Êsai 40:15 - Sơ̆p Hlabơar Nơ̆r 'Bok Kei-Dei

¹⁵ Tơpă đĭ-đăng kon bơngai nhen thoi minh tơdjoh đak lăm kơthao păng lăng nhen thoi 'bruih iĕ huŏng kơpal 'long kŏng, Sư gô chĕp đĭ bŏl lăm đak dơsĭ nhen thoi minh găr 'bruih iĕ.

Êsai 40:15 ပူးပေါင်းရင်းမြစ်များ

Bl 10:5

Noh boih kon sâu Japhet, kiơ̆ adrĕch adrung, kiơ̆ kơ nơ̆r pơma, dêh char păng pơlei pơla sư. Đơ̆ng lu sư na đei kon bơngai oei jơ̆p kơ bŏl lăm đak dơsĭ păng tơter jih dơsĭ.

Horiso 62:10

'Nĕ gơnang kơ kĕ pơjuă đe. 'Nĕ gơnang hơmĕng kơ tơtông klĕ, Mă đei mŭk tơmam lơ, 'nĕ kơ hơđơ̆ng kơ noh.

Horiso 62:9

Sĭt tơpă, bơngai đe ưh kơ gĭt thoi kial dui jơhngơ̆m. Bơngai đe gĭt 'biơ̆ kư̆m tơdrong kơ đei. Atŏk tơ kơpal kĭ lu sư phiơl. Đĭ lu sư hơiơch hloh kơ hơyuh kial dui jơhngơ̆m.

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 17:13

Lu adrĕch adrung kon bơngai ôr krao jơwa sư năm tơblah dang đak poh-yă, mă-lei Kră Yang gô chrih hil kơ lu sư na lu sư gô kơdâu ataih, puh tơweh lê̆ lu sư thoi kial tơthu hơkam 'ba kơpal kông, thoi 'mui teh năr kial hơbŭt.

Êsai 2:22

'Nĕ gơnang kơ kon bơngai; mă dui jơhngơ̆m hăm trôm muh, lu sư ưh kơ yua kiơ?

Êsai 29:5

Mă-lei lu đe ayăt kơ ih lơlap nhen 'bruih 'mui teh rơpŭk, lu đe pơm kơnê̆ dêh gô nhen hơkam 'ba kial bơbơ̆t, tơdrong noh gô truh ngei ngei ưh kơ tam băt ôh.

Êsai 40:22

Sư bơih oei kơpal gơwang teh đak âu; lu kon bơngai oei kơpal teh âu nhen thoi lep đĕch. Sư bơlang plĕnh nhen bơlang che; Sư dăng che noh thoi đe wă pơm bơsŭn oei.

Êsai 41:5

Lu bŏl đak dơsĭ 'bôh păng hli tơrơ, tôch kơ teh đak tơtơ̆ đĭ. Lu sư năm păng năm jê̆.

Êsai 59:18

Kră Yang pơm tơwih kiơ̆ kơ tơdrong jang lu sư pơm. Kră Yang hil mĭl kơ lu bơngai blah Sư, pơm 'mong kơ lu bơngai ayăt kơ Sư. Sư gô pơm tơwih kơ lu bơngai oei tơ bŏl đak dơsĭ.

Êsai 66:19

Inh gô dan minh tơdrong tơdra tơ lăm lu sư; lu bơngai mă lăm lu sư oei arih đơ̆ng tơdrong truh pơmat na inh gô wơh lu sư năm truh tơ jơ̆p-jang teh đak, wă khan truh tơ Tarsis, lu bơngai Phun, Lut, lu kon pơlei gơh hơgei kơ prah hră, lu bơngai Tubal păng Jawan, truh tơ lăm lu bŏl đak dơsĭ ataih, lu anih ưh tam mă kơtơ̆ng anăn Inh păng ưh tam mă 'bôh tơdrong ư-ang Inh, lu sư gô bơtho tơdrong ư-ang Inh tơ jơ̆p kơ teh đak.”

Je 10:10

Mă-lei Kră Yang jơ̆ 'Bok Kei-Dei sĭt; Sư jơ̆ Kră Yang 'Bok Kei-Dei arih; Pơtao ling-lang. Mưh Sư hil teh đak pơpơ̆; đĭ-đăng dêh char ưh kơ kĕ pŭ iŏk ôh dôm tơdrong Sư hil mĭl.”

Da 11:18

Đơ̆ng noh lu sư weh drong tơ lu bŏl đak păng blah iŏk đei lơ anih. Mă-lei gô đei minh 'nu pơtao găn lê̆ tơdrong sư chă pơrăm đe noh păng pơm ăn kơ tơdrong noh tuh plơ̆ kơ lu sư.

Da 4:32

Đe gô tơweh lê̆ ih đơ̆ng kon bơngai, ih gô oei hơdai lu sem brem; kư̆m sa 'nhĕt thoi rơmo, dĭng truh tơpơh sơnăm, dĭng mă ih 'blŏk băt thoi âu: Kră Yang 'Bok Kei-Dei Tih hloh pơgơ̆r teh đak kon bơngai păng Sư wă ăn kơ bu mơ̆ng kơ Sư wă.

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

Jêphania 2:11

Kră Yang gô tơ'bôh kơ lu sư hli krưp tơpă; yua kơ Sư gô pơlôch lu yang kơpal teh âu hăm tơdrong pơngot rơwĕt na rim 'nu bơngai lăm teh đak gô kơkuh kơ Kră Yang, lăm dêh char sư kơdih. Mă đĭ-đăng kơ bŏl đak păng dêh lei-lăi.