Êsai 37:22 - Sơ̆p Hlabơar Nơ̆r 'Bok Kei-Dei

²² 'Nâu nơ̆r Kră Yang đei khan gah sư: Lu adruh hle pơlei Siôn Sư pơdê ih, pơjăm ih, kon drŏ-kăn pơlei Jêrusalem tơtreh kơ̆l gah rŏng ih!

Êsai 37:22 ပူးပေါင်းရင်းမြစ်များ

II Pot 19:21

'Nâu bơih nơ̆r Kră Yang khan kơ sư: “Adruh hle pơlei Siôn hiĕk pơjăm ih, gah rŏng ih Adruh Hơlai Jêrusalem tơtreh kơ̆l,

Jop 16:4

Tơdah iĕm đei tơdrong gleh truh thoi inh. Inh kư̆m gơh pơma thoi iĕm mơ̆n; trŏ kơ inh kư̆m gơh pơma hil plơ̆ kơ iĕm păng tơtreh kơ̆l kơ iĕm.

Horiso 31:18

Pơm bĕ kơ 'bơ̆r lu bơngai hơlĕnh kơmlo. Lu nơ̆r pơang, lu sư pơma pơjăm lu bơngai tơpăt.

Horiso 9:14

Tơ 'măng jang kon hơdruh Siôn. Inh ră roi đĭ dôm tơdrong 'mêm bơnê kơ Ih, Păng gô chơt hiôk lăm tơdrong Ih dŏng pơklaih

Êsai 1:8

Adruh Siôn ưh pă đei bu oei tơ noh, thoi đe tŭk lê̆ pơk mir hơmu, thoi pơk mir mơkai, thoi pơlei đe wang.

Êsai 10:32

Năr 'nâu bơih lu sư dơ̆ng 'bơ̆t pơlei Nôp, Sư hiŏng ti Sư blah hăm lu kon pơlei Siôn, tơ kông groi pơlei Jêrusalem.

Êsai 23:12

Sư khan: “Ơ kon adruh 'nao iung pơlei Siđôn mă đe tơrôp bơih, ih ưh pă đei chơt hiôk dơ̆ng bơih, iung bĕ ih yak năm tơ dêh Kitim, tơ noh ih kư̆m ưh kơ đei pơdơh hiôk ôh!

Êsai 47:1

Ơ kon adruh hơlai Babilôn, jur hơ-oei tơ 'mui teh bĕ! Ơ kon adruh bơngai Kalđê, jur hơ-oei tơ teh bĕ iĕm ưh kơ đei tang-dŏ pơtao bơih! Đơ̆ng dang ei đe ưh pă krao lu iĕm bơngai 'lơ̆ng hơbŏ rŏ liĕm dơ̆ng bơih.

Êsai 62:11

'Nâu, Kră Yang roi tơbăt bơih. Truh tơ jơ̆p-jang lăm teh đak. “Roi tơbăt bĕ kơ kon adruh pơlei Siôn. “Âu Tơ'ngla dŏng pơklaih ih truh bơih. To lu bơngai mă Kră Yang dŏng pơklaih gô năm hơdai Sư.”

Je 14:17

Apinh ih khan kơ lu sư nơ̆r 'nâu: Ăn kơ măt inh lĕch đak măt ling-lang, Măng năr ưh kơ pơdơh, yua kơ kon adruh inh, kơ kon pơlei inh, răm-'băm jĭ rơka hơbur dêh, đe pơm jĭ pơmat dêh kơ lu sư.

Je 18:16

Na teh đak lu sư jing bri juơ, pơm kơ đe hiĕk ling-lang; lu bơngai yak rok ei lăng chrơp, Na tơtreh kơ̆l.

Nhom 1:15

Lu linh pran kơtang inh, Kră Yang pơrăm lê̆ đĭ boih. Sư akŭm pơpôi lu linh wă pơm kơnê̆ kơ inh, wă pơjuă pơhĕch lê̆ lu kon tơdăm inh, Kră Yang pơjuă gơhlơ̆r lê̆ lu kon adruh Juđa thoi gơ'bang đe hmĕt plei hơmu.

Nhom 2:13

Liơ inh gơh pơting hăm iĕm, Wă kơ gơh pơlung iĕm; Ơ kon adruh pơlei Siôn? Yua kơ rơka lu iĕm jrŭ thoi đak dơsĭ. Bu wă gơh ming klaih?

Nhom 2:15

Lu bơngai yak rok trong 'bôh iĕm lu sư tap ti, Hiĕk ăr tơtreh kơ̆l, Yua kơ 'bôh kon adruh Jêrusalem, Hăm trŏ kơ 'nâu pơlei tih mă đe khan pơlei tih pơlei 'lơ̆ng rŏ, đei chơt hiôk kơjăp kơ teh đak?

Am 5:2

Ơ bơngai adruh hơlai Isơrael pơ̆k huŏng boih, ưh pă kĕ iung dơ̆ng, sư noh đe klơ̆m lê̆ boih tơ teh, ưh kơ đei bu tơiung sư.

Jêphania 3:14

Ơ kon drŏ-kăn Siôn, hơri bĕ! Ơ adrĕch adrung Isơrael, iŏk chơt hiôk bĕ! Ơ kon adruh Jêrusalem, 'nă hal bĕ.

Sa 2:10

Ơ kon adruh Siôn, hơri chơt hiôk păng 'nă hal bĕ; yua kơ 'nâu, Inh truh păng Inh gô oei hơdai, Kră Yang khan thoi noh.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Mathiơ 21:5

“Khan kơ kon pơlei pơla Jêrusalem hŏ: Pơtao iĕm wă mơ̆t tơ pơlei iĕm năr âu. Sư bơngai iơ̆m dim, Sư ưh kơ băt pơang akâu kơdih ôh; Sư hao minh pôm aseh iĕ, Sư oei kơpal kơdŭ aseh iĕ đĕch.”

Mathiơ 27:39

Lu đe mă brŏk năm trong ei tơtreh kơ̆l păng tơhmăi Yêsu khan:

I Sam 17:36

Inh pơlôch boih dăm-brang păng chơgơu, thoi noh na bơngai Philistin to ưh kơ chu kăt tơdra akar tăm dơ̆ng inh kư̆m gô teh pơlôch sư thoi sem brem noh mơ̆n; yua kơ sư pơjăm lu linh Kră Yang 'Bok Kei-Dei mă arih ling-lang.