Êsai 40:22 - Sơ̆p Hlabơar Nơ̆r 'Bok Kei-Dei

²² Sư bơih oei kơpal gơwang teh đak âu; lu kon bơngai oei kơpal teh âu nhen thoi lep đĕch. Sư bơlang plĕnh nhen bơlang che; Sư dăng che noh thoi đe wă pơm bơsŭn oei.

Êsai 40:22 ပူးပေါင်းရင်းမြစ်များ

Bl 1:6

Kră Yang 'Bok Kei-Dei khan dơ̆ng thoi âu: “Athei đei anê̆ rơwơ̆ng wă kơ klah asong đak hăm đak.”

Jop 22:14

Hơmơ̆l găm gom jum dăr kơ Sư na Sư ưh kơ 'bôh; Păng Sư yak rok rŏng kơpal plĕnh.”

Jop 26:7

Kră Yang bơyar plĕnh tơ gah yă-nơ̆m tơ kơpal anê̆ rơwơ̆ng. Hơtol kơtuăl teh tơ kơpal rơwơ̆ng.

Jop 36:29

Hăm đei bu gơh hlôh hơmơ̆l bơlang bơyar. Re jơwa grơ̆m đơ̆ng anih Sư oei?

Jop 37:18

Ih hăm gơh lơ̆k bơlang plĕnh tơgŭm hơdai Kră Yang 'Bok Kei-Dei, arăng thoi kơmĭl đe hling?

Jop 9:8

Minh 'nu Sư đĕch bơlang plĕnh Păng dơ̆ng juă kơpal đak dơsĭ poh-yă.

Horiso 104:2

Kră Yang gom Sư kơdih hăm tơdrong hơdah, Nhen thoi minh blah ao tai Sư bơyar plĕnh thoi bơyar bơsŭn.

Horiso 18:11

Sư pơm măng mu klơ̆p tăp dăr kơ Sư, Sư iŏk hơmơ̆l găm 'mi hơ'bơ̆l gueo gom tăp kơ Sư.

Horiso 19:4

Mă-lei nơ̆r lu sư pơma truh jơ̆p-jang kơ teh đak, Păng nơ̆r lu sư kơtơ̆ng truh tôch teh đak.b Tơ plĕnh Kră Yang pơm hnam bơsŭn ăn kơ măt 'năr boih;

Horiso 2:4

Kră Yang đơ̆ng plĕnh gô hiĕk, Kră Yang gô pơjăm lu sư.

Horiso 29:10

Kră Yang oei tơ kơpal đak lơ̆p, Kră Yang pơm pơtao ling-lang ưh kơ layơ tôch

Horiso 68:33

Noh jơ̆ Kră Yang mă hao kơpal lu plĕnh, lu plĕnh so sơ̆. To Sư tơlĕch nơ̆r, nơ̆r Sư pơma mơsêh re jơwa dêh.

Tơdrông Pơđơk 8:27

Kơplah Kră Yang pơjing kơ plĕnh, păng gơwang kơ đak dơsĭ jrŭ, đei inh tơ noh.

Êsai 19:1

Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Êsai 37:16

Ơ Kră Yang Tih Hloh, 'Bok Kei-Dei đe Isơrael, Tơ'ngla hơ-oei tŏk-bŏk chêrubim, lăp minh Ih đĕch jơ̆ Kră Yang 'Bok Kei-Dei mă pơgơ̆r rim teh đak; Ih bơih pơjing plĕnh păng teh.

Êsai 40:15

Tơpă đĭ-đăng kon bơngai nhen thoi minh tơdjoh đak lăm kơthao păng lăng nhen thoi 'bruih iĕ huŏng kơpal 'long kŏng, Sư gô chĕp đĭ bŏl lăm đak dơsĭ nhen thoi minh găr 'bruih iĕ.

Êsai 40:17

Đĭ-đăng dêh char 'bơ̆t anăp Kră Yang dang lĕ hoh-hoy, Sư lăng lu noh dang lĕ tam mă đei, păng ưh kơ đei kiơ.

Êsai 42:4

Sư ưh kơ gleh lap, ưh kơ bơ̆l hăl ôh, dĭng truh kơ pơjing tơdrong tơpăt hơnơ̆ng tơ teh đak âu, lu bŏl đak dơsĭ chang gô hơmĕng kơ khôi juăt sư.

Êsai 42:5

Kră Yang Tơ'ngla pơjing lu plĕnh păng bơlang plĕnh, Sư Tơ'ngla lơ̆k bơlang bơih teh hăm dôm tơmam lĕch đơ̆ng noh. Tơ'ngla ăn kial dui jơhngơ̆m kơ kon bơngai păng ăn tơdrong arih lu bơngai yak năm kơpal teh. 'Nâu Kră Yang 'Bok Kei-Dei khan kơ đam Sư.

Êsai 44:24

Kră Yang, đei khan thoi âu: “Inh huai iŏk lu iĕm Inh pơjing lu iĕm đơ̆ng lăm klak. Inh bơih Kră Yang, Inh bơih Tơ'ngla pơm pơjing tôm tơmam. Minh 'nu Inh đĕch bơlang lu plĕnh, lơ̆k teh âu, ưh kơ đei bu 'nguaih kơ Inh.

Êsai 51:13

Iĕm hiơt bơih kơ Kră Yang Tơ'ngla pơjing lu iĕm, Sư bơih bơyar lu tăl plĕnh. Pơjing hơnă teh. Mă-lei rim năr iĕm hrăn hli tơtey ling-lang. Kơ lu bơngai pơjuă pơđep kơplah sư hil wă pơlôch iĕm? Mă-lei dang ei tơdrong lu bơngai hil blĕk pơjuă noh tơ yơ?

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?

Je 10:12

Mă-lei Kră Yang boih pơjing teh âu hăm tơdrong mơsêh mơyang Sư; Sư tơiung pơdơ̆ng hăm tơdrong hơgei Sư, bơyar boih plĕnh hăm tơdrong hlôh wao Sư.

Sa 12:1

Pŭ iŏk trăp nơ̆r Kră Yang pơma kơ pơlei Jêrusalem. Kră Yang Tơ'ngla pơjing kơ plĕnh păng teh păng ăn tơdrong arih tơ lăm kon bơngai bơ̆n, đei khan thoi âu:

Jo 13:33

Lu nhôn 'bôh lu sư tih kơjung, noh lu kon sâu Anak, adrĕch bơngai nuih pran kơtang; lu nhôn lăng bơ̆n kơdih rŏ thoi lep 'ba, lu sư lăng lu nhôn kư̆m thoi noh mơ̆n.