Êsai 41:15 - Sơ̆p Hlabơar Nơ̆r 'Bok Kei-Dei

¹⁵ Âu, inh gô pơm kơ lu iĕm nhen thoi minh pôm tơmam preh 'ba 'nao hơnĕnh sư lơ păng han dêh, lu iĕm gô preh lu kông pơhĕch lê̆ lu Sư, lu groi jing thoi hơkam 'ba.

Êsai 41:15 ပူးပေါင်းရင်းမြစ်များ

Jop 41:30

Ala klak sư đei lu akar suĕng thoi ge pơchah. Mưh sư ah klak năm đei trong rek jrŭ lăm hlŭt nhen thoi trong kơđĭnh đe pơ̆ng kơpal tơ̆r rơmo đe dui kơpal anih đe preh 'ba.

Horiso 18:42

Inh teh pơrăm lu sư hĕch hoch thoi 'mui teh kial pơbăr pơđông. Inh tuh lê̆f lu sư thoi rơnŭk rok trong.

Êsai 17:13

Lu adrĕch adrung kon bơngai ôr krao jơwa sư năm tơblah dang đak poh-yă, mă-lei Kră Yang gô chrih hil kơ lu sư na lu sư gô kơdâu ataih, puh tơweh lê̆ lu sư thoi kial tơthu hơkam 'ba kơpal kông, thoi 'mui teh năr kial hơbŭt.

Êsai 21:10

Ơ kon pơlei inh, mă đe pơjuă pơđep, tơdrong mă inh đei kơtơ̆ng đơ̆ng Kră Yang Tih Hloh, 'Bok Kei-Dei Isơrael, na inh roi ăn kơ iĕm tơdrong noh.

Êsai 28:27

Đe ưh kơ yua mut wă teh pơhĕch găr hla ngo, kư̆m ưh kơ yua tang-wang gre aseh pơjuă găr rơngâu noh. Mă-lei đe preh găr hla ngo noh hăm 'long, păng rơngâu hăm 'long mơ̆n.

Êsai 29:5

Mă-lei lu đe ayăt kơ ih lơlap nhen 'bruih 'mui teh rơpŭk, lu đe pơm kơnê̆ dêh gô nhen hơkam 'ba kial bơbơ̆t, tơdrong noh gô truh ngei ngei ưh kơ tam băt ôh.

Êsai 42:15

Inh wă pơrăm lê̆ kông groi Inh pơm kơ lu 'nhĕt 'long jô kro, Inh gô pơm kơ glung krong jing teh hrĕng đak dơnâu gô hrơ̆.

Êsai 64:1

Ơ! Kuă kơ kiơ Kră Yang hek plĕnh na jur tơ teh, wă pơm kơ kông pơpơ̆ 'bơ̆t anăp Ih.

Je 51:20

Ih boih mut, tơmam Inh yua wă tơblah, Inh yua ih wă teh pơchah lu kon pơlei păng pơrăm đĭ dêh char.

Je 51:33

'Nâu Kră Yang Tih Hloh 'Bok Kei-Dei Isơrael khan: “Đĭ-đăng bơngai Babilôn thoi dơnih đe pơjuă 'ba, trŏ bơyan đe pơjuă 'ba; ưh pă đunh boih bơyan yuă 'ba wă truh kơ sư.

Je 9:10

“Inh gô nhơ̆m hmoi kơ kông, nhơ̆m hmoi kơ tơmăn 'nhĕt lăm char glă, đe pơrăm lê̆ lu sư boih: ‘Ô dĭng mah pă đei bơngai yak găn rok noh. Tơ noh kư̆m pă đei kơtơ̆ng lu kon rơmo hmoi, Mă lu sem păr kư̆m pă kơtơ̆ng asi, lu sem bri kư̆m kơdâu đĭ tơ nai.’

Êsêkiên 33:28

Inh gô pơm kơ char âu jing juơ tơtŭng pơchah pơchek, tơdrong pơang lu sư gô tôch; kông Isơrael jing juơ pă đei bu oei yak trong noh.

Da 2:35

Đang kơ noh lu maih, hu, kong bơsei păng lơ̆n kư̆m pơchah đĭ, jing thoi hla đuih hla đăm, thoi hơnong 'ba đông tơ anih pơjuă 'ba bơyan phang, tơ'bơ̆p kial dơhlu pơđông đĭ, chă lăng sư pă đei 'bôh dơ̆ng, mă-lei tơmo đêl hơtat kơ tơpang jơ̆ng noh jing minh pôm kông tih păng 'bĕnh tơ jơ̆p teh đak.

Mi 4:13

Thoi noh ơ kon drŏ-kăn Siôn, iung bĕ, pơjuă 'ba bĕ! Yua kơ Inh gô pơm ăn kơ hơke ih jing bơsei, kơchôp ih jing mam kong, ih gô pơjuă lơ kon pơlei,

Mi 5:8

Apinh ti Kră Yang iung blah lu bơngai ayăt kơ Ih păng dôm lu bơngai mă areh kơ Ih gô pơlôch đĭ?

Habakuk 3:12

Tơdrong hil Ih truh tơ teh, Păng hil mĭl oei pơjuă adrĕch adrung kon bơngai.

Sa 4:7

Ơ kông tih ih bu? 'Bơ̆t anăp Sôrôbabel ih gô jing teh dơhnă đe gô anhăk lê̆ tơmo mă kơpal hloh noh tơ nai, gô đei nơ̆r đe ôr krao thoi âu: ‘Apinh tơdrong mơnat, mơnat ăn kơ sư!’ ”

Jôsuê 17:18

mă-lei char gah kông noh jing teh lu iĕm mă khan bri kơdrơ̆ng, lu iĕm chong muih jang truh tơ jơ̆p-jang mă să ataih, yua kơ lu iĕm gơh puh tơweh lu kon pơlei Kanaan, mă khan lu sư đei gre aseh mam pran kơtang ră.

Lu 6:16

Kră Yang khan kơ sư: Inh gô oei hơdai ih, na ih gô blah kon pơlei Miđian jei ih thoi ih blah minh 'nu bơngai.