Êsai 37:16 - Sơ̆p Hlabơar Nơ̆r 'Bok Kei-Dei

¹⁶ Ơ Kră Yang Tih Hloh, 'Bok Kei-Dei đe Isơrael, Tơ'ngla hơ-oei tŏk-bŏk chêrubim, lăp minh Ih đĕch jơ̆ Kră Yang 'Bok Kei-Dei mă pơgơ̆r rim teh đak; Ih bơih pơjing plĕnh păng teh.

Êsai 37:16 ပူးပေါင်းရင်းမြစ်များ

Bl 1:1

Blŭng-a Kră Yang 'Bok Kei-Dei pơjing plĕnh păng teh.

II Sam 7:26

Hơpơi kơ anăn Ih đei ư-ang ling-lang khŏm khŏm, ‘Kră Yang Tih jơ̆ 'Bok Kei-Dei pơgơ̆r lu bơngai Isơrael,’ hơpơi kơ Ih pơjing kơjăp ăn kơ hnam adrĕch đĭch đam Ih Đawit!

I Pot 18:32

Sư yua mơjĭt-'bar tŏ tơmo 'noh pơm minh pôm chơnang soi yua hăm Anăn Kră Yang; sư sir hơbong tăp dăr kơ chơnang soi, să sư bơ̆n gơh tah 'bar hnŏng mong găr adrĕch.

I Pot 8:6

Lu 'bok soi tơm tung ba Hom Pơgơ̆p Kră Yang tơ anih sư, anih rơgoh hloh lu sư 'măn gah ala pơnăr chêrubim.

II Pot 5:15

Naaman hăm đĭ-đăng bơngai mă kiơ̆ sư wơ̆t dơ̆ng tơ Êlisê păng khan thoi âu: “Dang ei inh băt bơih, jơ̆p-jang lăm teh đak ưh kơ đei yang nai hloh kơ Kră Yang 'Bok kei-Dei lu bơngai Isơrael, thoi noh apinh ih iŏk tơmam inh bơngai mă đĭch đam ih 'nâu.”

Esơra 1:3

Bơngai bu lăm lu iĕm, mă kon pơlei Sư, athei wih brŏka tơ pơlei Jêrusalem dêh Juđa, wă pơm ming dơ̆ng hnam akŭm Kră Yang, Sư boih Kră Yang 'Bok Kei-Dei lu bơngai Isơrael, mă oei lăm pơlei Jêrusalem. Hơpơi kơ Kră Yang 'Bok Kei-Dei bơngai noh oei hơdai hăm sư!

Horiso 146:6

Sư boih Tơ'ngla pơjing kơ plĕnh teh, đak dơsĭ păng đĭ-đăng tơmam arih lăm noh; Kră Yang wei jơhngơ̆m tơpăt ling-lang;

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Horiso 46:7

Kră Yang Tih Hloh oei hơdai lu nhôn. Kră Yang 'Bok Kei-Dei Jakôp jơ̆ anih mă lu nhôn kơ'nơp. Sêla

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

Horiso 86:10

Ih Kră Yang mơsêh, pơm tôm tơdrong hlĭch chrơp; Lăp minh 'nu Ih đĕch Kră Yang 'Bok Kei-Dei.

Horiso 99:1

Kră Yang pơgơ̆r; lu kon pơlei athei hli yom bĕ; Sư hơ-oei tơ kơpal chêrubim;a plei teh hli pơpơ̆ bĕ.

Le 25:22

Inh gô tơ'bơ̆p ih tơ noh, tơ kơpal tơnglơ̆p tơdrong 'mêm mơnat sơlam 'bar tŏ rup chêrubim, tơ kơpal hom tơdrong pơgơ̆p noh Inh gô bơtho tơ'bôh kơ ih dôm tơdrong tơtă kơ lu bơngai Isơrael.

Êsai 37:15

Pơtao Hesekia krao apinh Kră Yang khan:

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Êsai 40:22

Sư bơih oei kơpal gơwang teh đak âu; lu kon bơngai oei kơpal teh âu nhen thoi lep đĕch. Sư bơlang plĕnh nhen bơlang che; Sư dăng che noh thoi đe wă pơm bơsŭn oei.

Êsai 40:28

Lơliơ iĕm ưh kơ băt hă? Ưh tam kơtơ̆ng hă? Kră Yang arih ling-lang Sư bơih, Tơ'ngla pơjing plĕnh teh, ưh kơ gleh lap ôh; păng tơdrong hlôh băt Sư ưh kơ đei bu gơh hlôh.

