Êsai 40:31 - Sơ̆p Hlabơar Nơ̆r 'Bok Kei-Dei

³¹ Mă-lei bu chang gô Kră Yang sư gô đei jơhngơ̆m pran 'nao, sư gô păr kơjung thoi sem klang; kơdâu mă ưh kơ băt kơ lap, nơnăm mă ưh kơ gleh.

Êsai 40:31 ပူးပေါင်းရင်းမြစ်များ

Jop 17:9

Bơngai 'lơ̆ng tơpăt wei kơjăp trong sư kơdih, Bơngai đei tơpang ti rơgoh 'lơ̆ng rai pran kơtang.

Horiso 103:5

Sư ăn kơ hơlŏng ih hrăp jơnap. Hăm tơmam sa 'lơ̆ng, sơnăm hơmuh hơmŏng ih wih 'nao dơ̆ng thoi Klang.

Horiso 123:2

Thoi măt lu đĭch đam drŏ-nglo chang gô đơ̆ng ti yŏng tơ'ngla drŏ-nglo lu sư. Thoi măt lu đam drŏ-kăn lăng tơ ti yŏng tơ'ngla drŏ-kăn lu sư. Na măt lu bơ̆n kư̆m chang gô Kră Yang, 'Bok Kei-Dei thoi noh; Dĭng Sư mă mơnat kơ lu bơ̆n.

Horiso 138:3

Lăm năr inh krao apinh, Ih tơl tơwih, Ăn kơ jơhngơ̆m inh rai nuih pran kơtang.

Horiso 20:9

Ơ Kră Yang, tơgŭm bĕ 'Bok Pơtao! Apinh tơl tơwih ăn kơ lu nhôn, dah lu nhôn krao apinh.

Horiso 25:21

Ăn tơdrong 'lơ̆ng rơgoh păng tơdrong tơpăt wei-lăng inh, Yua kơ inh chang gô Ih.

Horiso 25:3

Tơpă, dôm lu bơngai gơnang kơ Ih. Ưh kơ đei mơlâu, Ăn bĕ kơ lu bơngai ưh kơ chu lui gô mơlâu.

Horiso 25:5

Apinh chông ba inh lăm trong tơpăt Ih păng bơtho tơ'bôh kơ inh, Yua kơ Ih boih Kră Yang 'Bok Kei-Dei dŏng pơklaih inh. Rim năr inh chang gô Ih.

Horiso 37:34

Chang gô bĕ Kră Yang păng wei kiơ̆ trong Sư, Sư gô hơtŏk ih wă kơ đei teh! Mưh lu kơnê̆ răm đĭ, Ih gô 'bôh tơdrong noh.

Horiso 40:1

Inh adrin chang gô Kră Yang. Sư pơgling đon mơ̆ng nơ̆r inh krao ôr.

Horiso 84:7

Lu sư yak năm tơ anăp lu sư rai pran kơtang dêh, Dĭng truh 'bơ̆t anăp Kră Yang 'Bok Kei-Dei tơ Siôn.

Horiso 84:8

Ơ Kră Yang 'Bok Kei-Dei Tih Hloh, apinh Ih mơ̆ng bĕ nơ̆r inh krao khan; Ơ Kră Yang 'Bok Kei-Dei Jakôp, pơgling đon Ih mơ̆ng inh. Sêla

Horiso 92:1

'Lơ̆ng dêh tơdrong kơkuh bơnê kơ Kră Yang, Păng hơri ư-ang kơ anăn Ih. Ơ Kră Yang Tih Hloh.

Horiso 92:13

Đe pơtăm lu sư lăm hnam Kră Yang. Wơ̆ tih tơ lăm cham Kră Yang 'Bok Kei-Dei lu bơ̆n.

Le 19:4

Lu iĕm 'bôh boih dôm tơdrong Inh pơm kơ bơngai Êyiptơ, Inh pôk glơng lu iĕm thoi kơpal pơnăr sem klang, wă chông lu iĕm tơ Inh.

Tơdrông Pơđơk 30:19

Noh trong sem klang păr tơ kơpal plĕnh. Trong 'bih hro rok tơmo, Đêl trong thŏng-nan rok lăm dơsĭ, Păng trong drŏ-nglo drŏ-kăn tơ'bơ̆p băl.

Hơri Hiôk 8:5

Bơngai noh bu mă 'nao brŏk đơ̆ng char glă? Oei gơning tơ bơngai sư hơyuh?

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 30:15

'Nâu Kră Yang, Tơ'ngla 'Lơ̆ng Rơgoh đe Isơrael khan: “Lu iĕm gơh klaih đơ̆ng lu iĕm wơ̆t brŏk dơ̆ng păng pơdơh lăm Inh. Lu iĕm gô đei jơhngơ̆m pran, yua kơ lu iĕm oei hơđơ̆ng păng gơnang kơ Inh. Mă-lei lu iĕm ưh kơ wă kơ thoi noh.

Êsai 30:18

Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Êsai 41:1

Ơ lu bŏl đak dơsĭ oei hreh bĕ 'bơ̆t anăp Inh, wă kơ lu teh đak iŏk jơhngơ̆m pran 'nao lê̆ lu sư năm jê̆ Inh na pơma: Bĕ lu bơ̆n akŭm hơdai wă sek tơlang!

Êsai 64:4

Đơ̆ng sơ̆ đe ưh tam mă băt, đon ưh tam mă kơtơ̆ng, măt ưh tam mă 'bôh Kră Yang nai 'nguaih kơ Sư. Tơ'ngla mă đei pơm ăn bơih kơ lu bơngai mă chang gô Sư noh.

