Êsai 37:17 - Sơ̆p Hlabơar Nơ̆r 'Bok Kei-Dei

¹⁷ Ơ Kră Yang, apinh Ih pơgling đon mơ̆ng bĕ! Ơ Kră Yang apinh Ih pơih măt lăng bĕ! Apinh ih mơ̆ng bĕ dôm nơ̆r Senakêrip gơih wă pơma blông 'bơm Kră Yang 'Bok Kei-Dei arih ling-lang!

Êsai 37:17 ပူးပေါင်းရင်းမြစ်များ

II Sam 16:12

Băt Kră Yang lăng 'bôh boih tơdrong pơmat-tat inh, na ăn tơdrong pŭn hiôk tơplih tơdrong sư hiap năr 'nâu.”

II Pot 19:16

Ơ Kră Yang apinh Ih pơđêng đon mơ̆ng bĕ. Ơ Kră Yang apinh Ih lar măt lăng nhôn, apinh Ih mơ̆ng bĕ dôm lu nơ̆r mă Senacherip pơma wă pơjăm Kră Yang 'Bok Kei-Dei mă arih ling-lang.

II Ho 6:40

Kră Yang 'Bok Kei-Dei inh! Inh krao apinh Ih lăng păng mơ̆ng nơ̆r krao apinh Ih đơ̆ng anih 'nâu.

II Ho 7:15

Măt Inh gô lăng păng đon Inh gô pơgling mơ̆ng nơ̆r krao khan đơ̆ng anih 'nâu.

Jop 36:7

Sư bơwei bơngai 'lơ̆ng tơpăt. Ăn kơ lu sư hơ-oei 'bơ̆t tang-dŏ pơgơ̆r thoi lu pơtao Ăn kơ lu sư đei đe pơyom ling-lang.

Horiso 116:1

Inh 'mêm bơnê kơ Kră Yang, yua kơ Sư kơtơ̆ng nơ̆r inh. Păng kơtơ̆ng nơ̆r inh krao apinh

Horiso 17:6

Ơ Kră Yang 'Bok Kei-Dei, inh Krao apinh Ih, Yua kơ Ih gô tơl tơwih nơ̆r inh krao khan. Apinh Ih pơgling đon mơ̆ng inh krao khan.

Horiso 71:2

Lăm tơdrong tơpăt Ih, apinh Ih dŏng pơklaih inh păng ăn kơ inh gơh rơngei. Pơgling đon mơ̆ng inh păng pơklaih inh.

Horiso 74:10

Ơ Kră Yang 'Bok Kei-Dei, lu ayăt gô pơjăm pơjuă Ih dĭng truh dang yơ? Wă lê̆ lu ayăt pơma kơnê̆ kơ anăn Ih ling-lang đĕch hă?

Horiso 74:22

Ơ Kră Yang 'Bok Kei-Dei, iung bĕ dŏng tơdrong Ih, Athei 'blŏk bĕ lu kơtul pơjăm Ih prăt năr?

Horiso 79:12

Pơm tơwih bĕ tơpơh wơ̆t tơ lăm jơhngơ̆m lu teh đak tăp dăr kơ nhôn. Kơ, nơ̆r pơjăm pơjuă mă lu sư pơjăm boih Ih ơ Kră Yang.

Êsai 37:4

Rŏ lăng Kră Yang 'Bok Kei-Dei ih gô kơtơ̆ng dôm nơ̆r Rapsaka pơma, bơngai đơ̆ng pơtao Asiri wơh sư năm tơ âu wă pơma pơjăm Kră Yang 'Bok Kei-Dei arih ling-lang păng Kră Yang gô phak sư kiơ̆ thoi dôm nơ̆r mă Kră Yang 'Bok Kei-Dei kơtơ̆ng bơih, noh bơih ih krao khan bĕ kơ lu bơngai mă oei oei tơ âu!”

I Pet 3:12

Yua kơ 'Bok Kei-Dei wei-lăng lu bơngai 'lơ̆ng ling-lang, păng mơ̆ng tơdrong lu sư krao khan; gah lu bơngai pơm kơnê̆, 'Bok Kei-Dei hil dêh.”