Êsai 40:24 - Sơ̆p Hlabơar Nơ̆r 'Bok Kei-Dei

²⁴ Lu sư thoi 'nao pơtăm, 'nao rei, 'long 'nao chăt rơh lăm teh, Kră Yang tơthu na sư jô kro; kial phŭt huơ̆r bơbơ̆t đĭ lu sư thoi hơkam 'ba.

Êsai 40:24 ပူးပေါင်းရင်းမြစ်များ

II Sam 22:16

Đơ̆ng nơ̆r Kră Yang chrih hiap kơđĕl đak dơsĭ 'bôh tơ 'nguaih, bluh kial đơ̆ng trôm muh, hơnă teh 'bôh bang.

II Pot 10:11

Jêhu kư̆m pơlôch đĭ lu adrĕch Ahap mă oei oei lăm Pơlei Jêsreel, pơlôch hloi kuan tih, lu buăl juăt sư ngơ-ngei, păng lu 'bok soi tơm sư, ưh pă đei lê̆ minh 'nu bu hloi.

Jop 21:18

Lu sư thoi hơnong 'ba anăp kial hơbŭt thoi hơkam 'ba kial hơbŭt pơđông?

Jop 4:9

Hơyuh kial dui jơhngơ̆m Kră Yang 'Bok Kei-Dei pơrăm lu sư. Tơdrong Kră Yang 'Bok Kei-Dei hil mĭl na lu sư hiong răm.

Jop 8:17

Rơh sư chăt kuăr tăp kơ tơmo, chăt kơchâu lăm tơmo.

Horiso 58:9

Adrol kơ pla ŭnh truh tơ gŏ lu iĕm. Kră Yang 'Bok Kei-Dei ăn kial hơbŭt tih pơđông lê̆ hơpaih. Mă oei hơdrih dah ŭnh oei sa.

Horiso 83:13

Ơ Kră Yang 'Bok Kei-Dei inh! Pơm bĕ kơ lu sư thoi 'mui teh đông kơ phŭt huơ̆r. Thoi hơkam 'ba kial bơbơ̆t.

Tơdrông Pơđơk 1:27

Kơplah tơdrong hli krưp truh tơ lu iĕm thoi kial hơbŭt, păng tơdrong pơmat-tat truh tơ lu iĕm thoi kial phŭt, Tơdrong jĭ jăn pơmat-tat truh tơ lu iĕm.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 17:11

Mă khan ih pơtăm, ih wei jing 'lơ̆ng ră, kiơ̆ pơgê pơm kơ sư arih đei pơkao kiơ̆ pơgê. Mă-lei lăm năr pơmat-tat jĭ jăn ưh kơ gơh klaih mă đei phĕ plei ưh kơđei yua kiơ ôh!

Êsai 17:13

Lu adrĕch adrung kon bơngai ôr krao jơwa sư năm tơblah dang đak poh-yă, mă-lei Kră Yang gô chrih hil kơ lu sư na lu sư gô kơdâu ataih, puh tơweh lê̆ lu sư thoi kial tơthu hơkam 'ba kơpal kông, thoi 'mui teh năr kial hơbŭt.

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Êsai 37:7

'Nâu Inh gô ăn lăm đon sư, kơtơ̆ng tơdrong, đe roi na wih tơ dêh sư kơdih, tơ noh Inh gô pơm kơ sư lôch kơ đao gưm.

Êsai 40:7

'Nhĕt kro, pơkao hơlŭng, mưh hơyuh Kră Yang tơthu. Tơpă kon bơngai thoi 'nhĕt 'nhot đĕch:

Êsai 41:16

Lu iĕm gô um sư na gô tơthu pơđông lu sư, phŭt gô huơ̆r lu sư tơklah hiong đĭ, mă-lei gah lu iĕm gô chơt hiôk lăm Kră Yang gô ư-ang kơ Tơ'ngla 'Lơ̆ng Rơgoh Isơrael.

