Êsai 37:26 - Sơ̆p Hlabơar Nơ̆r 'Bok Kei-Dei

²⁶ Ih ưh tam kơtơ̆ng ôh hă, Inh wă pơm tơdrong noh đơ̆ng sơ̆ đunh bơih? Inh đei pơkă bơih đơ̆ng chăl sơ̆ dang ei Inh ăn tơdrong noh truh jing, noh wă kơ ih pơrăm lu pơlei tih kơjăp pơm kơ lu pơlei tih jing anih pơchah hĕch hoch đĭ.

Êsai 37:26 ပူးပေါင်းရင်းမြစ်များ

Bl 50:20

Đĭ lu 'nhŏng wă pơrăm inh ră, mă-lei Kră Yang 'Bok Kei-Dei pơm kơ inh đei yua, wă kơ dŏng pơklaih lơ bơngai, thoi noh dôm tơdrong mă đei truh dang ei păng oei wă wei rong tơdrong arih lơlang lơlap kon pơlei.

Horiso 17:13

Ơ Kră Yang, iung bĕ răp tơpơ̆k tơhuŏng lê̆ lu sư; Iŏk đao gưm han Ih dŏng pơklaih bơhngol inh klaih đơ̆ng lu bơngai kơnê̆.

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

Êsai 10:15

Hăm trŏ kơ sung tưk sư kơdih hloh kơ tơ'ngla chĕp sư? Dah hơnuă pơrŏ ot plơ̆ kơ bơngai chĕp sư? Dah thoi sơnguĕt hiŏng bơngai chĕp sư? Dah thoi 'long jra tưk ti bơngai chĕp Sư.

Êsai 17:1

Nơ̆r Khan lê̆ adrol kơ pơlei Đamas: “Mơ̆ng bĕ Pơlei Đamas, ưh pă jô̆ jing pơlei tih dơ̆ng, mă-lei gô jing tơmam pơchah rơ̆m rĕk.

Êsai 22:11

Lu iĕm pơm sơlŭng dơnâu plah sơlam dur pơlei wă mong iŏk đak đơ̆ng đak dơnâu so. Mă-lei iĕm ưh kơ gơnang ôh kơ Tơ'ngla pơm tơdrong noh, iĕm kư̆m ưh kơ lăng ôh tơ Tơ'ngla hơmet lê̆ wă pơm tơdrong noh đơ̆ng sơ̆.

Êsai 40:21

Lu iĕm ưh kơ băt hă? Lu iĕm ưh tam kơtơ̆ng hă? Đe ưh tam mă bơtho khan ăn kơ iĕm đơ̆ng blŭng-a sơ̆ dah kiơ? Lu iĕm ưh tam hlôh hă đơ̆ng năr pơjing hơnă teh âu.

Êsai 40:28

Lơliơ iĕm ưh kơ băt hă? Ưh tam kơtơ̆ng hă? Kră Yang arih ling-lang Sư bơih, Tơ'ngla pơjing plĕnh teh, ưh kơ gleh lap ôh; păng tơdrong hlôh băt Sư ưh kơ đei bu gơh hlôh.

Êsai 45:7

Inh bơih Tơ'ngla pơm đei tơdrong hơdah păng pơjing tơdrong măng mu, pơm đei tơdrong hiôk-hian păng kư̆m ăn đei tơdrong pơrăm, Inh bơih Kră Yang Tơ'ngla pơm dôm tơdrong noh.

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

Jang 2:23

Đe rôp Sư kiơ̆ thoi 'Bok Kei-Dei pơkă lê̆ hơdrol. Lu iĕm pơlôch Sư. Lu iĕm athei lu bơngai pơm kơnê̆ pơ̆ng pơlôch Sư tơ 'long pơglang.

I Pet 2:8

Tơ lăm sơ̆p hla bơar 'Bok Kei-Dei kư̆m khan thoi âu dơ̆ng: “Kon bơngai gô kơtơih pơ̆k kơ tơmo noh.” Lu bơngai mă kơtơih pơ̆k noh yua kơ lu sư kuă kơ lui kơ nơ̆r 'Bok Kei-Dei pơma, na 'Bok Kei-Dei ăn kơ lu sư kơtơih pơ̆k.

Ju 1:4

Lu bơngai mă wă pơhlŭ pơlung iĕm noh, lu sư pơm thoi bơngai lui. Lu sư mơ̆t akŭm hơdai iĕm, pơm chur oei tơ tŏk-bŏk lu iĕm. Lu bơngai thoi noh 'Bok Kei-Dei khan wă phak đơ̆ng sơ̆ 'mơ̆i. Lu sư bơngai kơnê̆ tơpă, lu sư khan kơlih kơ 'Bok Kei-Dei mơnat kơ tơdrong yoch bơ̆n, na bơ̆n pơm yoch kiơ kư̆m bưh, pơm tơdrong kơnê̆ kư̆ kă kư̆m bưh. Yŏng Tơ'ngla bơ̆n Yêsu Krist, mă lu sư kư̆m ưh kơ lui yom mơ̆n.