Êsai 8:17

Inh gô gơnang kơ Kră Yang păng chang gô Sư, jơ̆ Kră Yang mă ôn muh măt Sư đơ̆ng adrĕch Jakôp.

Je 48:15

Môap đe gô năm pơrăm đĭ păng lu pơlei; lu bơngai tơdăm hơgei hloh đe gô pơlôch đĭ, 'Bok pơtao anăn Sư Kră Yang Tih Hloh khan.

Sa 10:12

Inh gô ăn kơ lu sư pran kơtang lăm Kră Yang păng Lu sư yak năm lăm anăn Kră Yang.” Kră Yang khan thoi noh.

Luka 18:1

Klaih kơ noh Yêsu pơma pơtih gia kơ lu sư thoi âu wă kơ lu sư băt kơ krao khan ling-lang huay kơ hăl:

Rom 8:25

Yua kơ tơdrong tam mă 'bôh na bơ̆n chang gô khŏm khŏm dĭng 'bôh.

II Kor 4:1

Nhôn jang tơdrong tih rŏ âu yua kơ 'Bok Kei-Dei mơnat đĕch. Thoi noh na nhôn wă jang ling-lang ưh kơ lê̆ ôh.

II Kor 4:16

Thoi noh nhôn wă jang ling-lang ưh kơ lê̆ ôh, mă khan sĕch akar nhôn rai hŏnh, mă-lei jơhngơ̆m nhôn lăm to dang lĕ kơ ming 'nao rim năr.

Galati 6:9

Mă-lei bơ̆n athei chu kơ Sư khŏm khŏm wă kơ bơ̆n gơh pơm đon 'lơ̆ng. Thoi noh dah bơ̆n huay kơ achăng lê̆ Sư na mưh trŏ kơ năr 'Bok Kei-Dei pơkă ning-mônh Sư gô ăn kơ bơ̆n tơdrong apah na bơ̆n oei hơdai hăm Sư ling-lang. Kư̆m thoi bơ̆n pơtăm găr, dah bơ̆n ưh kơ hŭt lê̆ tơdrong jang bơ̆n, lei trŏ bơyan plei, bơ̆n đei phĕ iŏk tơpă.

Both 32:11

Thoi sem klang tơdrŏ kơ tơpu Sư râu kon sư 'nao cheh, Păr bah kơ lu hơnar sư, bơlang pơnăr sư gram hơnar păng pŭ hơnar sư kơpal pơnăr.

Both 33:25

Lu 'long chơkăl tang 'măng jang pơm hăm bơsei mam păng kong, chăl arih ih sot dang yơ, jơhngơ̆m ih oei pran dang noh.

I Tes 1:10

Păng iĕm chang gô Kon Sư jur đơ̆ng plĕnh pă minh 'măng dơ̆ng. Yêsu boih Kon Sư; 'Bok Kei-Dei tơiung arih Sư đơ̆ng lôch. Yêsu boih dŏng pơklaih bơ̆n đơ̆ng tơdrong phak ning-mônh.

Hêbrơ 12:1

Bơ̆n 'bôh lơlap lơlang lu bơngai noh sơ̆, lu sư đei đon lui kơjăp tơpă, na lu bơ̆n athei adrin kiơ̆ thoi lu sư. Bơ̆n adrin thoi lu bơngai kơdâu pơjei băl. Thoi noh na lu bơ̆n athei tŭk lê̆ dôm tơdrong mă pơm kơ akâu bơ̆n trăp păng tôm kơ tơdrong yoch mă oei chô̆ pơkơ̆ng bơ̆n. Bơ̆n athei adrin kơdih kơdih kơdâu rok trong mă 'Bok Kei-Dei đêl pơkă kơ bơ̆n boih.

Hêbrơ 12:3

Iĕm athei pơwao kơ Yêsu, Sư iŏk dôm tơdrong lu bơngai yoch pơm kơnê̆ pơ'brơh kơ Sư; thoi noh na iĕm kư̆m lei-lăi 'nĕ kơ klai, 'nĕ kơ lao đon; athei adrin hăt hăi thoi Sư ling-lang.

Jôsuê 14:11

Inh kư̆m oei đei jơhngơ̆m pran thoi kơplah Môis wơh inh năm sơ̆, inh oei đei jơhngơ̆m pran năm tơblah, thoi kơplah noh sơ̆,

Tơdrông Tơ'bôh 12:14

Mă-lei 'Bok Kei-Dei ăn kơ bơngai drŏ-kăn ei minh blah ao pơnăr klang tih, wă kơ sư gơh păr jăk tơ anih kueng chơngue, tơ anih mă 'Bok Kei-Dei gô hiĕm 'me sư kơplah pêng sơnăm minh puăt. Na yă-grai ei sư tôch đon ưh kơ gơh pơm kiơ kơ sư.

Tơdrông Tơ'bôh 2:3

Inh băt mơ̆n iĕm đei tơdrong gleh truh yua kơ jang tơdrong Inh, iĕm oei adrin khŏm khŏm ưh kơ lê̆.

Tơdrông Tơ'bôh 4:7

Sem mă mônh hơbŏ sư thoi dăm-brang, sem mă 'bar hơbŏ sư thoi rơmo, mă pêng muh măt sư thoi bơngai, sem mă puăn hơbŏ sư thoi sem klang păr kơpal plĕnh.

Lu 16:28

Samsơn krao khan: Ơ Kră Yang Tih Hloh, apinh Ih 'blŏk kơ inh. Ơ Kră Yang 'Bok Kei-Dei, inh apinh Ih ăn kơ inh đei jơhngơ̆m pran pă minh 'măng wă kơ inh pơm tơwih 'mong plơ̆ kơ lu bơngai Philistin yua kơ 'bar pah măt inh.