Êsai 37:36 - Sơ̆p Hlabơar Nơ̆r 'Bok Kei-Dei

³⁶ Kơplah noh, linh jang 'lơ̆ng đơ̆ng Kră Yang năm mơ̆t tơ lăm kơđông lu linh Asiri păng pơlôch minh-hrĕng tơhngam-jĭt pơđăm-rơbâu 'nu, pơgê hrôih năr đơ̆ng rŏng đe hơđơ̆r iung 'bôh bơngai lôch hnơ̆k hnăk.

Êsai 37:36 ပူးပေါင်းရင်းမြစ်များ

II Sam 24:16

Linh jang 'lơ̆ng chro ti sư tơ gah pơlei Jêrusalem wă pơrăm lê̆ pơlei, mă-lei Kră Yang ưh pă wă pơmat lu sư dơ̆ng, na Sư khan kơ linh jang 'lơ̆ng mă oei pơrăm kon pơlei pơla: “Tôm boih! Dui ti ih brŏk bĕ!” Kơplah noh linh jang 'lơ̆ng Kră Yang oei 'bơ̆t dơnih pơjuă 'ba, Arauna, bơngai Jêbus.

II Pot 19:35

Lăm măng noh, đei minh 'nu linh jang 'lơ̆ng Kră Yang năm tơ anih kơđông Asiri păng pơlôch minh-hrĕng tơhngam-jĭt pơđăm-rơbâu 'nu bơngai tơ noh. Đe iung đơ̆ng hrôih, lăng 'bôh khŭl linh ei lôch glơch glach bơih.

I Ho 21:12

Pêng sơnăm pơngot rơwĕt dah pêng khei đei lu ayăt blah pơrăm đĭ, dah pêng năr đei đao gưm Kră Yang phak, đei tơdrong jĭ lôch hơbuh lăm char ih, linh jang 'lơ̆ng đơ̆ng Kră Yang pơrăm jơ̆p-jang dêh char Isơrael. Dang ei ih rơih iŏk ayơ wă kơ inh wih roi kơ Tơ'ngla mă wơh inh năm.

I Ho 21:16

Đawit lăng 'bôh linh jang 'lơ̆ng Kră Yang dơ̆ng tŏk-bŏk teh hăm plĕnh. Ti sư chĕp đao yơ̆r tơ gah pơlei Jêrusalem. Kơplah noh Đawit hăm kră pơlei hrŭk 'bi sơtơ̆p kŭl-tăng kŭp muh măt tơ teh.

Jop 24:24

Lu sư arih đei đe pơyom lăp minh bruh đĕch. Lu sư lôch hiong dong. Lu sư gô jô kro ruh hơlŭng thoi 'nhĕt Thoi hơie 'ba đe yuă lê̆ đơ̆ng tơm.

Jop 34:20

Ưh kơ tam băt tŏk-bŏk măng, lu sư lôch hloi. Lu sư pơpơ̆ na lôch. Lu bơngai yŏng pơgơ̆r kư̆m lôch, ưh kơ đei đơ̆ng ti kon bơngai ôh.

Le 12:23

Kơplah Kră Yang gô năm wă pơlôch bơngai Êyiptơ; mưh sư 'bôh pham tơ jrăng găn kơpơ̆ng 'măng păng 'bar pah jrăng dơ̆ng 'măng, Kră Yang gô năm yoh hloi; ưh kơ ăn linh jang mơ̆t pơlôch lăm hnam lu iĕm.

Le 12:30

Pharaôn iung kơplah oei măng, hăm lu bơngai jang kơ sư păng đĭ-đăng bơngai Êyiptơ, đei nơ̆r nhơ̆m hmoi rơông rơang lăm dêh Êyiptơ, yua ưh kơ đei minh pôm hnam ayơ mă ưh kơ đei bơngai lôch.

Êsai 10:12

Mă-lei mưh Kră Yang pơkeh tơdrong jang Sư kơ kông Siôn păng pơlei Jêrusalem, Sư gô phak pơtao Asiri, yua kơ jơhngơ̆m sư pơang păng măt sư lăng pơrŏ.

Êsai 10:25

Ưh pă đunh bơih tơdrong Inh hil kơ iĕm gô đĭ na. Tơdrong Inh mĭl gô plơ̆ tơwih pơrăm lu sư.”

Êsai 10:26

Kră Yang Tih Hloh gô chĕp sơnguĕt teh lu sư. Thoi Sư đei pơm kơ kon pơlei Midian 'bơ̆t tơmo Ôrep; păng Sư kư̆m yơ̆r 'long jra tơ kơpal đak dơsĭ, thoi Sư đei pơm tơ Êyiptơ sơ̆.

Êsai 27:7

Kră Yang 'Bok Kei-Dei hăm teh lu sư thoi Kră Yang đei teh bơih lu bơngai teh lu sư ưh? Đah hăm pơlôch lu sư, thoi bơngai mă pơlôch lu sư ưh?

Êsai 29:5

Mă-lei lu đe ayăt kơ ih lơlap nhen 'bruih 'mui teh rơpŭk, lu đe pơm kơnê̆ dêh gô nhen hơkam 'ba kial bơbơ̆t, tơdrong noh gô truh ngei ngei ưh kơ tam băt ôh.

Êsai 31:8

“Asiri gô pơ̆k răm kơ đao gưm, ưh kơ trŏ kơ đao kon bơngai ôh kư̆m ưh kơ đao gưm đơ̆ng bơngai bu wă pơlôch sư. Lu sư gô kơdâu ôn đơ̆ng đao gưm noh păng lu kon tơdăm lu sư gô jing đĭch jang pơmat.

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Mi 5:6

Gah lu bơngai khŭl Jakôp mă oei oei gô oei tŏk-bŏk lăm adrĕch adrung thoi tŭk kiơ̆ pơgê jur đơ̆ng Kră Yang thoi 'mi hngach tuh kơpal 'nhĕt ưh kơ gô đơ̆ng kon bơngai păng kư̆m ưh kơ chang hơmĕng đơ̆ng kon bơngai.

Na 1:12

Kră Yang khan thoi âu: Mă khan lu sư pran kơtang dêh păng kơdrâ̆m lơ kư̆m gô pơrăm pơtôch lê̆ đĭ ưh pă đei kiơ. Mă khan Inh đei pơmat lu iĕm dang ei na ning-mônh ưh kơ đei pơmat iĕm dơ̆ng boih.

Na 3:3

Lu linh hao aseh drong tơ anăp; đao rang chơchêr chơchar, hơlă tơju tơjrê tơjra. Đei lơ bơngai lôch, akâu bơngai lôch hơdrom băl hơlôk thoi pôi, akâu bơngai lôch kĕt keng. Đei lơ bơngai pơ̆k hơtat kơpal akâu bơngai lôch.

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.