Êsai 37:20 - Sơ̆p Hlabơar Nơ̆r 'Bok Kei-Dei

²⁰ Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Êsai 37:20 ပူးပေါင်းရင်းမြစ်များ

I Pot 8:43

Apinh Ih đơ̆ng kơpal plĕnh anih Ih oei mơ̆ng păng tơl tơwih nơ̆r lu sư krao apinh, wă kơ đĭ-đăng bơngai jơ̆p teh đak, băt kơ anăn ih, hli yom kơ anăn Ih, lei-lăi thoi lu kon pơlei Isơrael wă kơ Ih tơbăt tơ'bôh ăn kơ lu bơngai krao apinh lăm hnam âu, đơ̆ng Inh pơm.

I Pot 8:59

Hơpơi rŏ kơ nơ̆r inh krao khan bơih, 'bơ̆t anăp Kră Yang, oei lăm Kră Yang 'Bok Kei-Dei bơ̆n măng năr păng tơgŭm dôm tơdrong đĭch đam Sư jang păng kư̆m tơgŭm tơdrong kon pơlei pơla Isơrael Sư jang sa rim năr kiơ̆ thoi tơdrong lu sư kăl yua.

I Pot 8:60

Wă kơ lu kon pơlei pơla lăm ala teh đak băt kơnăl kơ Sư Kră Yang 'Bok Kei-Dei, 'nguaih kơ Sư ưh pă đei yang nai bơih.

Horiso 46:10

Hreh bĕ athei băt Inh boih Kră Yang 'Bok Kei-Dei. Inh đe gô pôk pơư tơ jơ̆p dêh char, kư̆m pôk pơư kơ Inh tơ kơpal teh.

Horiso 59:13

Apinh Kră Yang hil păng pơlôch lu sư, tơpă pơlôch pơrăm đĭ lu sư. Wă kơ lu sư ưh pă đei dơ̆ng; Ăn kơ kon bơngai băt Kră Yang 'Bok Kei-Dei wei-lăng păng pơgơ̆r? Jakôp! Truh tơ tôch teh đak. Sêla

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 33:22

Tơpă, Kră Yang bơih Tơ'ngla sek tơlang lu bơ̆n, Kră Yang Tơ'ngla pơjing ăn kơ lu bơ̆n khôi juăt, Sư bơih Kră Yang pơtao lu bơ̆n, sư bơih Tơ'ngla dŏng pơklaih lu bơ̆n!

Êsai 35:4

Akhan bĕ kơ lu bơngai đei jơhngơ̆m hli tơtăm; “Chơ̆n jơhngơ̆m 'nĕ pă hli dơ̆ng! To, Kră Yang 'Bok Kei-Dei lu iĕm gô truh wă pơm 'mong păng pơrăm Sư gô truh dŏng pơklaih lu iĕm!”

Êsai 37:16

Ơ Kră Yang Tih Hloh, 'Bok Kei-Dei đe Isơrael, Tơ'ngla hơ-oei tŏk-bŏk chêrubim, lăp minh Ih đĕch jơ̆ Kră Yang 'Bok Kei-Dei mă pơgơ̆r rim teh đak; Ih bơih pơjing plĕnh păng teh.

Êsai 42:8

“Inh bơih Kră Yang, Noh jơ̆ Anăn Inh. Inh ưh kơ asong tơdrong ư-ang 'lơ̆ng rŏ Inh kơ minh 'nu bu nai, kư̆m ưh kơ ăn tơdrong pơư bơnê Inh kơ lu rup man!”

Êsai 45:5

Inh bơih Kră Yang, ưh kơ đei yang nai dơ̆ng ôh, 'nguaih kơ Inh ưh kơ đei Yang nai dơ̆ng. Mă đơ̆ng ih ưh kơ băt kơ inh, Inh gô ăn kơ ih pran kơtang.

Êsêkiên 36:23

Inh gô hơmet ming anăn 'lơ̆ng rơgoh Inh anăn mă lu iĕm pơm pơ'mê̆ boih tơ lăm lu dêh char, noh anăn Inh mă lu iĕm hlôi pơm pơ'mê̆ 'bơ̆t anăp lu sư, Kră Yang khan: Thoi noh lu adrĕch adrung gô băt Inh boih Kră Yang, 'bơ̆t anăp lu sư Inh gô tơ'bôh pơdah tơdrong rơgoh 'lơ̆ng Inh lăm lu iĕm 'bơ̆t anăp lu sư.

Êsêkiên 39:21

Inh gô tơ'bôh tơdrong ư-ang 'lơ̆ng rŏ Inh tơ lăm lu dêh char; đĭ-đăng lu dêh char gô 'bôh tơdrong Inh sek tơlang đei pơm bơih păng tơpang ti Inh dan kơpal lu sư.

Jôel 2:17

Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.