Êsai 41:2

Bu râu tơiung bơngai đơ̆ng gah hơlĕch? Kră Yang Krao sư năm bơ̆jang lăm tơdrong 'lơ̆ng tơpăt. Kră Yang jao đĭ teh đak ăn kơ sư, pơjuă lu pơtao tơ ala jơ̆ng sư, sư pơm kơ lu pơtao nhen 'bruih teh hăm đao gưm sư, jao lu pơtao hră sư pơm kơ lu sư thoi hơkam 'ba kial bơbơ̆t pơđông đĭ.

Je 22:30

Kră Yang khan: “Chih jô̆ bĕ bơngai 'nâu hơdai hăm lu bơngai ưh kơ đei hơ'lơ̆p, ưh kơ đei pŭn hiôk jơnap kơplah sư oei arih; Yua kơ lu kon sâu sư ưh kơ đei bu pŭn hiôk jơnap, gơh hơ-oei tơ tang-dŏ pơtao Đawit, păng gơh pơgơ̆r lăm adrĕch Juđa dơ̆ng!”

Je 23:19

To kial hơbŭt đơ̆ng Kră Yang lĕch boih, tơdrong Sư hil thoi phŭt huơ̆r, huơ̆r tơ kơpal kơ̆l lu bơngai pơm kơnê̆.

Hôsia 13:15

Mă khan Êphraim đei pơjing rai lơ hloh kơ lu 'nhŏng oh sư, mă-lei kial đơ̆ng gah hơlĕch gô truh, wă khan kial Kră Yang đơ̆ng char glă, gô truh pơhrĕng pơhrơ̆ lê̆ tu đak, păng pơhrơ̆ lê̆ kro lu sơlŭng đak sư, Lu bơngai ayăt gô blah tơgar iŏk lu tơmam gĭt đơ̆ng lăm hnam mong tơmam sư.

Hôsia 13:3

Thoi noh lu sư nhen thoi tŭk pơgê hrôih kư̆m thoi iĕ kơ đak ngom pơgê 'bônh kơ hrĕng, kư̆m thoi hơkam ba kial bơbơ̆t đơ̆ng anih juă 'ba, thoi 'nhui lĕch đơ̆ng 'măng-'mŏk.

Na 1:14

Kră Yang ăn boih tơdrong pơtă trŏ kơ ih, ih ưh pă đei kon hơ'lơ̆p wă pơtrơp iŏk anăn ih. Inh gô tơhiong pơrăm lê̆ lu rup yang iĕm man păng lu rup yang iĕm hling đơ̆ng lu hnam yang ih. Inh gô sir sơlŭng bơsat 'bŭ ih yua kơ ih yoch kơnê̆ dêh.

Hagai 1:9

‘Lu iĕm pơtăm lơ mă-lei đei iŏk tŏ sĕt lu iĕm chĕp ba tơ hnam, na Inh dơhlu tŏk tơ kơpal.’ Kră Yang Tih Hloh khan: ‘Noh yua kơ kiơ? Noh yua kơ đơ̆ng hnam Inh jing juơ rơhiăng na lu iĕm băt kơ pơm hnam iĕm kơdih.

Sa 7:14

Inh đei pơm ăn kơ lu sư tơklah tơklang thoi đei kial hơbŭt tih tơ jơ̆p-jang lăm teh đak mă lu sư tam mă biơh băt; na lăm teh đak jing juơ, đơ̆ng rŏng kơ lu sư noh, dĭng mah pă đei bu năm rok noh wih brŏk tơ noh; yua kơ lu sư pơm ăn kơ teh đak đơ̆ng chơt hiôk jing juơ juŏ.’ ”

Sa 9:14

Dang ei Kră Yang gô tơ'bôh kơ lu sư, 'brơ̆m sư prah thoi kơmlat; Kră Yang gô hlôm keng păng năm hơdai hăm kial hơbŭt gah gơal,