Êsai 40:7 - Sơ̆p Hlabơar Nơ̆r 'Bok Kei-Dei

⁷ 'Nhĕt kro, pơkao hơlŭng, mưh hơyuh Kră Yang tơthu. Tơpă kon bơngai thoi 'nhĕt 'nhot đĕch:

Êsai 40:7 ပူးပေါင်းရင်းမြစ်များ

Jop 14:2

Chăl arih kon bơngai thoi pơkao, pơgê tơlang kơsơ̆ jô kro, Sư hloh hlôi thoi ngôi, ưh kơ dơ̆ng.

Jop 4:9

Hơyuh kial dui jơhngơ̆m Kră Yang 'Bok Kei-Dei pơrăm lu sư. Tơdrong Kră Yang 'Bok Kei-Dei hil mĭl na lu sư hiong răm.

Jop 41:21

Hơyuh kial dui jơhngơ̆m sư sa ngar khơ̆ng, Pla ŭnh lĕch đơ̆ng 'bơ̆r sư,

Horiso 102:4

Jơhngơ̆m inh đe pơjuă, jô kro thoi 'nhĕt. Dĭng inh mah hiơt kơ sŏng sa.

Horiso 103:15

Chăl arih kon bơngai thoi 'nhĕt. Sư arih thoi pơkao tơ lăm mir

Horiso 103:16

Mưh kial tơthu tơ pơkao, sư hiong hloi, anih sư chăt ưh pă 'blŏk kơ sư boih.

Horiso 90:5

Ih pơm kơ lu sư hoch kiơ̆ đak lơ̆p ro. Thoi kơ tep lôch. Lu sư thoi hla 'nhĕt chăt hơdrih pơgê hrôih.

Horiso 90:6

Pơgê hrôih chăt bluh 'lơ̆ng. Kơsơ̆ sư jô kro.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 37:27

Lu kon pơlei, lăm pơlei noh đĭ hơwơ̆l hơwang rơdu bơih, hli tơrơ mơlâu, jing thoi 'nhĕt bri păng thoi 'nhĕt 'lơ̆p. Thoi 'nhĕt chăt kơpal bơbŭng hnam, tam mă bluh tơmơ̆ng đĭ jô kro.

Êsai 40:24

Lu sư thoi 'nao pơtăm, 'nao rei, 'long 'nao chăt rơh lăm teh, Kră Yang tơthu na sư jô kro; kial phŭt huơ̆r bơbơ̆t đĭ lu sư thoi hơkam 'ba.

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Hagai 1:9

‘Lu iĕm pơtăm lơ mă-lei đei iŏk tŏ sĕt lu iĕm chĕp ba tơ hnam, na Inh dơhlu tŏk tơ kơpal.’ Kră Yang Tih Hloh khan: ‘Noh yua kơ kiơ? Noh yua kơ đơ̆ng hnam Inh jing juơ rơhiăng na lu iĕm băt kơ pơm hnam iĕm kơdih.

Ya 1:10

Bơngai bu mơdrŏng jing dơnuh hin sư kư̆m hiôk bĕ, yua kơ tơdrong mơdrŏng sư ưh kơ kăl ôh. Lu bơngai mơdrŏng gô hiong hiach thoi pơkao 'long bri brah.

Ya 1:11

Pơkao 'long bri brah, mưh truh kơ 'năr tŏ dêh, hla sư jing jô, pơkao sư hơlŭng hơliĕng, lăng sư ưh pă 'lơ̆ng rŏ thoi 'năr rơngơp boih. Bơngai mơdrŏng kư̆m lei-lăi, sư hăt dêh kơ chă mŭk tơmam wă kơ mơdrŏng, mă sư gô lôch hiong hloi.