Êsai 37:29 - Sơ̆p Hlabơar Nơ̆r 'Bok Kei-Dei

²⁹ Yua kơ tơdrong ih hil iung wă blah Inh, nơ̆r ih pơma tơan kơnê̆ kơtơ̆ng truh tơ đon Inh bơih, na Inh iŏk gŏp tôt lăm muh ih păng iŏk dam pơhơ̆p 'bơ̆r ih, pơm kơ ih brŏk kiơ̆ đêl trong ih năm.

Êsai 37:29 ပူးပေါင်းရင်းမြစ်များ

Jop 41:2

Ih hăm gơh tôt muh sư hăm tơlei ưh, dah tôt kang sư hăm gơwŏk mam?

Horiso 32:9

'Nĕ kơ thoi aseh păng aseh iĕ, ưh kơ đei đon tơchĕng, Iŏk bĕ dam pơhơ̆p, tơlei pơhơ̆p 'nao na gơh pơhơ̆p 'bơ̆r lu sư. Tơdah ưh, lu sư ưh kơ năm jê̆ Ih.

Horiso 46:6

Kon pơlei rŭng răng, dêh char noh pơpơ̆ ying-yông. Kră Yang 'Bok Kei-Deic sơkat, teh gô lek đĭ.

Horiso 74:23

'Nĕ hiơt kơ nơ̆r lu ayăt kơ Ih Nơ̆r ôr tơkĕch tơjrông tơjrang pă pơdơh blah Ih

Horiso 74:4

Lu ayăt kơ Ih mă ôr tơkĕch boih tơ lăm anih 'lơ̆ng rơgoh Ih. Lu sư pơdơ̆ng boih hla-kơ wă pơm tơdra jei sư.

Horiso 83:2

Yua kơ to, lu ayăt kơ Ih iung boih, Păng lu bơngai hil areh kơ Ih ngơk kơ̆l boih.

Êsai 10:12

Mă-lei mưh Kră Yang pơkeh tơdrong jang Sư kơ kông Siôn păng pơlei Jêrusalem, Sư gô phak pơtao Asiri, yua kơ jơhngơ̆m sư pơang păng măt sư lăng pơrŏ.

Êsai 30:28

Hơyuh Sư dui jơhngơ̆m thoi glung lơ̆p blai truh tơ ako, Sư wă um pơliĕng rim teh đak hăm tơdrong pơrăm păng sư yua dam pơhơ̆p tơ kon pơlei păng ba lu sư năm trong jrok.

Êsai 36:10

Hloh kơ noh dơ̆ng, ưh kơ trŏ đơ̆ng Kră Yang athei inh tŏk blah dêh âu păng wă pơlôch pơrăm sư hă? Kră Yang 'mơ̆i athei inh năm blah dêh âu păng athei pơrăm pơlôch đĭ sư.”

Êsai 36:4

Rapsaka khan kơ lu sư: “Akhan bĕ kơ pơtao Hesekia, pơtao tih, pơtao char Asiri thoi âu: Lĕch đơ̆ng yơ, mă lu iĕm gơnang noh?

Êsai 37:10

Lu iĕm roi bĕ kơ Hesekia pơtao Juđa khan: 'Nĕ ăn ôh Kră Yang 'Bok Kei-Dei mă ih gơnang hơlĕnh kơ ih, khan: Pơlei Jêrusalem gô ưh kơ đei jao lăm ti pơtao dêh Asiri.

Êsai 37:34

Sư gô wơ̆t brŏk kiơ̆ trong đêl sư năm, sư ưh kơ mơ̆t tơ pơlei âu ôh, Kră Yang khan.

Êsai 37:7

'Nâu Inh gô ăn lăm đon sư, kơtơ̆ng tơdrong, đe roi na wih tơ dêh sư kơdih, tơ noh Inh gô pơm kơ sư lôch kơ đao gưm.

Êsêkiên 29:4

Inh gô wŏk kang ih păng ăn lu ka đơ̆ng lăm đak glung ih gô đom tơwŏk tơ kơchap ih. Inh gô dui hơđuh ih păng đĭ-đăng lu ka đơ̆ng lu đak glung mă đom tơwŏk tơ kơchap ih hơtŏk tơ kông.

Êsêkiên 35:13

Nơ̆r ih pơma pơang blah Inh; păng rai thim nơ̆r blah inh, Inh kơtơ̆ng boih!

Êsêkiên 38:4

Inh gô pơm kơ ih wih dơ̆ng tah gơwŏk mam, 'bơ̆t kang ih, dui ba ih, hơdai hăm đĭ-đăng lu linh ih, aseh păng đĭ-đăng lu bơngai hao seh, đĭ-đăng lu sư tă kơ hrŭk ao mam minh khŭl linh lơ chĕp khêl tih iĕ păng đĭ-đăng chĕp đao ngăl.

Am 4:2

Kră Yang mă 'lơ̆ng rơgoh sư pơkă pơsĭt boih khan: 'Nâu, lu năr wă truh kơ lu iĕm, đe gô wŏk lê̆ lu iĕm, truh tơ kon pơlei iĕm mă oei klaih đe gô wah iŏk.

Mathiơ 27:24

Pilat pă kĕ pơjah pơjăng thoi yơ boih, yua kơ 'bơ̆r kon pơlei pơla re rai dêh, na Pilat sŏ đak ôp ti sư kơdih 'bơ̆t anăp đe tơpôl păng khan: “Inh ưh kơ wă pơlôch ôh bơngai âu, iĕm đĕch wă pơlôch.”

Jang 22:22

Lu bơngai Juđê chu mơ̆ng Pôl pơma kơ lu sư tôch 'bơ̆t Yêsu wơh sư năm bơtho pơlei tơmoi. Lu sư kơtơ̆ng tơdrong noh na lu sư ơh, pơma re khan: “Pơlôch Pôl bĕ. Sư bơngai kơnê̆, ưh kơ trŏ ăn kơ sư arih ôh.”

Jang 9:4

Sư huŏng hơtat hloi đơ̆ng kơdŭ aseh. Na Sôl sư kơtơ̆ng nơ̆r pơma kơ sư khan thoi âu: “Ơ Sôl, Inh pơm kiơ kơ ih, na ih pơm kơnê̆ kơ Inh?”