်များ

Horiso 1:4

Lu bơngai kơnê̆ ưh kơ đei thoi noh; Lu sư thoi hơnong 'ba kial pơđông.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 17:13

Lu adrĕch adrung kon bơngai ôr krao jơwa sư năm tơblah dang đak poh-yă, mă-lei Kră Yang gô chrih hil kơ lu sư na lu sư gô kơdâu ataih, puh tơweh lê̆ lu sư thoi kial tơthu hơkam 'ba kơpal kông, thoi 'mui teh năr kial hơbŭt.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 28:5

Lăm năr noh kơnh Kră Yang Tih Hloh gô jing thoi hơgăl pơkao rang mơnhal, păng hơgăl pơkao 'lơ̆ng rŏ kơ lu kon pơlei Sư mă oei oei.

Êsai 29:19

Lu bơngai răm-'băm gô thim tơdrong chơt hiôk lăm Kră Yang, lu bơngai dơnuh hin gô 'nă hal lăm Tơ'ngla 'lơ̆ng rơgoh đe Isơrael.

Êsai 29:5

Mă-lei lu đe ayăt kơ ih lơlap nhen 'bruih 'mui teh rơpŭk, lu đe pơm kơnê̆ dêh gô nhen hơkam 'ba kial bơbơ̆t, tơdrong noh gô truh ngei ngei ưh kơ tam băt ôh.

Êsai 35:10

Lu bơngai mă Kră Yang huai iŏk bơih gô brŏk. Năm mơ̆t tơ pơlei Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, na tơdrong ơh sơ'ngon chhŭr nuih gô hiong đĭ.

Êsai 40:24

Lu sư thoi 'nao pơtăm, 'nao rei, 'long 'nao chăt rơh lăm teh, Kră Yang tơthu na sư jô kro; kial phŭt huơ̆r bơbơ̆t đĭ lu sư thoi hơkam 'ba.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Êsai 60:19

Măt 'năr ưh pă pơchrang hơdah kơ ih kiơ̆ kơ'năr. Tơdrong hơdah rang khei kư̆m ưh pă pơchrang kơ ih kiơ̆ kơmăng. Mă-lei Kră Yang jơ̆ tơdrong hơdah kơ ih ling-lang hlŏng hloi. Kră Yang 'Bok Kei-Dei ih noh tơdrong ư-ang ih.

Êsai 65:18

Mă-lei athei 'nă hal păng chơt hiôk ling-lang khŏm khŏm lăm tôm tơdrong kiơ Inh đei pơjing. Tơpă Inh đei pơjing pơlei Jêrusalem thoi tơm tơdrong hiôk chơt păng pơjing kon pơlei lăm pơlei noh thoi minh tơdrong hiôk chơt.

Je 15:7

Inh gô um pơliĕng lu sư hăm kial 'bơ̆t lu 'măng jang pơlei lăm teh âu, Inh gô săi lê̆ lu sư tơ jơ̆p kơ pơlei, Inh gô pơrăm lê̆ kon pơlei pơla Inh, yua kơ lu sư ưh kơ weh đơ̆ng trong yoch, na wih tơ Inh.

Je 51:2

Inh gô wơh lu bơngai tơmoi năm um hŭt Babilôn. Lu sư pơrăm char noh pơchah pơchek. Lu sư năm wang blah Babilôn dơ̆ng puăn pah, lăm năr pơmat-tat.

Je 51:20

Ih boih mut, tơmam Inh yua wă tơblah, Inh yua ih wă teh pơchah lu kon pơlei păng pơrăm đĭ dêh char.

Je 51:33

'Nâu Kră Yang Tih Hloh 'Bok Kei-Dei Isơrael khan: “Đĭ-đăng bơngai Babilôn thoi dơnih đe pơjuă 'ba, trŏ bơyan đe pơjuă 'ba; ưh pă đunh boih bơyan yuă 'ba wă truh kơ sư.

Da 2:35

Đang kơ noh lu maih, hu, kong bơsei păng lơ̆n kư̆m pơchah đĭ, jing thoi hla đuih hla đăm, thoi hơnong 'ba đông tơ anih pơjuă 'ba bơyan phang, tơ'bơ̆p kial dơhlu pơđông đĭ, chă lăng sư pă đei 'bôh dơ̆ng, mă-lei tơmo đêl hơtat kơ tơpang jơ̆ng noh jing minh pôm kông tih păng 'bĕnh tơ jơ̆p teh đak.

Hôsia 11:9

Inh pơgơ̆t jơhngơ̆m tơtŏ Inh, păng Inh ưh kơ wă pơlôch pơrăm boih Êphraim, Yua kơ Inh jơ̆ Kră Yang 'Bok Kei-Dei, ưh kơ trŏ kon bơngai ôh. Inh Tơ'ngla rơgoh 'lơ̆ng 'bơ̆t anăp lu iĕm, ưh kơ wă hil pơrăm lu iĕm ôh.

Jôel 2:23

Ơ lu kon pơlei Siôn, chơt hiôk bĕ 'nă hal bĕ lăm Kră Yang 'Bok Kei-Dei lu iĕm, yua kơ Sư ăn tơdrong tơpăt jur thoi 'mi jruh lăm bơyan, ăn 'mi hrôih lăm bơyan blŭng-a păng ăn 'mi klui lăm bơyan tuch-luch thoi adrol sơ̆.

Mi 5:8

Apinh ti Kră Yang iung blah lu bơngai ayăt kơ Ih păng dôm lu bơngai mă areh kơ Ih gô pơlôch đĭ?

Habakuk 3:18

Inh kư̆m oei chơt hiôk lăm Kră Yang; Chhôk hal Kră Yang 'Bok Kei-Dei Tơ'ngla Dŏng Pơklaih inh.

Mathiơ 3:12

'Bok ei sek tơlang kon bơngai thoi lĕ kơ Sư chĕp minh hlak kơđum wă um tŭk đĭ dôm lu 'ba bo. Na Sư iŏk lu 'ba liĕng wă tah lê̆ lăm kŭ 'ba Sư. Na dôm lu 'ba bo noh Sư wă soh tŭk đĭ tơ ŭnh mă ưh kơ layơ păt.”

Rom 5:11

Thoi noh na dang ei bơ̆n chơt hiôk hăm 'Bok Kei-Dei boih, yua kơ Yêsu pơm 'long sơlam kơ bơ̆n hăm 'Bok Kei-Dei; yua kơ Yêsu na bơ̆n gơh hiôk hăm 'Bok Kei-Dei.

Philip 3:3

Lu bơ̆n âu boih kiơ̆ kơ tơdrong 'Bok Kei-Dei pơkă tơpă. Mă-lei bơ̆n ưh kơ kăl kơ tơdrong kăt tơdra akar chă pơpơm kơdih păng ti thoi noh ôh. Bơ̆n kăl kơ Yang Bơhngol 'Lơ̆ng đĕch; bơ̆n athei gơnang kơ Sư wă kơ bơ̆n gơh kiơ̆ 'Bok Kei-Dei trŏ thoi Sư wă. Tơdrong kăt tơdra akar chă pơm kơdih păng ti đĕch na bơ̆n 'nĕ kơ kiơ̆ ôh hli kơ bơ̆n gơnang kơ tơdrong bơ̆n pơm kơdih, bơ̆n athei gơnang kơ Yêsu Krist đĕch.