Êsai 40:4 - Sơ̆p Hlabơar Nơ̆r 'Bok Kei-Dei

⁴ Rim anih thŭng thong gô tŏk kơjung, Rim kông, rim groi gô tơjur tơ kơđeh, lu anih hơlôk hơlak gô pơm dơnă, lu anih kông krang, gô jing dơnă 'lơ̆ng.

Êsai 40:4 ပူးပေါင်းရင်းမြစ်များ

Tơdrông Pơđơk 2:15

Lu bơngai kiơ̆ trong đŏng đĕo, Đei trong hơlĕnh hơleo kơnê̆ krưp.

Êsai 40:3

Đei nơ̆r krao: “Pơih bĕ trong lăm bri glă ăn kơ Kră Yang; hơmet bĕ trong mă tơpăt lăm teh glă ăn kơ Kră Yang 'Bok Kei-Dei lu bơ̆n.

Êsai 40:5

Kơplah noh tơdrong ư-ang Kră Yang gô pơdah păng đĭ-đăng kon bơngai gô lăng 'bôh; yua kơ 'bơ̆r Kră Yang pơma bơih thoi noh.

Êsai 42:11

Ơ lu char glă hăm lu pơlei tih jreo tơkĕch bĕ, lu kon pơlei Kêdar oei kư̆m hiôk thoi noh mơ̆n; ơ kon pơlei Sêla hơri bĕ, krao ôr chơt hiôk bĕ dơ̆ng kơpal kông ti!

Êsai 45:2

Inh gô năm adrol kơ ih, Inh gô pơm kơ lu kông groi dơnă, teh pơchah lê̆ lu 'măng Jang kong, gơ̆ lê̆ chơkăl bơsei.

Êsai 49:11

Inh gô pơm ăn kơ kông Inh jing trong tơhnă, păng dôm trong tih Inh gô 'bŭ hơmet ming.

Êsai 62:10

Lĕch năm bĕ, rok trong 'măng dur hơmet bĕ trong ăn kơ kon pơlei Man hơmet bĕ, man ming bĕ trong tih. Bơ'nguơih bĕ tơdrong găn pơdơ̆ng bĕ hla-kơ ăn kơ lu kon pơlei Inh.

Êsêkiên 17:24

Đĭ-đăng lu 'long tơ bri brah gô băt kơ Inh boih Kră Yang, tơjur lê̆ 'long kơjung na hơtŏk lu 'long kơđeh, pơm kơ 'long hơdrih jing kro, 'long kro jing hơdrih 'lơ̆ng. Inh boih Kră Yang đei khan păng gô pơm tơdrong noh.’ ”

Êsêkiên 21:26

Kră Yang khan thoi âu: Yaih bĕ nhiêu đơ̆ng kơ̆l, plôh bĕ môk pơtao, tơdrong dang ei ưh pă thoi sơ̆ boih! Bơngai kơđeh hơtŏk bĕ tơ kơjung, bơngai kơjung tơjur bĕ tơ ala.

Sa 4:7

Ơ kông tih ih bu? 'Bơ̆t anăp Sôrôbabel ih gô jing teh dơhnă đe gô anhăk lê̆ tơmo mă kơpal hloh noh tơ nai, gô đei nơ̆r đe ôr krao thoi âu: ‘Apinh tơdrong mơnat, mơnat ăn kơ sư!’ ”

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Luka 3:5

Dah teh thŭng thong, bơ̆n choh 'bŭ mă mơnglei; kiơ̆ kông lôk bơ̆n athei choh waih wă kơ sư mơnglei dang ăi; kiơ̆ trong wing bơ̆n kư̆m hơmet ming mă tơpăt; kiơ̆ trong kơnê̆ sơgol sơgônh bơ̆n athei choh ming mă tơhnă.

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.