Êsai 40:29 - Sơ̆p Hlabơar Nơ̆r 'Bok Kei-Dei

²⁹ Sư ăn jơhngơ̆m pran kơ lu bơngai gleh lap, thim ăn jơhngơ̆m pran kơ lu bơngai rơdu.

Êsai 40:29 ပူးပေါင်းရင်းမြစ်များ

Bl 49:24

Đơ̆ng ti Kră Yang mơsêh Jakôp, Thoi noh hră sư huay kơ pơpơ̆; Đơ̆ng Kră Yang wei-lăng triu brĕ, noh tơmo kŭk Isơrael. Na 'bar pah ti sư jing pran.

Ne 6:9

Yua kơ lu sư wă tơhli lu nhôn; inh păng đĭ-đăng nhôn hli; lu sư khan: Ti lu sư gô gleh lap, ưh pă gơh jang dơ̆ng, na dang ei hloi, ơ Kră Yang pơm bĕ kơ ti inh jing pran.

Horiso 29:11

Kră Yang gô ăn tơdrong kơtang kơ kon pơlei pơla Sư. Kră Yang gô ăn pŭn hiôk, rơnŭk rơnua kơ kon pơlei pơla sư.

Horiso 68:10

Ơ Kră Yang 'Bok Kei-Dei, khŭl kon pơlei Ih oei tơ noh. Yua kơ Ih đei jơhngơ̆m 'mêm mơnat. Ih hơmet boih tơmam kơ lu bơngai pơmat-tat.

Horiso 68:35

Ơ Kră Yang 'Bok Kei-Dei, Ih trŏ boih kơ nhôn hli kơkuh lăm anih 'lơ̆ng rơgoh. Ih Kră Yang 'Bok Kei-Dei ăn tơdrong pran păng mơsêh mơyang kơ kon pơlei Isơrael Ih. Kơkuh bơnê bĕ kơ Kră Yang 'Bok Kei-Dei!

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 50:4

Kră Yang ăn kơ inh hơpiĕt lu bơngai gơh bơtho tơ'bôh wă kơ inh băt yua nơ̆r pơma tơiung lu bơngai rơdu tơrăn. Kră Yang râu inh rim pơgê đơ̆ng hrôih tơ'blŏk ăn kơ đon inh wă mơ̆ng nơ̆r Sư bơtho nhen thoi bơngai đei hŏk pơhrăm.

Je 31:25

Inh gô ăn kơ lu bơngai gleh lap klaih rơhing păng lu bơngai pă kĕ sa phĭ mah.”

Sa 10:12

Inh gô ăn kơ lu sư pran kơtang lăm Kră Yang păng Lu sư yak năm lăm anăn Kră Yang.” Kră Yang khan thoi noh.

II Kor 4:16

Thoi noh nhôn wă jang ling-lang ưh kơ lê̆ ôh, mă khan sĕch akar nhôn rai hŏnh, mă-lei jơhngơ̆m nhôn lăm to dang lĕ kơ ming 'nao rim năr.

Both 33:25

Lu 'long chơkăl tang 'măng jang pơm hăm bơsei mam păng kong, chăl arih ih sot dang yơ, jơhngơ̆m ih oei pran dang noh.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

Kôlôsê 1:11

Na nhôn apinh tơdrong mơsêh mơyang 'Bok Kei-Dei ăn kơ iĕm jơhngơ̆m pran adrin kiơ̆ tôm tơdrong Sư, wă kơ iĕm huay kơ achăng lê̆ Sư, mă đe pơm pơmat kơ iĕm dang yơ, ăn kơ iĕm oei hiôk oei kơjăp lăm tơdrong lui khŏm khŏm.

Hêbrơ 11:34

Mă đe tah sư tơ lăm pla ŭnh tih, ŭnh huay kơ sa sư ôh. Đe wă koh pơlôch sư tơpă boih, mă-lei đei 'Bok Kei-Dei tơdŏng. Hơdrol lu sư tơrăn, đơ̆ng rŏng lu sư jing pran, blah pơpuh tŭk lu linh dêh đe mă ayăt kơ lu sư.

Lu 15:19

Kră Yang 'Bok Kei-Dei ăn tơmo hơđang tơ lăm tơring Lêhi, na đei đak lĕch ro hloi: Samsơn đang kơ sư nhă lăm jơhngơ̆m sư 'brưk đei jơhngơ̆m pran dơ̆ng. Yua kơ 'noh na đe krao anăn đak mơlĕch âu Ên Hakor, truh tơ dang ei đak mơlĕch 'noh tơ tơring Lêhi.

I Sam 2:4

Hră lu bơngai kơtang tơgơ̆ bơih, mă-lei lu bơngai tơrăn oei đei jơhngơ̆m pran kơtang.