Êsai 38:10 - Sơ̆p Hlabơar Nơ̆r 'Bok Kei-Dei

¹⁰ Inh khan “'Nao minh puăt chăl arih inh. Na inh năm 'măng jang dêh atâu boih, dôm lu khei sơnăm inh oei arih pă đei boih.

Êsai 38:10 ပူးပေါင်းရင်းမြစ်များ

Jop 6:11

“Inh đei jơhngơ̆m pran đơ̆ng yơ mă kĕ chang gô. Chăl arih inh tôch liơ ning-mônh, na inh mah adrin?

Jop 7:7

Apinh Kră Yang 'Bok Kei-Dei 'blŏk chăl arih inh thoi minh hơyuh kial dui jơhngơ̆m; Măt inh ưh pă đei 'bôh tơdrong pŭn hiôk bơih.

Horiso 102:24

Inh khan: “Ơ Kră Yang 'Bok Kei-Dei inh! 'Nĕ kơ iŏk lê̆ inh tŏk-bŏk oei hơmuh hơmŏng. Lu sơnăm Ih oei oei ling-lang.”

Horiso 102:25

Blŭng-a sơ̆ Ih pơjing teh đak păng lu plĕnh đơ̆ng ti Ih pơjing.

Horiso 107:18

Lu sư lăng areh dêh kơ lu tơmam sa. Lu sư năm tơ jê̆ 'măng jang tơdrong lôch.

Horiso 31:23

Ơ lu bơngai 'lơ̆ng rơgoh Kră Yang, 'mêm bĕ kơ Sư. Kră Yang wei-lăng lu bơngai tơnen tơnăp. Mă-lei pơm 'mong tơpă kơ lu đe bu mă oei sa pơang.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Êsai 38:1

Kơplah noh pơtao Hesekia jĭ dêh wă jê̆ lôch; Êsai 'bok khan lê̆ adrol kon drŏ-nglo Amôt năm mơ̆t roi kơ pơtao păng khan: “Kră Yang khan thoi âu: Hơmet bĕ dôm tơdrong jang ih lăm hnam ih, yua kơ ih wă lôch, ưh pă arih bơih.”

Êsai 38:9

Âu jơ̆ nơ̆r Hesekia pơtao Juđa chih kơplah sư klaih đơ̆ng jĭ.

Jôna 2:6

Inh jur truh tơ tôch jơ̆ng kông lăm đak dơsĭ, teh sư chơkăl găn lê̆ inh ling-lang. Ơ Kră Yang inh, mă-lei Ih hơtŏk boih tơdrong arih inh klaih đơ̆ng sơlŭng jrŭ.

II Kor 1:9

Nhôn tơchĕng gah lôch đĕch, mă-lei pơm huay huăi. Nhôn băt kơ tơdrong noh truh wă kơ nhôn huay kơ sơđơ̆ng kơ akâu kơdih, wă kơ nhôn gơnang kơ 'Bok Kei-Dei đĕch, yua kơ pôm Sư đĕch gơh tơiung arih kon bơngai.