Êsai 42:5

Kră Yang Tơ'ngla pơjing lu plĕnh păng bơlang plĕnh, Sư Tơ'ngla lơ̆k bơlang bơih teh hăm dôm tơmam lĕch đơ̆ng noh. Tơ'ngla ăn kial dui jơhngơ̆m kơ kon bơngai păng ăn tơdrong arih lu bơngai yak năm kơpal teh. 'Nâu Kră Yang 'Bok Kei-Dei khan kơ đam Sư.

Êsai 44:24

Kră Yang, đei khan thoi âu: “Inh huai iŏk lu iĕm Inh pơjing lu iĕm đơ̆ng lăm klak. Inh bơih Kră Yang, Inh bơih Tơ'ngla pơm pơjing tôm tơmam. Minh 'nu Inh đĕch bơlang lu plĕnh, lơ̆k teh âu, ưh kơ đei bu 'nguaih kơ Inh.

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Êsai 45:12

Inh bơih Tơ'ngla pơjing teh đak păng pơjing kon bơngai oei kơpal teh. Đơ̆ng ti Inh kơdih pơm, bơlang lu plĕnh păng pơjing lu sơnglŏng.

Êsai 45:22

Ơ đĭ-đăng lu bơngai oei jơ̆p anih tôch kơ teh. Wih brŏk bĕ tơ Inh na lu iĕm gơh klaih! Yua kơ Inh bơih Kră Yang 'Bok Kei-Dei, ưh kơ đei yang nai ôh.

Êsai 54:5

Yua kơ Tơ'ngla pơjing iĕm noh klo iĕm. Anăn Sư Kră Yang Tih Hloh. Tơ'ngla huai iŏk iĕm noh mă Tơ'ngla Rơgoh Isơrael; Sư noh boih Kră Yang 'Bok Kei-Dei kơ đĭ plĕnh teh.

Êsai 6:3

Lu Sêraphim ôr krao tơduă lu sư khan: “'Lơ̆ng rơgoh dêh, 'lơ̆ng rơgoh dêh, 'lơ̆ng rơgoh dêh Kră Yang Tih Hloh; jơ̆p kơ teh đak 'bĕnh-'bang kơ tơdrong ư-ang Sư!”

Êsai 8:13

Pôk pơư pơang bĕ Kră Yang Tih Hloh 'lơ̆ng rơgoh, Kră Yang mă lu iĕm athei hli Sư bơih Kră Yang trŏ kơ iĕm hli yom.

Yo 1:3

na Sư kư̆m gơh pơjing tôm tơdrong. Ưh kơ đei bu nai pơjing ôh, 'Bă Sư pơjao ăn kơ Sư pơjing tôm tơdrong.

Both 10:17

Yua kơ Kră Yang 'Bok Kei-Dei lu iĕm jơ̆ Kră Yang 'Bok Kei-Dei kơ lu yang păng yŏng kơ đĭ-đăng lu yŏng, wă khan Kră Yang 'Bok Kei-Dei Tih Hloh, mơsêh mơyang păng trŏ kơ hli yom. Sư ưh kơ pơdê bơngai bu, kư̆m ưh kơ đei pơgâm sa bu.

Kôlôsê 1:16

Yua kơ đơ̆ng Kon Sư na đei pơjing tôm tơdrong tơ kơpal plĕnh, tôm tơdrong tơ ala teh, tôm tơdrong măt gơh 'bôh, tôm tơdrong măt ưh kơ gơh 'bôh, mă tôm kơ lu yŏng pơgơ̆r lu yang, mă tôm kơ yŏng pơgơ̆r lu linh jang, 'Bok Kei-Dei yua Sư pơjing tôm tơdrong noh. Tôm tơdrong Kon Sư pơjing noh, wă kơ đĭ-đăng bơngai ư-ang kơ Sư.

Hêbrơ 4:16

Thoi noh na bĕ bơ̆n năm jê̆ tơ anăp Sư. Huay kơ hli ôh, Sư mơnat kơ bơ̆n tơpă, Sư wă tơgŭm bơ̆n lơ̆m dôm tơdrong bơ̆n kăl yua.

I Sam 4:4

Thoi noh, lu sư wơh bơngai năm tơ Silô, tung iŏk Hom Pơgơ̆p Kră Yang Tih Hloh, Tơ'ngla mă oei tơ lăm lu chêrubim. 'Bar 'nu kon drŏ-nglo Hêli, jơ̆ Hopni păng Phinêhas, bre sư kư̆m năm kiơ̆ Hom Pơgơ̆p Kră Yang 'Bok Kei-Dei mơ̆n.