Êsai 37:35 - Sơ̆p Hlabơar Nơ̆r 'Bok Kei-Dei

³⁵ Inh gô dŏng tơgŭm pơlei tih âu păng dŏng pơklaih sư, yua kơ Inh khan boih păng yua kơ Inh pơkă boih hăm Đawit đĭch đam Inh.

Êsai 37:35 ပူးပေါင်းရင်းမြစ်များ

I Pot 11:36

Inh gô ăn minh adrĕch adrung kơ kon drŏ-nglo sư wă kơ Đawit đĭch đam Inh oei đei minh pôm ŭnh kơđeng ling-lang 'bơ̆t anăp Inh, lăm pơlei Jêrusalem, pơlei mă Inh rơih iŏk wă 'măn Anăn Inh lăm noh.

I Pot 15:4

Mă-lei yua kơ Đawit, na Kră Yang 'Bok Kei-Dei ăn kơ sư minh pôm ŭnh kơđeng lăm pơlei Jêrusalem, ăn kơ kon drŏ-nglo sư pơgơ̆r pơtrơp sư, pơm ăn kơ pơlei Jêrusalem oei kơjăp,

II Pot 20:6

Inh gô ăn thim kơ ih arih pă mơjĭt-pơđăm sơnăm dơ̆ng, Inh gô pơklaih ih păng pơklaih pơlei 'nâu đơ̆ng tơpang ti pơtao đe Asiri, yua kơ Inh hăm Đawit, bơngai mă đĭch đam Inh, na Inh gô dŏng pơlei 'nâu.”

I Ho 17:19

Yua kơ đĭch đam ih boih, Ơ Kră Yang, kiơ̆ thoi Ih wă, Ih đei pơm boih tơdrong tih âu ăn kơ inh băt đĭ-đăng tơdrong pơkă tih âu.

Êsai 31:5

Nhen thoi sem păr tơ kơpal bơwei kon sư thoi yơ, kư̆m lei-lăi thoi noh mơ̆n Kră Yang Tih Hloh gô bơwei Jêrusalem, Sư gô wei-lăng păng dŏng pơklaih, Sư gô găn lê̆ păng pơklaih lu sư.”

Êsai 38:6

Inh gô dŏng pơklaih ih păng pơlei âu đơ̆ng ti pơtao Asiri păng Inh gô bơwei pơlei âu.

Êsai 43:25

Noh, Inh kơdih 'mơ̆i sŭt lê̆ tơdrong iĕm pơm yoch păng Inh ưh pă 'blŏk dơ̆ng tơdrong yoch iĕm.

Je 30:9

Mă-lei lu sư gô chu yom kơ Kră Yang 'Bok Kei-Dei lu sư, păng Đawit pơtao lu sư, Inh gô atŏk ăn.”

Êsêkiên 20:9

Mă-lei yua kơ anăn Inh, wă kơ anăn noh đe huay pơm pơ'mê̆ 'bơ̆t anăp lu kon pơlei nai tơ anih mă lu sư oei. 'Bơ̆t anăp lu kon pơlei noh Inh đei tơbăt boih lu bơngai Isơrael. Inh gô chông ba lu sư lĕch đơ̆ng char Êyiptơ.

Êsêkiên 36:22

Thoi noh khan bĕ kơ adrĕch Isơrael: “Kră Yang khan thoi âu: Ơ adrĕch Isơrael, noh ưh kơ sĭ yua kơ lu iĕm mă Inh wă pơm noh, mă-lei yua kơ anăn 'lơ̆ng rơgoh Inh mă lu iĕm hlôi pơm pơ'mê̆ bơih tơ lăm lu dêh char mă lu iĕm năm truh.

Sa 9:15

Kră Yang Tih Hloh gô tơgŭm dŏng lu sư, lu sư gô pơrăm hăm jei kơplah klơ̆m tơmo, lu sư gô huch suai ôr tơjrông tơjrang đơ̆ng sik hơmu pơm kơ lu sư, lu sư phĭ hrăp thoi pơnhan thoi đe hling tơ lu mum jơ̆ng gơ'bang soi.

Êphêsô 1:14

Dang ei yua kơ bơ̆n đei Yang Bơhngol 'Lơ̆ng Sư, na bơ̆n băt kơ ning-mônh bơ̆n gô đei tôm tơdrong đêl Sư pơkă khan wă ăn kơ bơ̆n, na bơnê kơ Sư tơpă.

Êphêsô 1:6

Sư wă kơ bơ̆n bơnê kơ Sư 'mêm kơ bơ̆n tơpă, Kon pôm kơdih mă ăn lôch thoi noh.

Both 32:27

Mă-lei hli kơ lu bơngai ayăt noh pơjăm, Păng lu bơngai ayăt hlôh hơwơ̆l khan: Đơ̆ng tơpang ti lu nhôn mă đei jơnei tih Kră Yang ưh kơ pơm kiơ lăm tơdrong noh!