Êsai 40:26 - Sơ̆p Hlabơar Nơ̆r 'Bok Kei-Dei

²⁶ Ngơk bĕ măt tơ kơpal plĕnh, na lăng bu pơjing bơih lu tơmam âu? Bu Tơ'ngla ba lu sơnglŏng đei dôm noh păng krao anăn rim kơ lu noh, yua kơ Sư pran tih dêh păng Sư mơsêh mơyang. Ưh kơ đei hơnglŏng kiơ ưh kơ đei.

Êsai 40:26 ပူးပေါင်းရင်းမြစ်များ

Bl 1:14

Kră Yang 'Bok Kei-Dei khan dơ̆ng thoi âu: “Athei đei lu măt pơchrang hơdah tơ tŏk-bŏk rơwơ̆ng ti. Wă kơ klah asong 'năr păng măng, wă tơdra băt kơ bơyan, đei năr hăm sơnăm.

Bl 1:16

Kră Yang 'Bok Kei-Dei pơjing kơ 'bar tŏ măt pơchrang hơdah tih; măt pơchrang hơdah mă tih hloh noh wă pơchrang gah kơ'năr, măt mă pơchrang mă iĕ 'biơ̆ noh wă pơchrang gah kơmăng; sư kư̆m pơjing kơ lu sơnglŏng mơ̆n.

Horiso 102:25

Blŭng-a sơ̆ Ih pơjing teh đak păng lu plĕnh đơ̆ng ti Ih pơjing.

Horiso 119:91

Kiơ̆ kơ nơ̆r tơtă Ih, dôm tơdrong oei kơjăp truh năr âu; Yua kơ đĭ-đăng đĭch đam Ih ngăl.

Horiso 121:1

Inh ngơk măt lăng tơ kơpal kông tơdrong tơgŭm dŏng inh truh đơ̆ng yơ?

Horiso 19:1

Lu hơtăl plĕnh ră roi tơdrong ư-ang Kră Yang 'Bok Kei-Dei, Tơ plĕnh ti tơ'bôh tơdrong jang đơ̆ng ti Sư pơm.

Horiso 66:3

Pơma bĕ hăm Kră Yang 'Bok Kei-Dei khan: “Dôm tơdrong jang Ih trŏ kơ hli yom tơpă! Đơ̆ng tơdrong mơsêh tih Ih; na dôm lu ayăt gô wih hli yom kơ Ih.

Êsai 34:16

Chă lăng bĕ lăm sơ̆p hla bơar Kră Yang păng đŏk: Lăm lu kon sem 'nâu ưh kơ đei minh pôm sem ayơ mă ưh kơ đei, kư̆m ưh kơ đei minh pôm sem ayơ mă ưh kơ tôm hơgrop, yua kơ đơ̆ng 'bơ̆r Kră Yang pơkă bơih păng Yang Bơhngol Sư đei akŭm bơih lu sư.

Êsai 42:5

Kră Yang Tơ'ngla pơjing lu plĕnh păng bơlang plĕnh, Sư Tơ'ngla lơ̆k bơlang bơih teh hăm dôm tơmam lĕch đơ̆ng noh. Tơ'ngla ăn kial dui jơhngơ̆m kơ kon bơngai păng ăn tơdrong arih lu bơngai yak năm kơpal teh. 'Nâu Kră Yang 'Bok Kei-Dei khan kơ đam Sư.

Êsai 44:24

Kră Yang, đei khan thoi âu: “Inh huai iŏk lu iĕm Inh pơjing lu iĕm đơ̆ng lăm klak. Inh bơih Kră Yang, Inh bơih Tơ'ngla pơm pơjing tôm tơmam. Minh 'nu Inh đĕch bơlang lu plĕnh, lơ̆k teh âu, ưh kơ đei bu 'nguaih kơ Inh.

Êsai 45:12

Inh bơih Tơ'ngla pơjing teh đak păng pơjing kon bơngai oei kơpal teh. Đơ̆ng ti Inh kơdih pơm, bơlang lu plĕnh păng pơjing lu sơnglŏng.

Êsai 45:7

Inh bơih Tơ'ngla pơm đei tơdrong hơdah păng pơjing tơdrong măng mu, pơm đei tơdrong hiôk-hian păng kư̆m ăn đei tơdrong pơrăm, Inh bơih Kră Yang Tơ'ngla pơm dôm tơdrong noh.

Êsai 48:12

Ơ adrĕch Jakôp, mơ̆ng bĕ nơ̆r Inh, ơ Isơrael kon pơlei mă Inh đei rơih. Inh bơih Tơ'ngla 'noh; Inh jơ̆ blŭng-a ala chă păng kư̆m tuch-luch ning-mônh.

Êsai 48:13

Ti inh pơjing bơih hơnă teh Ti gah 'ma Inh đei bơlang bơih plĕnh; Inh krao plĕnh teh lu sư iung hơdai hloi.

Êsai 51:6

Ngơk lăng bĕ tơ kơpal plĕnh păng kŭp lăng bĕ tơ ala teh; lu plĕnh đông hiong thoi 'nhui ŭnh, teh gô so hiah nhen thoi ao, lu kon pơlei oei arih kơpal teh gô lôch thoi roi, mă-lei tơdrong dŏng pơklaih Inh oei ling-lang. Tơdrong 'lơ̆ng tơpăt Inh ưh kơ đei layơ hiong tôch ôh.

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Both 4:19

Kơnh hli kơ lu iĕm pơm ngoi lăng tơ plĕnh 'bôh măt 'năr, măt khei, lu sơnglŏng dôm lu tơmam kơpal plĕnh, kơnh iĕm 'maih wă kơkuh kơ dôm lu tơmam noh păng drap kơkuh kơ lu sư. Mă Kră Yang 'Bok Kei-Dei asong ăn tơmam noh kơ kon bơngai oei ala teh âu.