Êsai 4:4 - Sơ̆p Hlabơar Nơ̆r 'Bok Kei-Dei

⁴ Kră Yang gô ôp hơrao tơdrong pơm 'mê̆-'mach lu bơngai lăm Siôn, sek tơlang chhut rơgoh đĭ pham lăm pơlei Jêrusalem hăm Tơdrong Mơsêh Sư.

Êsai 4:4 ပူးပေါင်းရင်းမြစ်များ

Horiso 51:2

Apinh Ih ôp rơgoh đĭ dôm tơdrong kơnê̆ inh, Păng ăn kơ inh 'lơ̆ng rơgoh đơ̆ng yoch.

Hơri Hiôk 3:11

Ơ lu adruh Siôn, năm lăng bĕ Pơtao Sôlômôn, Yơ̆l môk pơtao đêl mĕ sư pơyơ̆l kơ sư lăm năr pơkong kơ sư sơ̆, lăm năr mă jơhngơ̆m sư chơt hiôk.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Êsai 1:25

Inh gô yơ̆r ti pơm tơwih, inh gô pơgoh lê̆ 'bruih 'brăm đơ̆ng ih, păng iŏk hŭt lu rơ̆m rĕk ih.

Êsai 1:31

Bơngai pran jing thoi kơđoh 'long kro, tơdrong jang sư thoi lĕ pla ŭnh, đĭ kơ bre sư ŭnh gô sa pơđĭ, ưh kơ đei bu kĕ pĭt.

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

Êsai 28:6

Sư bơih ăn kơ lu bơngai sek tơlang đei yŏng tơpăt păng ăn jơhngơ̆m nuih pran kơ lu bơngai wă blah tơweh lu ayăt đơ̆ng 'măng jang.

Êsai 9:19

Lu sư tơgar iŏk sa gah 'ma mă-lei oei pơngot, lu sư iŏk sa gah 'ngiĕo mă-lei ưh kơ phĭ, đĭ-đăng lu sư sa kon sâu kơdih.

Êsai 9:5

Đei tơpŭ ăn kơ lu bơ̆n minh 'nu kon nge, ăn kơ bơ̆n minh 'nu kon drŏ-nglo, tơdrong pơgơ̆r tơ kơpal hơngiĕng Sư, đe gô krao Sư Kră Yang pơlung tơgŭm Kră Yang 'Bok Kei-Dei Mơsêh Mơyang, 'Bă Arih Ling-Lang Kră Yang kon Pơtao Hiôk-Hian.

Je 9:6

Ih oei lăm tơdrong hơlĕnh pơdăr. Đơ̆ng tơdrong hơlĕnh pơdăr noh na lu sư sơngah kuă kơ băt kơ Inh,” Kră Yang khan.

Nhom 1:9

Hơbĕn ao lu sư mơgrĭ; sư ưh pă đei tơchĕng boih năr tôch wă truh kơ sư! Tơdrong rơdu sư phara, ưh pă đei bu pơlung sư! Ơ Kră Yang apinh Ih lăng tơdrong pơmat-tat inh, yua kơ lu ayăt pôk pơang lu sư kơdih pơm tih.

Êsêkiên 22:15

Inh gô pơm kơ iĕm tơklah tơklang jơ̆p kơ teh đak păng Inh gô săi tơraih iĕm tơ jơ̆p lăm khŭl adrĕch adrung nai păng Inh gô pơgoh lê̆ tơdrong 'mê̆-'mach đơ̆ng iĕm.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Êsêkiên 36:29

Inh gô dŏng pơklaih lu iĕm đơ̆ng tơdrong kơnê̆ 'mê̆-'mach; Inh gô ăn kơ 'ba mi jing 'lơ̆ng kơchar rai lơ păng ưh pă ăn kơ lu iĕm pơngot rơwĕt.

Jôel 3:21

Inh gô iung kơting pham lu sư mă Inh ưh tam mă iung kơting; yua kơ Kră Yang oei lăm kông Siôn.

Jêphania 3:1

Răm-'băm tơpă kơ pơlei 'maih tơblah păng pơlei 'mê̆-'mach, pơm tơdrong kơnê̆ pơjăm pơjuă đe.

Sa 13:1

Lăm năr noh Inh gô pơchoh ăn minh pôm đak glung kơ hnam Đawit păng lu kon pơlei oei lăm Jêrusalem, yua kơ wă ôp tơdrong yoch kơnê̆ 'mê̆ brư̆.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Mathiơ 23:37

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.