Êsai 40:27 - Sơ̆p Hlabơar Nơ̆r 'Bok Kei-Dei

²⁷ Ơ adrĕch Jakôp lơliơ iĕm khan: Ơ bơngai Isơrael lơliơ iĕm pơma tơtok: “Trong inh đĭ ôn pĕng lê̆ bơih đơ̆ng Kră Yang; 'Bok Kei-Dei inh ưh pă gan lăng inh bơih?

Êsai 40:27 ပူးပေါင်းရင်းမြစ်များ

Jop 23:14

Yua kơ Sư gô pơm keh tơdrong kiơ, Sư wă pơm kơ inh. Lăm jơhngơ̆m Sư tơchĕng lơ tơdrong lei-lăi thoi noh.

Jop 27:2

Kră Yang 'Bok Kei-Dei arih pơm kơdranh kơ inh, Sư ưh kơ wă sek ăn kơ inh tơpăt Kră Yang Tih Hloh, pơm kơ chăl arih inh chhŭr nuih.

Jop 34:5

Yua kơ Jop đei khan: ‘Inh bơngai 'lơ̆ng tơpăt, Mă-lei Kră Yang 'Bok Kei-Dei ưh kơ jô̆ khan inh 'lơ̆ng tơpăt.

Êsai 25:1

Ơ Kră Yang Ih bơih Kră Yang 'Bok Kei-Dei inh! Inh ư-ang kơ Ih, inh bơnê pôk pơư kơ anăn Ih, Ih đei pơm boih tơdrong hlĭch, tơdrong Ih pơkă lê̆ đơ̆ng sơ̆, hăm tơdrong tơpăt sĭt.

Êsai 44:21

“Ơ Jakôp, 'blŏk bĕ lu tơdrong 'nâu yua kơ iĕm jơ̆ đam Inh. Ơ Isơrael Inh bơih pơjing iĕm, iĕm đam Inh Ơ Isơrael Inh ưh kơ hiơt kơ iĕm ôh.

Êsai 49:14

Mă-lei Siôn đei pơma khan: “Kră Yang achăng hŭt inh bơih; Kră Yang hiơt kơ inh bơih.”

Êsai 49:4

Mă-lei inh khan: “Inh jang gleh lap hŭt đĕch. Inh huach jơhngơ̆m ưh kơ yua păng tơdrong kơ đei. Mă-lei tơpă tơdrong tơpăt inh tơ lăm Kră Yang, tơdrong apah bơnê inh tơ lăm Kră Yang 'Bok Kei-Dei inh.”

Êsai 54:8

Lăm jơhngơ̆m Inh oei hil mĭl dêh. Inh ôn muh măt Inh ưh kơ đei lăng iĕm minh rơwưh minh bruh minh 'biơ̆. Mă-lei yua kơ jơhngơ̆m đon 'mêm mơnat tih ling-lang. Inh gô mơnat kơ iĕm.” Kră Yang, Tơ'ngla dŏng pơklaih iĕm khan thoi noh.

I Sam 27:1

Đawit tơchĕng lăm đon khan: Tơpă lăm minh năr ayơ kơnh, inh gô lôch kơ tơpang ti Sôl. Ưh kơ đei kiơ 'lơ̆ng hloh kơ inh năm kơdâu ôn lăm dêh Philistin, na Sôl huay pă chă inh lăm teh đak lu bơngai Isơrael dơ̆ng. Thoi noh na, inh gơh klĕch lĕch hlôi đơ̆ng tơpang ti sư.